ۇلتتىق ستاتيستيكا بيۋروسى وتكەن جىلعى ەلدەگى تۋ كورسەتكىشىن جاريالادى. 2025 جىلدىڭ 12 ايىندا قازاقستاندا 335 مىڭ ءسابي دۇنيەگە كەلگەن. ولاردىڭ 51,5% ۇل، 48,5% – قىز.

رەسمي دەرەككە سۇيەنسەك، تۋدىڭ ەڭ جوعارى كوەففيتسيەنتى تۇركىستان (1 مىڭ تۇرعىنعا شاققاندا 22,22 ءسابي), ماڭعىستاۋ (21,40) وبلىستارىندا جانە شىمكەنت قالاسىندا (21,76) تىركەلدى.

تۋ كورسەتكىشىنىڭ نەگىزگى ۇلەسى 25-29 جاس ارالىعىنداعى ايەلدەرگە – 27%، سونداي-اق 30-34 جاس ارالىعىنداعى ايەلدەرگە – 26,1% تيەسىلى.

بىلتىر 20 جاسقا دەيىنگى قىزدار 10,4 مىڭ بالانى، ال 50 جاستان اسقان ايەلدەر 148 بالانى دۇنيەگە اكەلگەن. 20 جاسقا دەيىن بوسانعان انالاردىڭ سانى تۇركىستان وبلىسىندا باسىم بولسا، 50 جاستان اسىپ دۇنيەگە نارسە اكەلگەن انالار سانى الماتى قالاسىندا كوپ.

بىلتىر تۋعان بالالاردىڭ 24% (79,8 مىڭى) وتباسىنىڭ تۇڭعىشى اتانسا، كەزەك سانى بويىنشا وتباسىندا ءتورتىنشى بولىپ 53,5 مىڭنان استام بالا دۇنيەگە كەلگەن (جالپى 16%).

Abai.kz