2025 جىلى قازاقستان ءىرى حالىقارالىق سپورتتىق جارىستار وتەتىن الاڭعا اينالدى. بۇل تۋرالى تۋريزم جانە سپورت ءمينيسترى ەربول مىرزابوسىنوۆ 2025 جىلدى قورىتىندىلاۋ بارىسىندا مالىمدەدى.

ونىڭ ايتۋىنشا، بيىل شورت-ترەكتەن ۇلتتىق قۇراما ازيا ويىندارىنداعى العاشقى التىن جۇلدەنى جەڭىپ السا، فريستايل-اكروباتيكا مەن سەمسەرلەسۋ سپورت تۇرلەرىنەن تۇڭعىش مەدال بۇيىردى. سونىمەن قاتار دزيۋدو، بوكس، كوركەم گيمناستيكا، مانەرلەپ سىرعاناۋ، ساداق اتۋ جانە پارابياتلون بويىنشا جوعارى ناتيجەلەر تىركەلدى. «قايرات» فۋتبول كلۋبى ءوز تاريحىندا العاش رەت ۋەفا چەمپيوندار ليگاسىنىڭ نەگىزگى كەزەڭىنە شىققانىن ايرىقشا اتاپ وتۋگە بولادى.

سونداي-اق 2025 جىلى قازاقستاندا بوكستان جانە فريستايلدان الەم كۋبوگى كەزەڭدەرى، دزيۋدودان Grand Slam تۋرنيرلەرى، سونداي-اق بىرقاتار وليمپيادالىق سپورت تۇرلەرى بويىنشا حالىقارالىق جارىستار وتكىزىلدى. بۇعان قوسا، ەلىمىزدە العاش رەت ازيا پاراليمپيالىق كوميتەتىنىڭ كونفەرەنتسياسى مەن باس اسسامبلەياسى ۇيىمداستىرىلىپ، قازاقستاننىڭ ازياداعى ينكليۋزيۆتى سپورت ورتالىقتارىنىڭ ءبىرى رەتىندەگى مارتەبەسىن نىعايتا ءتۇستى.

Abai.kz