ەۋروپالىق Euronews تەلەارناسى قازاقستاننىڭ قىسقى تۋريستىك الەۋەتىنە ارنالعان «Modern Nomads» باعدارلاماسىنىڭ جاڭا ەپيزودىن ۇسىنادى. باعدارلاما بيىل اقپان ايىندا 11 تىلدە كورسەتىلەدى جانە الەمنىڭ 160 استام ەلىندەگى شەتەلدىك اۋديتوريانى قامتيدى.

ءتۇسىرىلىمدى ۇيىمداستىرۋ مەن وتكىزۋگە Kazakh Tourism, «شىمبۇلاق» تاۋ-شاڭعى كۋرورتى، ىلە-الاتاۋ ۇلتتىق تابيعي پاركى جانە Auyl مەيرامحاناسى قولداۋ كورسەتتى.

باعدارلامادا الماتى تاۋ كلاستەرىنىڭ ينفراقۇرىلىمى مەن دامۋى پاش ەتىلەدى. Euronews شىعارماشىلىق توبى ورتالىق ازياداعى تانىمال تۋريستىك لوكاتسياعا اينالعان «شىمبۇلاق» تاۋ-شاڭعى كۋرورتىمەن تانىستى. كورەرمەندەرگە زاماناۋي اسپالى جولدار، كۇردەلىگى ءارتۇرلى دەڭگەيىندەگى تراسسالار، كەشەن اۋماعىنداعى تۋريستىك ينفراقۇرىلىم نىساندارى كورسەتىلەدى.

ءوڭىردىڭ ەڭ تانىمال تابيعي نىساندارىنىڭ ءبىرى  ۇلكەن الماتى كولىنە دە نازار اۋدارىلدى.

باعدارلامادا الماتىنىڭ گاسترونوميالىق الەۋەتىن بەدەلدى حالىقارالىق 50 Best Discovery توپتاماسىنا ەنگەن Auyl مەيرامحاناسى تانىستىرادى. شەتەلدىكتەر ۇلتتىق اسحانانىڭ زاماناۋي مازىرىمەن جانە قازاقستاننىڭ گاسترونوميالىق داستۇرلەرىمەن تانىسادى.

اتاپ وتكەن ءجون، Euronews تەلەارناسىنىڭ جالپى اۋديتورياسى 400 ميلليوننان استام كورەرمەندى قۇرايدى. باعدارلاما كەڭ حالىقارالىق اۋديتورياعا قازاقستاندى قىسقى تۋريزم ءۇشىن تارتىمدى باعىت رەتىندە جاقىنىراق تانىستىرۋعا مۇمكىندىك بەرەدى.

Abai.kz