قازاقستاندىق بوكسشى جانىبەك ءالىمحانۇلى ەندى ورتا سالماقتا IBF نۇسقاسى بويىنشا الەم چەمپيونى ەمەس، دەپ حابارلايدى Prosports.kz.

جاڭارتىلعان رەيتينگتە ونىڭ ەسىمى چەمپيوندار قاتارىندا جوق. قازىرگى تاڭدا بۇل ديۆيزيونداعى بەلبەۋ بوس تۇر. بۇعان دەيىن IBF ۇيىمى قازاقستاندىق بوكسشىنى وڭ دوپينگ سىناماسىنان كەيىن تيتۋلدان ايىرعان بولاتىن. ەندى ءالىمحانۇلىنىڭ قولىندا تەك WBO بەلبەۋى قالدى.

جاڭارتىلعان IBF رەيتينگىندە قازاقستاننان ءبىر عانا بوكسشى بار. سۇلتان زاۋربەك ەكىنشى جەڭىل سالماقتا ءۇشىنشى ورىندا تۇر جانە تيتۋلعا ۇمىتكەرلەر قاتارىندا.

بۇل ديۆيزيوندا IBF چەمپيونى — مەكسيكالىق ەمانۋەل ناۆاررەتە. سونىمەن قاتار رەيتينگتىڭ ۇزدىك وندىعىندا وزبەكستان وكىلدەرى دە بار: باحودير جالولوۆ اۋىر سالماقتا جەتىنشى ورىندا، ال مۋرودجون احماداليەۆ ەكىنشى جەڭىل سالماقتا توعىزىنشى ساتىدا ورنالاسقان.

Abai.kz