الماتىدا «AMANAT» پارتياسىنىڭ «TURGYNDAR AMANATY» جوباسى اياسىندا قالالىق فورۋم سەمينار ۇيىمداستىرىلدى.ونىڭ بارىسىندا كوپپاتەرلى تۇرعىن ۇيلەردى باسقارۋ سالاسىنداعى تۇيتكىلدى ماسەلەلەردى جۇيەلى شەشۋ جانە قالا تۇرعىندارىنىڭ تۇرمىس ساپاسىن جاقسارتۋ قادامدارى تالقىلاندى.

ءىس-شاراعا الماتى قالاسىنىڭ اكىمى دارحان ساتىبالدى, «AMANAT» پارتياسىنىڭ حاتشىسى ەرجان جىلقىباەۆ, ءماسليحات دەپۋتاتتارى، مەملەكەتتىك ورگانداردىڭ باسشىلارى، ساراپشىلار، سونداي-اق ميب, پيك جانە باسقارۋشى كومپانيالاردىڭ توراعالارى قاتىستى. القالى جيىن بارىسىندا ءماجىلىس دەپۋتاتى، «AMANAT» پارتياسى فراكتسياسىنىڭ مۇشەسى ەكاتەرينا سمىشلياەۆا جانە ءماجىلىس دەپۋتاتى باقىتجان بازاربەك ءسوز سويلەپ، ورامدى ويلارىن ورتاعا سالدى.  

الماتى قالاسى – ەلىمىزدەگى ەڭ ءىرى مەگاپوليس. قالادا 9,5 مىڭنان استام كوپپاتەرلى تۇرعىن ءۇي بار.ولاردىڭ ۇشتەن ەكىسىنەن استامى – ەسكى تۇرعىن ءۇي قورى. ال مىڭداعان ءۇيگە كۇردەلى جوندەۋ جۇرگىزۋ قاجەت. سونداي-اق, تۇرعىن ءۇي قورىنىڭ ايتارلىقتاي بولىگىءنىڭ توزىعى جەتىپ تۇر. شاھاردا اپاتتى جانە سەيسموتۇراقسىز جاعدايداعى ۇيلەر، جەدەل ساتىسى ەسكىرگەن باسپانالار بار. ءبىر جىلدا ۋاكىلەتتى ورگاندارعا تۇرعىنداردان مىڭداعان ءوتىنىش كەلىپ ءتۇسءتى.

بۇل رەتتە, «AMANAT» پارتياسىنىڭ «TURGYNDAR AMANATY» جوباسى تۇرعىنداردى تولعاندىرعان ماسەلەلەردى شەشۋدىڭ ءتيىمدى تەتىگىنە اينالۋدا. جوبا كوپپاتەرلى تۇرعىن ۇيلەردى باسقارۋدىڭ ۇتىمدى مودەلىن قالىپتاستىرۋعا باعىتتالىپ وتىر. وسى ماقساتتا پارتيا جانىنان جوبالىق كەڭسە قۇرۋ، مۇلىك يەلەرى بىرلەستىكتەرى مەن پاتەر يەلەرى كووپەراتيۆتەرىنىڭ توراعالارىن وقىتۋ، ۇيلەردى كۇردەلى جوندەۋدەن وتكىزۋ جۇمىسىن قولداۋ, تسيفرلىق شەشىمدەر ەنگىزۋ جانە تۇرعىنداردىڭ كورىكتەندىرۋ باعدارلامالارىنا قاتىسۋىن كەڭەيتۋ كوزدەلءىپ وتىر. سونىمەن قاتار تۇرعىندارمەن تۇراقتى كەرى بايلانىس ورناتۋعا جانە ولاردى ۇيلەرىن باسقارۋ ۇدەرىسىنە بەلسەندى تارتۋعا ەرەكشە نازار اۋدارىلعان.

الماتى قالاسىنىڭ اكىمى دارحان ساتىبالدى تۇرعىن ءۇي-كوممۋنالدىق شارۋاشىلىعى سالاسىتۇرعىنداردىڭ جايلى ءومىر سۇرۋىنە تىكەلەي اسەر ەتەتىنءىن اتاپ ءوتتى.

«بۇگىن قالا تۇرعىندارىنىڭ تۇرمىس ساپاسىنا تىكەلەي اسەر ەتەتىن نەگىزگى سالالاردىڭ ءبىرى – تۇرعىن ءۇي-كوممۋنالدىق شارۋاشىلىعى ماسەلەسىن تالقىلاپ وتىرمىز. الماتىدا ەلىمىزدەگى ەڭ ءىرى تۇرعىن ءۇي قورى شوعىرلانعان، ال مۇنداي اۋقىم اشىق جۇيەنى، ناقتى ەرەجەلەردى جانە بارلىق تاراپتىڭ جاۋاپكەرشىلىگىن تالاپ ەتەدى»، – دەءدى اكىم.

اكىمنىڭ ايتۋىنشا، الماتىدا 9,5 مىڭنان استام كوپپاتەرلى تۇرعىن ءۇي جانە 2,5 مىڭنان استام باسقارۋ سۋبەكتىسى بار. وسىعان بايلانىستى، تۇرعىن ءۇي قورىن جاڭعىرتۋ مەن باسقارۋدىڭ جۇيەلى ءتاسىلى قاجەت. سونداي-اق دارحان ساتىبالدىجۇمىس تۇرعىندارمەن كەرى بايلانىس نەگىزىندە قۇرىلىپ جاتقانىن ايتتى.

«مەملەكەت باسشىسى قاسىم-جومارت توقاەۆ ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس، ازاماتتاردىڭ ءوتىنىشى مەن كەرى بايلانىسى ءبىزدىڭ اتقارىپ جاتقان جۇمىسىمىزدىڭ نەگىزگى باسىمدىعى سانالادى. وسىعان بايلانىستى تۇرعىندار كوتەرگەن ماسەلەلەر كەزەڭ-كەزەڭىمەن قارالىپ، شەشىمىن تاۋىپ كەلەدى»، – دەدى قالا اكىمى.

«AMANAT» پارتياسىنىڭ حاتشىسى ەرجان جىلقىباەۆ اتالعان جوبانىڭ ءمانى مەن ماڭىزىناتوقتالدى.

«ءبىزدىڭ ورتاق ماقساتىمىز – الماتى قالاسىنىڭ ءاربىر تۇرعىنى ءۇشىن قاۋىپسىز، قولايلى جانە ساپالى باسپانا ورتاسىن قۇرۋ. وسىعان بايلانىستى, بۇگىن ءبىز مۇلىك يەلەرى بىرلەستىكتەرى مەن پاتەر يەلەرى كووپەراتيۆتەرى توراعالارىنىڭ قاتىسۋىمەن وسى جوبانى تالقىلاپ، الداعى بىرلەسكەن جۇمىسىمىزدىڭ باسىم باعىتتارىن ايقىنداۋ ءۇشىن جينالىپ وتىرمىز. ايتا كەتۋ كەرەك، بۇل باعىتتاعى جۇمىس جۇيەلى تۇردە جۇرگىزىلۋدە. جىل باسىنان بەرى وسىنداي فورۋمسەمينارلار ەلىمىزدىڭ 11 وڭىرىندە ءوتىپ، ءوز تيىمدىلىگىن كورسەتتى. وسى تاجىريبەنى ەسكەرە وتىرىپ، ءبىز بۇل جۇمىستى الماتى قالاسىندا جالعاستىرىپ وتىرمىز»، – دەدى ول.

«تۇران» پاتەر يەلەرى كووپەراتيۆتەرى قاۋىمداستىعىنىڭ ءتورايىمى بيبىگۇل ءجۇنىسباەۆاتۇرعىن ءۇي قورىن جاڭعىرتۋ جانە باسقارۋ ساپاسىن ارتتىرۋ قادامدارىنىڭ ماڭىزىنا توقتالدى.

«بۇگىندە ەنەرگيا تيىمدىلىگى، ينجەنەرلىك جەلىلەردىڭ توزۋى جانە ەسكى تۇرعىن ءۇي قورىن جاڭعىرتۋ ماسەلەلەرى – اسا وزەكتى. ءبىز پاتەر يەلەرى كووپەراتيۆتەرىنىڭ توراعالارىمەن جانە تۇرعىندارمەن جۇيەلى تۇردە جۇمىس جۇرگىزىپ، وقىتۋ جانە كەڭەس بەرۋ باعىتىنداعى ءىس-شارالاردى ۇدايى ۇيىمداستىرىپ كەلەمىز. باسقارۋ ۇدەرىسى كاسىبي دەڭگەيگە كوتەرىلىپ، تۇرعىنداردىڭ وزدەرى دە شەشىم قابىلداۋعا بەلسەندى قاتىسۋى ماڭىزدى»، – دەدى ول.

ال الماتى قالاسى پاتەر يەلەرى كووپەراتيۆتەرى قاۋىمداستىعىنىڭ توراعاسى اركادي رۋبتسوۆاتالعان سالانى دامۋ ءۇشىن كادرلىق الەۋەتتى كۇشەيتۋ جانە زاڭنامانى جەتىلدىرۋ قاجەت ەكەنىن مالىمدەدى.

«بۇگىندە تۇرعىن ءۇيدى باسقارۋ سالاسىنداعى مامانداردىڭ بىلىكتىلىگىن ارتتىرۋ، زاماناۋي ستاندارتتاردى ەنگىزۋ جانە ۇيلەردى جىلىتۋ ماۋسىمىنا دايىنداۋ مەن قاۋىپسىزدىك ماسەلەلەرى بويىنشا وقىتۋ جۇمىسى ەرەكشە ماڭىزعا يە. سونىمەن قاتار زاڭنامانى جەتىلدىرۋ جۇمىسى جۇرگىزىلۋدە. بۇل قادام باسقارۋ تيىمدىلىگىن ارتتىرىپ، كەدەرگىلەردى جويۋعا مۇمكىندىك بەرەدى»،– دەدى ول.

فورۋم اياسىندا ءموبيلدى قوعامدىق قابىلداۋوتكىزىلىپ، وندا مەملەكەتتىك ورگاندار مەن كوممۋنالدىق قىزمەت سالاسىنىڭ وكىلدەرى تۇرعىن ءۇيدى باسقارۋ ۇيىمدارىنىڭ جەتەكشىلەرىنە جانەقالا تۇرعىندارىنا كەڭەس بەردءى. سونداي-اق, تۇرعىن ءۇيدى كۇتىپ ۇستاۋ، كۇردەلى جوندەۋدەن وتكىزۋ جانە قىزمەت كورسەتۋشى ۇيىمدارمەن ءوزارا ءىس-قيمىل جۇرگىزۋ ماسەلەلەرى بويىنشا ناقتى كومەك كورسەتىءلدى.

ءىس-شارا بارىسىندا تۇرعىن ءۇيدى باسقارۋ ۇيىمدارىنىڭ اشىق قىزمەت ەتۋءىن قولعا الۋ, تۇرعىنداردىڭ شەشىم قابىلداۋداعى ءرولىن ارتتىرۋ، تسيفرلاندىرۋ بارىسىن دامىتۋ جانە دەپۋتاتتار مەن تۇرعىندار اراسىنداعى ءوزارا ءىس-قيمىلدى كۇشەيتۋ ماسەلەلەرى تالقىلاندى.

«AMANAT» پارتياسىنىڭ ءباسپاسوز قىزمەتى

Abai.kz