«بۋراباي» ۇلتتىق تابيعي پاركىنىڭ قۇرامىنا كىرەتىن جوكەي كولىندە زاڭسىز بالىق اۋلاعان براكونەرلەرگە قاتىستى سوت ۇكىمى شىقتى.

باس پروكۋراتۋرانىڭ مالىمەتىنشە، قىلمىستىق ءىس قر قىلمىستىق كودەكسىنىڭ 335-بابى 4-بولىگىنىڭ 1) تارماعى بويىنشا تەرگەلگەن. تەرگەۋ بارىسىندا 2024 جىلدىڭ قىركۇيەك ايىندا ءۇش ازاماتتىڭ الدىن الا ءسوز بايلاسۋ ارقىلى تۇنگى ۋاقىتتا ۇرلەمەلى قايىقتاردى پايدالانىپ، كولدەن جابىندى تورمەن 640 كيلوگرامنان استام بالىقتى زاڭسىز اۋلاعانى انىقتالعان.

اتالعان ارەكەتتەردىڭ سالدارىنان مەملەكەتكە كەلتىرىلگەن زالال 9 ملن تەڭگەدەن اسقان.

- اۋدان پروكۋرورى قىلمىستىق ءىستى اقمولا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا جولداپ، سوت پروتسەسىندە مەملەكەتتىك ايىپتاۋدى قولدادى. سوت پەن القابيلەر القاسى الدىندا ايىپتالۋشىلاردىڭ كىناسى تولىق دالەلدەندى.

2025 جىلعى 1 جەلتوقساندا شىعارىلعان سوت ۇكىمىمەن ءۇش ازامات كىنالى دەپ تانىلىپ، بالىق اۋلاۋ كاسىبىمەن اينالىسۋ قۇقىعىنان 5 جىل مەرزىمگە ايىرىلىپ، 4 جىلعا باس بوستاندىعىنان ايىرۋ جازاسىنا كەسىلدى، - دەلىنگەن اقپاراتتا.

پروكۋراتۋرا ەكولوگيالىق قۇقىق بۇزۋشىلىقتار ءۇشىن زاڭدا كوزدەلگەن جاۋاپكەرشىلىكتىڭ بۇلتارتپاس ەكەنىن ەسكە سالىپ، ازاماتتاردى بالىق اۋلاۋ ەرەجەلەرىن ساقتاۋعا جانە سۋ بيولوگيالىق رەسۋرستارىن قورعاۋعا جاۋاپكەرشىلىكپەن قاراۋعا، اسىرەسە ەرەكشە قورعالاتىن تابيعي اۋماقتاردا زاڭ تالاپتارىن قاتاڭ ورىنداۋعا شاقىردى.

ايتا كەتەيىك، براكونەرلىككە قارسى ءىس-شارادا 93 قىلمىستىق ءىس قوزعالىپ، 39 ملن تەڭگەدەن استام ايىپپۇل سالىندى.

Abai.kz