شىمكەنتتىڭ بۇرىنعى اكىمى عابيدوللا ءابدىراحىموۆ «Samruk-Kazyna Construction» اق باسقارما توراعاسىنىڭ پايدالانۋ جونىندەگى ورىنباسارى بولىپ تاعايىندالدى، دەپ حابارلايدى Ulysmedia.kz.

كومپانيانىڭ ءباسپاسوز قىزمەتىنىڭ مالىمەتىنشە، ءابدىراحىموۆ جاڭا قىزمەتىنە 2025 جىلدىڭ 29 جەلتوقسانىندا كىرىسكەن. ونىڭ ەكونوميكالىق جانە باسقارۋ سالاسىندا ءبىلىمى بار، سونداي-اق «بولاشاق» باعدارلاماسى بويىنشا الىنعان مەملەكەتتىك باسقارۋ ماگيسترى دارەجەسىنە يە.

ءار جىلدارى ول مەملەكەتتىك قىزمەتتە ءتۇرلى باسشىلىق لاۋازىمدار اتقارعان، پرەزيدەنت اكىمشىلىگى مەن ۇكىمەتتە جۇمىس ىستەگەن، شىمكەنت قالاسىنىڭ اكىمى، مادەنيەت جانە سپورت ۆيتسە-ءمينيسترى بولعان. تاعايىنداۋ ونىڭ Samruk-Kazyna Construction باسقارما قۇرامىنا كىرۋىن كوزدەمەيدى.

عابيدوللا ءابدىراحىموۆ شىمكەنت قالاسىنىڭ اكىمى قىزمەتىن ەكى رەت اتقاردى. العاش رەت 2015 جىلى تاعايىندالىپ، بۇل قىزمەتتە 2017 جىلعا دەيىن بولدى. كەيىن «نۇر وتان» پارتياسىنىڭ حاتشىسى قىزمەتىن اتقاردى.

2018 جىلى قايتادان شىمكەنت اكىمى بولىپ تاعايىندالىپ، بۇل قىزمەتتى ءبىر جىلداي اتقاردى. 2019–2021 جىلدارى پرەمەر-ءمينيستردىڭ كەڭەسشىسى بولدى.

كوپشىلىك ونى 2019 جىلى لوندوننىڭ ورتالىعىنداعى قىمبات قوناقۇي اياسىندا تۇسىرىلگەن داۋلى ۆيدەوسى ارقىلى دا تانيدى. ايتا كەتەيىك، ءتورت جىلدان كەيىن ول سول بەينەجازباعا قاتىستى ءوز تۇسىنىكتەمەسىن دە بەرگەن.

Abai.kz