ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) پارلامەنتتىك اسسامبلەياسىنىڭ كەڭەسى تاياۋ شىعىستاعى جانە يران يسلام رەسپۋبليكاسىنىڭ اينالاسىنداعى جاعدايعا بايلانىستى مالىمدەمە جاسادى.

قۇجاتتا كەڭەس يران اۋماعىنا جاسالعان اسكەري سوققىلارعا جانە ايماقتاعى احۋالدىڭ دامۋىنا بايلانىستى تەرەڭ الاڭداۋشىلىق بىلدىرەدى. بارلىق تاراپتاردىڭ ۇستامدىلىق تانىتىپ، جاعدايدى ۋشىقتىرۋى مۇمكىن ارەكەتتەردەن باس تارتۋى قاجەتتىگى اتاپ وتىلگەن.

كەڭەس كۇش قولدانۋدى جول بەرىلمەيتىن ارەكەت دەپ سانايدى جانە قالىپتاسقان قايشىلىقتار تەك بەيبىت جولمەن شەشىلۋى ءتيىس ەكەنىن باسا ايتادى. بۇل رەتتە ديالوگ، ءوزارا قۇرمەت جانە بارلىق تاراپتاردىڭ مۇددەلەرىن ەسكەرۋ، سونداي-اق حالىقارالىق قۇقىقتىڭ جالپىعا بىردەي تانىلعان پرينتسيپتەرى مەن بۇۇ جارعىسى نەگىزگە الىنۋى كەرەك.

مالىمدەمەدە بۇۇ مەن بۇۇ قاۋىپسىزدىك كەڭەسىن حالىقارالىق بەيبىتشىلىك پەن قاۋىپسىزدىككە نۇقسان كەلتىرۋگە قارسى تۇرۋ ءۇشىن شۇعىل شارالار قابىلداۋعا شاقىرۋ كامتىلعان.

سونداي-اق، يراننىڭ ەگەمەندىگىن، قاۋىپسىزدىگىن جانە اۋماقتىق تۇتاستىعىن قامتاماسىز ەتۋ قاجەتتىگى ەرەكشە اتاپ ءوتىلدى.

قۇجات سوڭىندا قازا تاپقانداردىڭ وتباسىلارىنا شىنايى كوڭىل ايتىلدى.

Abai.kz