دەنساۋلىق ساقتاۋ مينيسترلىگى جرۆي جانە پنەۆمونيا جاعدايلارىنىڭ ءوسۋى اياسىندا جۇكتى ايەلدەر مەن بوسانعان ايەلدەرگە ساپالى جانە ۋاقتىلى مەديتسينالىق كومەك كورسەتۋ ءۇشىن قوسىمشا شارالار قابىلداۋدا.

وڭىرلەرگە پۋلمونولوگتار، ينفەكتسيونيستەر، رەانيماتولوگتار جانە مەديتسينالىق جوعارى وقۋ ورىندارى مەن رەسپۋبليكالىق كلينيكالاردىڭ اكۋشەر-گينەكولوگتارى كىرەتىن كوپبەيىندى كوشپەلى كوماندالار جىبەرىلدى.

جۇمىستىڭ باستى ماقساتى - مەديتسينالىق كومەكتىڭ ساپاسىن ارتتىرۋ، وڭىرلىك مامانداردى ادىستەمەلىك قولداۋ جانە دەنساۋلىق ساقتاۋدىڭ رەسپۋبليكالىق جانە جەرگىلىكتى دەڭگەيلەرى اراسىنداعى ءوزارا ءىس-قيمىلدى نىعايتۋ.

ساپار بارىسىندا ماماندار:

• 1000-نان استام مەديتسينا قىزمەتكەرلەرىنە كونسۋلتاتسيا بەرۋ جانە وقىتۋ جۇرگىزىلدى;
• ولار كلينيكالىق جاعدايلاردى تالداپ ۆيرۋستىق ينفەكتسيالار مەن اسقىنۋلارى بار پپتسيەنتتەردى باسقارۋ تاسىلدەرىن ناقتىلادى;
• پاتسيەنتتەردىڭ مارشرۋتتالۋى مەن ۇيىمداستىرۋشىلىق پروتسەستەرىن باعالادى;
• اۋىر جاعدايلاردى ەمدەۋدە پراكتيكالىق كومەك كورسەتىلدى.

جۇكتى ايەلدەردىڭ جاعدايىنا ەرەكشە نازار اۋدارىلادى. شىعۋ قورىتىندىسى بويىنشا 2000 جۇكتى ايەلگە، ونىڭ ىشىندە اۋىر پاتسيەنتتەرگە مەديتسينالىق كومەك كورسەتىلدى، وندا بەيىندى مامانداردىڭ قاتىسۋىمەن تەراپيا مەن كونسيليۋمدارعا تۇزەتۋ جۇرگىزىلدى.

دەنساۋلىق ساقتاۋ مينيسترلىگى ەپيدەميولوگيالىق جاعدايدى باقىلاۋدى جالعاستىرۋدا جانە بولاشاق انالار مەن جاڭا تۋعان نارەستەلەردىڭ دەنساۋلىعىن قورعاۋ ءۇشىن بارلىق قاجەتتى شارالاردى قابىلداۋدا.

Abai.kz