Lufthansa اۋە كومپانياسىنىڭ رەيسى جولاۋشىنىڭ قايتىس بولۋىنا بايلانىستى الماتىعا شۇعىل قونۋ جاسادى. بۇل تۋرالى قازاقستاننىڭ اۆياتسيالىق اكىمشىلىگى ء(ااا) مالىمدەدى، دەپ حابارلايدى.

قايعىلى جاعداي بۇگىن، 26 جەلتوقساندا بولعان. Lufthansa كومپانياسىنىڭ LH 0722 رەيسىندە (ميۋنحەن – بەيجىڭ باعىتى) ۇشىپ بارا جاتقان جولاۋشىنىڭ جاعدايى كۇرت ناشارلاپ، ول ەسىنەن تانىپ قالعان.

ءااا ءباسپاسوز قىزمەتىنىڭ مالىمەتىنشە، ەكيپاج اۋە كەمەسىن الماتى حالىقارالىق اۋەجايىنا شۇعىل قوندىرۋ تۋرالى شەشىم قابىلداعان. ۇشاققا جەدەل تۇردە اۋەجايدىڭ مەديتسينالىق قىزمەتى مەن قالالىق جەدەل جاردەم بريگاداسى جىبەرىلگەن.

دارىگەرلەر كەلگەن كەزدە جولاۋشىنىڭ ۇشۋ بارىسىندا كوز جۇمعانى انىقتالعان.

اۋە كەمەسى الماتىدا جانارماي قۇيىپ، ساعات 07:56-دا سوڭعى باعىتتاعى اۋەجايعا ۇشىپ كەتتى، – دەلىنگەن حابارلامادا.

كولىكتەگى پوليتسيا دەپارتامەنتىنىڭ ءباسپاسوز قىزمەتى بۇل دەرەك بويىنشا الماتى اۋەجايىنداعى جەلىلىك پوليتسيا ءبولىمى قىلمىستىق ءىس قوزعاعانىن ايتتى.

الدىن الا مالىمەت بويىنشا، ءولىمنىڭ سەبەبى – جەدەل جۇرەك جەتكىلىكسىزدىگى. قايتىس بولعان جولاۋشى شەتەل مەملەكەتىنىڭ ازاماتى. قازىرگى ۋاقىتتا تەرگەۋ جۇرگىزىلىپ جاتىر.

قر قىلمىستىق-پروتسەستىك كودەكسىنىڭ 201-بابىنا سايكەس، وزگە اقپارات جاريا ەتىلمەيدى.

Abai.kz