بۇل پروتسەسس شامامەن ەكى ايعا سوزىلۋى مۇمكىن.

امەريكا قۇراما شتاتتارى سيرياداعى قالعان بارلىق اسكەري قىزمەتشىلەرىن شىعارۋدى جۇزەگە اسىرۋدا. بۇل تۋرالى The Wall Street Journal باسىلىمى جازدى.

باسىلىم مالىمەتىنشە، اقش اراب رەسپۋبليكاسىندا قالعان شامامەن 1 مىڭ اسكەري قىزمەتشىنى ەلدەن اكەتۋ جۇمىستارىن باستاپ كەتكەن. بۇل پروتسەسس شامامەن ەكى ايعا سوزىلۋى مۇمكىن. سونىمەن قاتار، شەشىم اقش پەن يران اراسىنداعى شيەلەنىستىڭ كۇشەيۋىنە بايلانىستى ەمەس ەكەنى اتاپ وتىلەدى.

اقپان ايىنىڭ باسىندا اقش قارۋلى كۇشتەرىنىڭ ورتالىق قولباسشىلىعى سيرياداعى ەت-تانف اسكەري بازاسىنان امەريكالىق كۇشتەردى جوسپارلى تۇردە شىعارۋدى اياقتاعانى تۋرالى حابارلانعان بولاتىن.

Abai.kz