قر پرەمەر-ءمينيسترى ولجاس بەكتەنوۆتىڭ توراعالىعىمەن وتكەن قۇقىق بۇزۋشىلىقتاردىڭ الدىن الۋ جونىندەگى ۆەدومستۆوارالىق كوميسسيانىڭ وتىرىسىندا ىشكى ىستەر ءمينيسترىنىڭ ورىنباسارى يگور لەپەحا جاڭا جىلدىق مەرەكەلەردە ازاماتتاردىڭ قاۋىپسىزدىگىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى باياندادى. 

23 جەلتوقساننان باستاپ پوليتسيا كۇشەيتىلگەن رەجيمدە جۇمىس ىستەۋدە. جەكە قۇرامنىڭ سانى ۇلعايتىلدى، مەملەكەتتىك جانە ستراتەگيالىق اسا ماڭىزدى نىسانداردىڭ قاۋىپسىزدىگى كۇشەيتىلدى. پاترۋلدىك مارشرۋتتار قارۋ-جاراق دۇكەندەرى مەن تۇزەۋ مەكەمەلەرىنە جاقىن ورنالاستىرىلدى. ويىن-ساۋىق ورىندارىنىڭ جانىندا قوسىمشا ءتارتىپ جاساعى قويىلدى. رەزەرۆتەر دايىندىققا كەلتىرىلدى. ازاماتتاردىڭ زاڭدى جانە قاۋىپسىزدىك شارالارىن ساقتاۋىن قامتاماسىز ەتۋ ماقساتىندا اقپاراتتىق ناۋقاندار ۇيىمداستىرىلدى، – دەدى يگور لەپەحا.

«قۇقىقتىق ءتارتىپ» جەدەل پروفيلاكتيكالىق ءىس-شارالار شەڭبەرىندە ەسەپتە تۇرعان تۇلعالار، قارۋ يەلەرى، شەتەل ازاماتتارى تەكسەرىلدى. «شىرشا» جانە «پيروتەحنيكا» جەدەل پروفيلاكتيكالىق ءىس-شارالارى شەڭبەرىندە پىسىقتاۋلار باستالدى. بارلىق مەرەكە كۇندەرى پوليتسيا نەگىزگى ءىس-شارالار وتكىزىلەتىن ورىنداردا قىزمەتكەرلەردىڭ تاۋلىك بويى كەزەكشىلىگىن قامتاماسىز ەتەدى، تىرشىلىكتى قامتاماسىز ەتۋ نىساندارىنىڭ قاۋىپسىزدىگىن كۇشەيتەدى، سونداي-اق جەدەل شتابتاردىڭ جۇمىسى مەن جول قوزعالىسىن قاداعالاۋ ۇيىمداستىرىلادى.

Abai.kz