الماتى قالاسىندا پلاستيك قاقپاقتاردى جيناپ، ولاردى كەيىن قايتا وڭدەۋگە وتكىزۋگە باعىتتالعان «دوبرايا كرىشەچكا» ەكولوگيالىق ناۋقاننىڭ باستالعانى رەسمي تۇردە جاريالاندى. بۇل تۋرالى الماتى قالاسىنىڭ ەكولوگيا جانە كورشاعان ورتا باسقارماسىنىڭ وكىلدەرى مالىمدەدى.

ناۋقان «تازا قازاقستان» جالپىۇلتتىق باعدارلاماسى اياسىندا قالا اكىمدىگىنىڭ جوبالىق كەڭسەسىنىڭ قولداۋىمەن وتەدى جانە قورشاعان ورتانى قورعاۋ، پلاستيك قالدىقتارىنىڭ كولەمىن ازايتۋ، سونداي-اق تۇرعىندار اراسىندا قالدىقتاردى بولەك جيناۋ مادەنيەتىن قالىپتاستىرۋ ماسەلەلەرىنە نازار اۋدارۋعا باعىتتالعان.

باستاماعا مەكتەپ وقۋشىلارى، بالاباكشا تاربيەلەنۋشىلەرى، اتا-انالار، سونداي-اق قالا تۇرعىندارى بەلسەندى تۇردە قاتىسا الادى. ۇيىمداستىرۋشىلاردىڭ ايتۋىنشا، تۇرعىنداردى ەكولوگيالىق تاجىريبەلەرگە تارتۋ كورشاعان ورتاعا جاۋاپتى كوزكاراس قالىپتاستىرۋعا جانە ەكولوگيالىق احۋالدى جاقسارتۋعا سەپتىگىن تيگىزەدى.

جينالعان پلاستيك قاقپاقتاردى الماتىنىڭ بارلىق اۋداندارىنىڭ تۇرعىندارى جاقىن ماڭداعى قالدىقتاردى قابىلدايتىن كوميۋنيتي ورتالىقتارعا تاپسىرا الادى.

قابىلداۋ پۋنكتتەرىنىڭ مەكەنجايلارى:

• الاتاۋ اۋدانى - سايالى شاعىن اۋدانى، 71;
• اۋەزوۆ اۋدانى - مامىر-1 شاعىن اۋدانى، 26/1;
• جەتىسۋ اۋدانى - سەرىكوۆ كوشەسى، 6ا;
• ناۋرىزباي اۋدانى - شۇعىلا شاعىن اۋدانى، ساكەن ءجۇنىسوۆ كوشەسى، 4/3;
• بوستاندىق اۋدانى - اباي داڭعىلى، 164/6;
• تۇركسىب اۋدانى - جاس-قانات شاعىن اۋدانى، 49ا;
• المالى اۋدانى - بايتۇرسىنوۆ كوشەسى، 22/1;
• مەدەۋ اۋدانى - حاليلۋللين كوشەسى، 140/5.

ناۋقان اياسىندا ەكولوگيالىق جارمەڭكەلەر، قالدىقتاردى قايتا وڭدەۋگە ارنالعان وقىتۋ شەبەرلىك سىنىپتارى، سونداي-اق بالالار مەن ەرەسەكتەرگە ارنالعان ينتەراكتيۆتى ءىس-شارالار وتكىزۋ جوسپارلانعان.

#TazaQazaqstan #تازاقازاقستان، #ەكولوگيا، #TazaChallenge

Abai.kz