«اسسامبلەيا جاستارى» جاڭا كونستيتۋتسيا جوباسىن ءبىراۋىزدان قولدادى
2026 جىلعى 11 اقپاندا استانا قالاسىنداعى دوستىق ۇيىندە قازاقستان رەسپۋبليكاسىنىڭ جاڭا كونستيتۋتسيا جوباسىن قولداۋعا ارنالعان «اسسامبلەيا جاستارى» رەسپۋبليكالىق قوعامدىق بىرلەستىگىنىڭ وتىرىسى ءوتتى. ءىس-شارا ەلدەگى قوعامدىق-ساياسي وزگەرىستەرگە جاستاردىڭ بەلسەندى قاتىسۋىنا مۇددەلى جاستار بىرلەستىكتەرى مەن ساراپتامالىق قاۋىمداستىق وكىلدەرىن بىرىكتىردى.
«اسسامبلەيا جاستارى» رقب توراعاسى، كونستيتۋتسيالىق رەفورما جونىندەگى كوميسسيانىڭ مۇشەسى تيمۋر دجۋمۋرباەۆ جاڭا كونستيتۋتسيا جوباسى حالىق مۇددەلەرىنىڭ شىنايى كورىنىسى ەكەنىن، جاستاردى شەشىم قابىلداۋ ۇدەرىستەرىنە تارتۋعا مۇمكىندىك اشاتىنىن، سونداي-اق جاستار ۇيىمدارىنىڭ جالپىۇلتتىق ديالوگتى قالىپتاستىرۋ مەن قازاقستان حالقىنىڭ بىرلىگىن نىعايتۋداعى ءرولىن كۇشەيتەتىنىن اتاپ ءوتتى.
وتىرىسقا قاتىسۋشىلار جاڭا كونستيتۋتسيا جوباسىن ءبىراۋىزدان قولداپ، ونىڭ نەگىزگى ەرەجەلەرىن قوعامدىق تالقىلاۋعا، تۇسىندىرۋگە جانە بىرلىك، كەلىسىم مەن ازاماتتىق جاۋاپكەرشىلىك قۇندىلىقتارىن ىلگەرىلەتۋگە جاستار ۇيىمدارىنىڭ ودان ءارى بەلسەندى قاتىسۋىنىڭ ماڭىزدىلىعىن اتاپ ءوتتى.
ستۋدەنتتىك قاۋىمداستىقتىڭ ۇستانىمىن ستۋدەنتتىك اسسامبلەيالار توراعاسى الەكساندر ۋرماشوۆ بايانداپ، جاستار ورتاسىندا كونستيتۋتسيالىق باستامالاردى تالقىلاۋ سانالى ازاماتتىق ۇستانىمدى قالىپتاستىرۋعا جانە ەل بولاشاعى ءۇشىن جاۋاپكەرشىلىكتى ارتتىرۋعا ىقپال ەتەتىنىن اتاپ ءوتتى.
«اسسامبلەيا جاستارى» رقب بقو وكىلدىگىنىڭ توراعاسى ەلگۋن دجاناليەۆ ءوز سوزىندە وڭىرلىك جاستار قۇرىلىمدارىنىڭ جاستار اراسىندا قۇقىقتىق ديالوگ مادەنيەتىن قالىپتاستىرۋداعى ماڭىزدى رولىنە نازار اۋداردى.
«اسسامبلەيا جاستارى» رقب پاۆلودار وبلىسىنداعى وكىلدىگىنىڭ توراعاسى راميل سمايلوۆ جاڭا كونستيتۋتسيا جوباسى جاستار ءۇشىن عىلىم مەن ءبىلىم قۇندىلىقتارىن ورنىقتىرۋدىڭ، سونداي-اق ادامي كاپيتالدى دامىتۋدىڭ جاڭا مۇمكىندىكتەر قالىپتاستىراتىن نەگىزگى پلاتفورما رەتىندەگى ماڭىزىن اتاپ ءوتتى.
استانا قالاسى بويىنشا «اسسامبلەيا جاستارى» رقب وكىلدىگىنىڭ توراعاسى لاريسا پاك نەگىزگى قوعامدىق-ساياسي رەفورمالاردى تالقىلاۋ بارىسىندا جاستاردىڭ ءارتۇرلى توپتارىنىڭ پىكىرىن ەسكەرۋگە مۇمكىندىك بەرەتىن اشىق پىكىرتالاستار مەن ينكليۋزيۆتى ءوزارا ءىس-قيمىل فورماتتارىنىڭ ماڭىزىن اتاپ ءوتتى.
وتىرىس قورىتىندىسى بويىنشا جاڭا كونستيتۋتسيا جوباسىن قولداۋعا باعىتتالعان «اسسامبلەيا جاستارى» رقب-نىڭ ۇندەۋى قابىلداندى.
Abai.kz
