سەمەي قالاسىنداعى «نزم-دە» كەمەڭگەر ويشىل، قازاق رۋحانياتىنىڭ تەمىرقازىعى حاكىم اباي قۇنانبايۇلىنىڭ 180 جىلدىعىنا وراي «جاس ۇرپاق جانە اباي مۇراسى» تاعىلىمدى فورۋم ءوتتى. 

فورۋمنىڭ شىمىلدىعى اقىننىڭ ءومىرى مەن شىعارماشىلىق جولىن ارقاۋ ەتكەن «جاس اباي» ادەبي قويىلىمىمەن ءتۇرىلدى.

اشىلۋ سوزىندە ابايدىڭ «جيدەباي-ءبورىلى» مەم-ك  مۋزەي-قورىعى دعجج ورىنباسارى   قايرامباەۆا مەيرامگۇل سەيىتجاپارقىزى، «اباي اتىنداعى عىلىمي-امبەباپ كىتاپحاناسىنىڭ» سبقب مەڭگەرۋشىسى مانجيباەۆا جاڭىلگۇل ادىلبەكقىزى، مەكتەپ ديرەكتورى قاينارباەۆ ەربول ەدىلبايۇلى ءسوز سويلەپ، مازمۇندى بايانداما جاسادى.

ءىس-شاراعا قالا مەكتەپتەرىنىڭ ديرەكتوردىڭ تاربيە ءىسى جونىندەگى ورىنباسارلارى، ۇستازدارى مەن وقۋشىلارى، سونداي-اق كوپشىلىك ابايسۇيەر قاۋىم قاتىستى. فورۋمدا حالىقارالىق بايلانىس تا كورىنىس تاپتى. ءازىربايجان مەم-ڭ باكۋ قالاسىنان ونلاين قوسىلعان ۇستازدار: ايتەن باگيەۆا، حانىم فاتاليەۆا مەن دجاۆاحير مامەدوۆا دانا اقىن شىعارماشىلىعىنىڭ تۇركى الەمىندەگى رۋحاني ماڭىزى جونىندە ءوز وي-پىكىرلەرىن ورتاعا سالدى. مۇندا، جالپى، قالا مەكتەپتەرىنىڭ وقۋشىلارى قاتىسقان ءتۇرلى تانىمدىق جانە شىعارماشىلىق باعىتتاعى جۇمىستار ۇيىمداستىرىلدى.ولاردىڭ ىشىندە كىتاپحانادا وتكەن زياتكەرلىك-تانىمدىق كەزدەسۋ، اقىن شىعارمالارى نەگىزىندە ساحنالىق كورىنىستەر بايقاۋى، زياتكەرلىك ويىندار جانە «ابايدى وقى، تاڭىرقا» اشىق شاڭىراق ساعاتى ءوتتى. شاڭىراق ساعاتىندا وقۋشىلاردىڭ اتا-اپالارى مەن «اباي» جۋرنالىنىڭ باسشىسى شاراپيەۆا رايحان ابىلمانسۇرقىزى، «شاكارىم ۋنيۆەرسيتەتىنىڭ» پروفەسسورى، ادەبي قىزمەتكەر قادىروۆ ايبار قابىكەنۇلى اتالمىش شاڭىراق ساعاتىندا بارىنشا بەلسەندى بولىپ، ۇستازدار تاراپىنان قويىلعان حاكىم اباي تۋراسىنداعى ءبىردى-ەكىلى سۇراقتارعا تولىمدى تۇردە جاۋاپ قايتارىپ، جۇرتشىلىق العىسىنا بولەندى. فورۋم اياسىندا ابايدىڭ «جيدەباي-ءبورىلى» مۋزەي-قورىعىنىڭ  جىلجىمالى كورمەسى دە ۇسىنىلدى.

جابىلۋ سالتاناتىندا «اباي» جۋرنالىنىڭ باسشىسى رايحان ابىلمانسۇرقىزى بۇگىنگى فورۋمنىڭ ماڭىزىنا توقتالىپ، مەكتەپ كىتاپحاناسىنا دانا ابايدىڭ بيۋست-ءمۇسىنىن، كورنەكتى اقىن، قر مادەنيەت جانە قوعام قايراتكەرى وسپانوۆ مۇراتبەك قابيدەنۇلىنىڭ

«ءسوز پاتشاسى» تاڭدامالى جىر جيناعىن، «اباي مۇراسىنىڭ شىراقشىسى» كىتاپتارىن، «اباي» جۋرنالىن سىيعا تارتۋ ەتتى.

جالعاسىنشا جۋرنال ۇجىمىنا «العىس حات»، قاراسوز كىتابى تابىستالدى.

ەرىك قايراتبەكۇلى

Abai.kz