جاڭا كونستيتۋتسيا – ەل دامۋىنىڭ جاڭا بەلەسىن ايقىندايتىن ماڭىزدى قادام. بۇل قۇجات مەملەكەتىمىزدىڭ ساياسي جۇيەسىن جاڭعىرتىپ قانا قويماي، ۇلتتىڭ ينتەللەكتۋالدى الەۋەتىن ارتتىرۋعا جول اشاتىن باستى كەپىل بولماق. بۇل تۋرالى عىلىم جانە جوعارى ءبىلىم مينيسترلىگى «عىلىم ورداسى» شجق رمك ديرەكتورى ۇلار مۇقاجانوۆ ايتتى.

زاڭ ۇستەمدىگى بار جەردە عانا ادىلەتتى قوعام قالىپتاساتىنىن تىلگە تيەك ەتكەن ول بۇگىنگى تاڭدا ادىلدىككە دەگەن سۇرانىستى ناقتى ىسكە اينالدىراتىن ۋاقىت كەلگەنىن جەتكىزدى.

«ءادىل قوعام تەك ءسوز جۇزىندە ەمەس، ناقتى ءىس-ارەكەت ارقىلى كورىنۋگە ءتيىس. وسى تۇرعىدا جاڭا كونستيتۋتسيا – قازاقستاننىڭ دامۋىنا جاڭا سەرپىن بەرەتىن ستراتەگيالىق قادام. بۇل فورمالدى رەفورما عانا ەمەس، ءار ازاماتتىڭ كۇندەلىكتى ومىرىنە وڭ اسەر ەتەتىن ناقتى ناتيجەلەرگە باعىتتالعان وزگەرىس. جاڭا كونستيتۋتسيا ەڭ الدىمەن ادامنىڭ قۇقىقتارى مەن بوستاندىقتارىن ءبىرىنشى ورىنعا قويادى. بۇل ەل تۇراقتىلىعىن نىعايتىپ، قوعام مەن مەملەكەت اراسىنداعى سەنىمگە جاڭا تىنىس بەرەدى. سەبەبى مىقتى مەملەكەتتىڭ ىرگەتاسى تەك ادىلدىكپەن قالانادى»، – دەپ اتاپ ءوتتى ۇلار مۇقاجانوۆ.

سونداي-اق ول اتا زاڭداعى وزگەرىستەر ەل دامۋىنىڭ جاڭا باعىتتارىن ايقىنداپ، ءبىلىم-عىلىم جانە يننوۆاتسيا سالالارىنىڭ وركەندەۋىنە جول اشاتىنى جونىندە ويىن ساباقتادى.

«وسىناۋ تاريحي بەتبۇرىستىڭ تاعدىرى الداعى 15 ناۋرىزدا وتەتىن رەسپۋبليكالىق رەفەرەندۋمدا شەشىلمەك. بۇل تاريحي ساتتە ارقايسىمىز بەلسەندىلىك تانىتىپ، ءوز پىكىرىمىزدى ءبىلدىرۋىمىز قاجەت. مەن قازاقستان رەسپۋبليكاسىنىڭ ازاماتى رەتىندە تاڭداۋىمدى جاسايمىن ءارى سىزدەردى دە ماڭىزدى ءىس-شارادان تىس قالماۋعا شاقىرامىن»،– دەدى ول.

Abai.kz