پرەزيدەنتتىڭ اسكەري قىزمەتشىلەردى زاپاسقا شىعارۋ جانە قر ازاماتتارىن 2026 جىلدىڭ ناۋرىز – ماۋسىم جانە قىركۇيەك – جەلتوقسان ايلارىندا مەرزىمدى اسكەري قىزمەتكە كەزەكتى شاقىرۋ تۋرالى جارلىعىن ىسكە اسىرۋ جونىندەگى ۇكىمەت قاۋلىسى قابىلداندى.

قۇجات اياسىندا وبلىستاردىڭ، استانا، الماتى جانە شىمكەنت قالالارىنىڭ اكىمدەرىنە كەلەسى شارالاردى ۇيىمداستىرۋ تاپسىرىلدى:

* شاقىرۋ كوميسسيالارىنىڭ جۇمىسىن ۇيىمداستىرۋ جانە 2026 جىلدىڭ ناۋرىز – ماۋسىم جانە قىركۇيەك – جەلتوقسان ايلارىندا اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق، 18-دەن 27 جاسقا دەيىنگى 43 231 ەر ازاماتتى اسكەرگە شاقىرۋدى قامتاماسىز ەتۋ;

* قر زاڭناماسىنا سايكەس شاقىرۋ پۋنكتتەرىن مەديتسينالىق قامتاماسىز ەتۋ.

ءىىم-گە اسكەرگە شاقىرىلۋشىلاردى جيناۋ جانە اسكەرگە جونەلتۋ ورىندارىندا ىشكى ىستەر ورگاندارى قىزمەتكەرلەرىنىڭ كۇشەيتىلگەن كەزەكشىلىگىن ۇيىمداستىرۋ جۇكتەلدى.

كولىك مينيسترلىگى قر قورعانىس مينيسترلىگىنىڭ وتىنىمدەرى بويىنشا قارۋلى كۇشتەرگە، ءىىم-گە، تجم-گە، ۇقك-گە جانە مەملەكەتتىك كۇزەت قىزمەتىنە شاقىرىلعان ازاماتتاردى، سونداي-اق زاپاسقا شىعارىلعان اسكەري قىزمەتشىلەردى تاسىمالداۋدى قامتاماسىز ەتۋى ءتيىس.

سونىمەن قاتار، قورعانىس، ىشكى ىستەر جانە توتەنشە جاعدايلار مينيسترلىكتەرىنە مەرزىمدى اسكەري قىزمەتكە شاقىرىلعان ازاماتتاردى جانە زاپاسقا شىعارىلعانداردى تاسىمالداۋ شىعىندارىن رەسپۋبليكالىق بيۋدجەتتە قاراستىرىلعان قاراجات شەگىندە تىكەلەي تاسىمالداۋشى ۇيىمدارعا وتەۋ تاپسىرىلدى.

قاۋلى 20 ناۋرىزدان باستاپ قولدانىسقا ەنگىزىلدى.

Abai.kz