قازاقستاندا AI-Sana باعدارلاماسى ارقىلى 583 490 ستۋدەنت، ماگيسترانت جانە دوكتورانت جاساندى ينتەللەكت بويىنشا سەرتيفيكات الدى. 

بۇل تۋرالى قر عىلىم جانە جوعارى ءبىلىم مينيسترلىگى Kazinform اگەنتتىگىنىڭ رەسمي ساۋالىنا جولداعان جاۋابىندا مالىمدەدى.

مينيسترلىكتىڭ مالىمەتىنشە، AI-Sana باعدارلاماسىنىڭ ءبىرىنشى كەزەڭى قورىتىندىلانىپ، سەرتيفيكات العان ءبىلىم الۋشىلاردىڭ جالپى سانى تىركەلگەن.

– بۇگىنگى كۇنى AI-Sana باعدارلاماسىنىڭ ءبىرىنشى كەزەڭىن ىسكە اسىرۋ شەڭبەرىندە 583 490 ستۋدەنت، ماگيسترانت جانە دوكتورانت سەرتيفيكات الدى. باعدارلاما شەڭبەرىندە وقىتۋ ناتيجەلەرىن باعالاۋ مىندەتتى قورىتىندى تەستىلەۋدى جانە تەوريالىق ماتەريالدى، سونداي-اق بازالىق قولدانبالى داعدىلاردى مەڭگەرۋدى تەكسەرۋگە باعىتتالعان پراكتيكالىق تاپسىرمالاردى ورىنداۋدى قامتيدى جانە سەرتيفيكات بەرۋمەن اياقتالادى، - دەلىنگەن مينيسترلىكتىڭ رەسمي جاۋابىندا.

جاۋاپتىلار AI-Sana باعدارلاماسىنىڭ ءبىرىنشى كەزەڭى اياسىنداعى وقىتۋ بىرنەشە ءبىلىم بەرۋ پلاتفورماسىندا جۇرگىزىلگەنىن جەتكىزدى. وقۋ پروتسەسى بارىسىندا جاساندى ينتەللەكت بويىنشا كۋرستار حالىقارالىق جانە ۇلتتىق سەرىكتەستەر بازاسىندا ىسكە اسىرىلعان.

– Astana Hub-پەن بىرلەسىپ 2025 جىلدىڭ ناۋرىز ايىنان باستاپ 194 441 ستۋدەنت سەرتيفيكاتتالدى. Coursera كومپانياسىمەن ىنتىماقتاستىق اياسىندا 95 جوعارى وقۋ ورنىنا 36 890 ليتسەنزيا بەرىلىپ، ولاردىڭ ناتيجەسىندە جاساندى ينتەللەكت بويىنشا 86 775 سەرتيفيكات الىندى. باعدارلامانى ىسكە اسىرۋ بارىسىندا Huawei كومپانياسى Huawei ICT Academy اياسىندا جاساندى ينتەللەكت بويىنشا ءبىلىم بەرۋ كۋرستارىن ەنگىزدى، وقىتۋ 48 اكادەميا بازاسىندا جۇرگىزىلىپ، ناتيجەسىندە ستۋدەنتتەر 243 755 سەرتيفيكات الدى، - دەيدى ماماندار.

Abai.kz