دەپۋتاتتارعا قۇلاققاعىس!

ورالدىڭ قازاقتانۋى كۇنى كەشە 2002 جىلى كوشەرباەۆ قىرىمبەك اكىم بولىپ كەلىپ قازاق تەاترىن سالعان كەزەڭنەن باستالدى.

«التىن شىركەۋدىڭ» قارسىسىنا سىرىم باتىر ەسكەرتكىشىن دە اسكەرمەن قورشاپ تۇرىپ اشتى.

ءيا، ورالدا قازاق مەكتەبىنىڭ بولماۋى تالايدىڭ تاعدىرىنا اسەر ەتتى.

قازاق ادەبيەتىن سان شاكىرتكە وقىتقان ۇستاز شاراباسوۆتىڭ ۇلى (تاربيەسى،ساۋاتى،ادالدىعى مىقتى) قازاقشا ناشار سويلەسە،ونىڭ كىناسى ەمەس.ورالدا قازاق مەكتەبى بولمادى .جالعىز ينتەرناتقا اتا-اناسى ساۋ قالا بالاسىن المايتىن. مەن وقىعان جىلدارى قالادا 12-15پايىز عانا قازاق تۇراتىن/

جايىق شاراباسوۆتىڭ ،بايان ماقساتقىزىنىڭ ءتىل بىلمەۋى ولاردىڭ كىناسى ەمەس. سەرىك شاراباسوۆ تا، ماقسوت مۇحيتدينوۆ تە ۇلت دەسە جانىن قيۋعا دايار ازاماتتار ەدى.

ەندى وسى ورال جاقتىڭ جاعدايىن ايتقان قايسىڭ بار؟

بۇگىنگى كۇنى ورال اۋەجايىن باسقارىپ وتىرعان رەسەيلىكتەر ەمەس پە؟

ورال اسپانىمەن سولاردىڭ راكەتا، دروندارى ۇشىپ جاتىر ەمەس پە؟

ورال بيزنەسى، قۇرىلىسى، دۇكەندەرى، قوناق ۇيلەرى ت.ت.ءبارى رەسەي ازاماتتارىنىڭ بيلىگىندە ەمەس پە؟

سامارامەن شەكتەس اۋىلدار (كراسنوۆكا سياقتى) قاز تۆ حابارىن كورمەيدى،قازاق راديوسىن ەستىمەيدى ەمەس پە؟

جايىقتىڭ رەسەي بەتىندەگى ەلدىمەكەندەر باياعى كۋپەستەردىڭ اتىمەن ءالى تۇرعان جوق پا؟

پۋگاچەۆ شىركەۋى، پۋگاچەۆ ۇيلەنگەن كازاچكانىڭ ءۇيى ماڭىنداعىلار كوك تۋدى ءالى كۇن تانىمايتىن سياقتى. كەشە لەنيندى جوقتاپ قىزىت تۋ كوتەرىپ جۇرگەن سولار ەمەس پە؟ سەنىڭ كونستيتۋتسياڭا داۋىس بەرمەيتىن دە سولار ەمەس پە؟

ورالعا كەلگەندەر ءبىرىنشى سول جەرلەردى ارالايدى، بۇل جاقتان قازاق ءيسىن سەزىنبەيدى عوي.

ونىڭ ۇستىنە وستروۆسكي تەاترى بەلسەندى، پۋشكين توقتاعان ءۇي كۇندە اشىق، ال بوكەەۆا تەاترى رەمونتقا تۇرعالى 6-7 جىل بولعان سياقتى. مانشۇك مۋزەيىن ەشكىم سۇرامايدى.

دەپۋتاتتار بارىپ ناقتى نە تىندىردى؟

ورال-اتىراۋ جولىندا ءالى قانشا جولاۋشى قىرىلۋى كەرەك؟ جەكە شارۋالارىڭدى تۇگەندەپ الدىڭدار عوي، ەندى ازداپ ەلدى ويلاساڭدارشى،اسىرەسە، ورال جاقتى.

ال ورال قازاقستاننىڭ قاتەرلى قاقپاسى عوي....

اقۇشتاپ باقتىگەرەەۆا،

اقىن، مەملەكەتتىك سىيلىقتىڭ يەگەرى

Abai.kz