جەكسەنبى كۇنى اقش اسكەريلەرى بلوكادانى بۇزۋعا ارەكەتتەنگەن يراندىق جۇك كەمەسىن باسىپ الدى، دەپ حابارلايدى Qaz365.kz.

وسى وقيعاعا بايلانىستى تەگەران الداعى سەيسەنبىدە ءوتۋى ءتيىس بەيبىت كەلىسسوزدەردىڭ ەكىنشى كەزەڭىنە قاتىسۋدان رەسمي تۇردە باس تارتتى.

اقش اسكەريلەرىنىڭ مالىمدەۋىنشە، يران تۋى استىنداعى كەمە باندار-ابباس پورتىنا بەت العان كەزدە وعان وق اتىلعان. ءوز كەزەگىندە يران تاراپى بۇل ارەكەتتى "قارۋلى قاراقشىلىق" دەپ اتاپ، كەمەنىڭ قىتايدان كەلە جاتقانىن العا تارتتى. يسلام رەسپۋبليكاسىنىڭ قارۋلى كۇشتەرى جاقىن ارادا قارىمتا سوققى بەرىلەتىنىن ەسكەرتتى.

تەگەران كەلىسسوزدەردەن باس تارتۋىن ۆاشينگتوننىڭ "شەكتەن تىس تالاپتارىمەن" جانە جالعاسىپ جاتقان بلوكادامەن ءتۇسىندىردى. يراننىڭ ءبىرىنشى ۆيتسە-پرەزيدەنتى موحاممادرەزا ارەف الەۋمەتتىك جەلىلەردە مالىمدەمە جاساپ، يران مۇنايىنىڭ ەكسپورتى شەكتەلگەن جاعدايدا وزگەلەر ءۇشىن دە قاۋىپسىزدىككە كەپىلدىك بولمايتىنىن، ەركىن نارىق بولماسا، بارلىق تاراپتىڭ شىعىنعا باتاتىنىن اتاپ ءوتتى.

بۇل وقيعا ەكى اپتالىق ۋاقىتشا ءبىتىم اياقتالۋعا ءبىر كۇن قالعاندا ورىن الىپ وتىر. دۇيسەنبى كۇنى كەشكە يسلامابادقا اقش دەلەگاتسياسى كەلەدى دەپ جوسپارلانعان. اق ءۇي دەلەگاتسيانى ۆيتسە-پرەزيدەنت دجەي دي ۆەنس باستاپ باراتىنىن حابارلاعانىمەن، دونالد ترامپ بۇل اقپاراتتى جوققا شىعاردى. قازىرگى ۋاقىتتا تاراپتار يادرولىق باعدارلاما مەن ورمۋز بۇعازى ماسەلەسىندە ورتاق مامىلەگە كەلە الماي وتىر.

Abai.kz