ارنايى پروكۋرورلار الماتى قالاسىنىڭ مامانداندىرىلعان حقو قىزمەتكەرلەرىنە قاتىستى قىلمىستىق ءىس بويىنشا سوتقا دەيىنگى تەرگەپ-تەكسەرۋدى اياقتادى، دەپ حابارلايدى قالالىق پروكۋراتۋرانىڭ ءباسپاسوز قىزمەتى.

تەرگەۋ ناتيجەسىندە 2023 جىلى مامانداندىرىلعان حقو-نىڭ 5 قىزمەتكەرى 18 جۇك كولىگىن جالعان قۇجاتتار بويىنشا زاڭسىز تىركەپ، ولاردىڭ ناقتى شىعارىلعان جىلىن بۇرمالاعانى انىقتالدى.

— قۇقىققا قارسى ارەكەتتەردىڭ ناتيجەسىندە كولىك قۇرالدارىن باستاپقى تىركەگەنى ءۇشىن الىم رەتىندە كوزدەلگەن 164 ملن تەڭگە مەملەكەتتىك بيۋدجەتكە تولىق تۇسپەدى. كەشەندى جۇرگىزىلگەن تەرگەۋ ارەكەتتەرى مەن سوت ساراپتامالارىنىڭ ناتيجەسى ايىپتالۋشىلاردىڭ قۇقىققا قارسى ارەكەتتەرىن تولىعىمەن راستادى. سوتقا دەيىنگى تەرگەپ-تەكسەرۋ بارىسىندا مەملەكەتكە كەلتىرىلگەن شىعىن تولىق كولەمدە وتەلدى. سوتتىڭ ۇكىمىمەن سوتتالۋشىلار كىنالى دەپ تانىلىپ، ءارتۇرلى مەرزىمگە باس بوستاندىقتارىنان ايىرىلدى، — دەلىنگەن حابارلامادا.

Abai.kz