الماتىدا تۇنگى ۋاقىتتا قار تازالاۋ جۇمىستارى قاتاڭ باقىلاۋعا الىندى. بۇل تۋرالى الماتى قالاسى اكىمدىگى حابارلايدى.

قالا اۋداندارى ارالانىپ، نەگىزگى ماگيسترالدار، اۋلا ىشىلىك جولدار مەن قوعامدىق كولىك جۇرەتىن باعىتتاردىڭ جاعدايى تەكسەرىلدى.

اسىرەسە اۋلالاردا جۇمىس ىستەپ جاتقان تەحنيكانىڭ تيىمدىلىگىنە، الەۋمەتتىك نىساندارعا كىرەبەرىستەردىڭ اشىق بولۋىنا جانە جينالعان قاردى دەر كەزىندە شىعارۋعا باسىمدىق بەرىلدى. مەردىگەر كومپانيالار مەن اۋدان اكىمدىكتەرىنە تۇنگى اۋىسىمداردى كۇشەيتۋ، ارنايى تەحنيكانىڭ كەدەرگىسىز قوزعالۋىن قامتاماسىز ەتۋ جانە تۇرعىنداردىڭ وتىنىشتەرىنە جەدەل جاۋاپ بەرۋ ناقتى تاپسىرىلدى.

قازىرگى تاڭدا كوممۋنالدىق قىزمەتتەر تاۋلىك بويى جۇمىس ىستەپ جاتىر. قالانى تازالاۋ قاردىڭ سالدارى تولىق جويىلعانعا دەيىن توقتامايدى.

Abai.kz