ەلىمىزدە گاز تۇتىنۋ نورمادان اسقان جاعدايدا باعا بەلگىلەۋدە سارالانعان ءتاسىل قولدانىلۋى مۇمكىن. بۇل تۋرالى ءماجىلىستىڭ جالپى وتىرىسىندا دەپۋتات ەدىل جاڭبىرشين ايتتى.

— قولدانىستاعى باعا بەلگىلەۋ جۇيەسى گازدى ناقتى تۇتىنۋ كولەمىن ەسكەرمەيدى. سونىمەن قاتار وڭىرلەردىڭ كليماتتىق ەرەكشەلىكتەرى نازارعا الىنبايدى. ماسەلەن، جىلى وڭىردە ورنالاسقان اۋدانى 200 شارشى مەتر تۇرعىن ءۇي سۋىق كليماتتى وڭىردەگى وسىنداي ۇيگە قاراعاندا گازدى كوبىرەك تۇتىنادى. الايدا بۇل ايىرماشىلىق باعا بەلگىلەۋدە كورىنىس تاپپايدى، — دەدى ەدىل جاڭبىرشين گازبەن جابدىقتاۋ جانە گازدى ۇنەمدى تۇتىنۋ ماسەلەلەرى بويىنشا زاڭ جوباسىن تانىستىرا كەلە.

ونىڭ پايىمىنشا، بۇل الەۋمەتتىك ادىلەتتىلىك قاعيداتىن بۇزىپ، گازدى ۇنەمدەۋگە ىنتالاندىرمايدى.

— وسىعان بايلانىستى زاڭ جوباسىندا تۇتىنۋ نورمالارىن بەكىتۋ جانە بەلگىلەنگەن نورمادان اسقان جاعدايدا باعا بەلگىلەۋگە سارالانعان ءتاسىل قولدانۋ ۇسىنىلادى. مۇنداي ءادىس سۋ جانە ەنەرگەتيكا سالاسىندا قولدانىپ وتىر. ايتا كەتۋ كەرەك، مۇنداي تەتىك ازەربايجان مەن وزبەكستاندا بۇرىننان ەنگىزىلگەن، — دەدى دەپۋتات.

Abai.kz