بۇگىن ناۋرىزناما ونكۇندىگىنە وراي شاڭىراق كۇنى اياسىندا تالدىقورعاندا 40 –تان استام تۇرعىن ءۇيلى بولدى. ولارعا جاڭا پاتەر كىلتتەرىن وبلىس اكىمى بەيبىت يساباەۆ تابىستادى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

ءوڭىر باسشىسى كىلت تاپسىرۋ سالتاناتىندا سويلەگەن سوزىندە حالىقتىڭ تۇرمىس ساپاسىن جاقسارتۋ باستى مىندەتتەردىڭ ءبىرى ەكەنىن اتاپ ءوتتى:

– پرەزيدەنتتىڭ باستاماسىمەن قابىلدانعان جاڭا كونستيتۋتسيانىڭ نەگىزگى ۇستانىمى دا سول - ادامعا باعىتتالعان مەملەكەت قۇرۋ، قاراپايىم ازاماتتاردىڭ ءال-اۋقاتىن ارتتىرۋ. بۇل ورايدا ءبىز حالىقتى باسپانامەن قامتاماسىز ەتۋ ماقساتىندا وبلىس قۇرىلعاننان بەرى تۇرعىن ءۇي قۇرىلىسىن قارقىندى جۇرگىزىپ كەلەمىز. جالپى، تالدىقورعان قالاسىندا وتكەن جىلى 630-دان استام ادام ءۇيلى بولسا، جىل باسىنان بەرى 135 تۇرعىن جاڭا قونىسقا يە بولدى. ال جىل سوڭىنا دەيىن قالادا 1400-گە جۋىق باسپانا سالىنادى دەپ جوسپارلانىپ وتىر. جاڭا قونىستارىڭىز ىرىس پەن بەرەكەگە تولىپ، وسى ۇيدە ءوسىپ-ونە بەرىڭىزدەر! – دەدى ب. يساباەۆ.

اتاپ وتسەك، جاڭا قونىس جەتىم بالالار، تولىق ەمەس، كوپ بالالى وتباسىلار، ەرەكشە قاجەتتىلىگى بار بالالاردى تاربيەلەپ وتىرعان وتباسىلار، ءى جانە ءىى توپتاعى مۇگەدەك جاندار جانە باسقا دا الەۋمەتتىك وسال توپ ساناتىنا جاتاتىن ازاماتتارعا بەرىلدى. – مەن كوپ جىل كەزەكتە تۇردىم، بۇگىن ءۇش بولمەلى پاتەردىڭ كىلتىن الدىم. ەندى ناۋرىزدى ءوز ۇيىمىزدە قارسى الاتىن بولدىق. بۇل – ءبىز ءۇشىن ۇلكەن قۋانىش. وسى ىسكە اتسالىسقان بارشا جانعا العىسىمدى بىلدىرەمىن، قونىس يەلەرىنىڭ ءبارىن شىن جۇرەكتەن قۇتتىقتايمىن، مولشىلىق، باقىت تىلەيمىن، – دەدى ول.

تاعى ءبىر قونىس يەسى ارتەم پوپوۆ تا وي قوستى:

– مەن بالالار ۇيىندە تاربيەلەندىم. «جەتىم بالالار» ساناتى بويىنشا پاتەر الدىم. تۇرعىن ءۇي كەزەگىندە 15 جىل تۇردىم. ءبىزدى وسى قۋانىشقا جەتكىزگەن  بارلىق ازاماتتارعا العىس ايتامىن. بارشاڭىزدى ناۋرىز مەرەكەسىمەن قۇتتىقتايمىن، – دەدى ول.

گۇلدەرايىم وسپانوۆا دا ۇلى ماديار مۇراتحاننىڭ پاتەرلى بولعانىنا قۋانىشتى:

– ۇلىم 10 جىل كەزەكتە تۇردى. سابىر ساقتاپ، كۇتتىك، ءار نارسەنىڭ ءوز ۋاقىتى بار. باسقا دا كەزەكتە تۇرعاندار ءبىر كۇنى ءبىز سياقتى كوپتەن كۇتكەن باسپانالارىن الادى دەپ ويلايمىن. ۇلىم بوچچا سپورتىنان قازاقستان چەمپيونى، جۇزۋمەن اينالىسادى. ەندى ونىڭ ءوز پاتەرى بار. بۇل – بارلىعىمىز ءۇشىن ناۋرىز مەرەكەسىنە ۇلكەن سىي بولدى، – دەدى ول.

Abai.kz