وقيعا سالدارىنان 7 ادام زارداپ شەكتى: 2-ەۋى قازا تاۋىپ، 2-ەۋى اۋرۋحاناعا جاتقىزىلىپ 3 ادام ۇيىنە جىبەرىلدى.

وسكەمەندەگى زاۋىتتا بولعان جارىلىستان كەيىن جەدەل جەلى ىسكە قوسىلدى.

"كازتسينك" قورعاسىن زاۋىتىنىڭ اۋماعىندا، ەلەكتروليز تسەحىنىڭ بالقىتۋ بولىمىندە شاڭ ۇستاۋ قۇرىلعىسىنىڭ جارىلىسى بولىپ، كەيىننەن ءورت شىقتى.

قۇتقارۋشىلار كەلگەن ساتتە اشىق جانۋ بايقالدى.

تجم كۇشتەرىمەن ءورت 120 شارشى مەتر الاڭدا تولىق ءسوندىرىلدى. سونداي-اق تسەح قۇرىلىمدارىنىڭ 220 شارشى مەتر اۋماقتا قۇلاۋى ورىن الدى. وقيعا سالدارىنان 7 ادام زارداپ شەكتى: 2-ەۋى قازا تاۋىپ، 2-ەۋى اۋرۋحاناعا جاتقىزىلىپ 3 ادام ۇيىنە جىبەرىلدى. وقيعا ورنىندا جەدەل شتاب قۇرىلدى. اپات سالدارىن جويۋعا شامامەن 80 ادام جەكە قۇرام، 18 تەحنيكا بىرلىگى، كوماندالىق-شتابتىق ماشينا، تجم ۇشقىشسىز ۇشۋ اپپاراتى، كينولوگيالىق ەسەپتوپتار جانە اپاتتار مەديتسيناسى ورتالىعىنىڭ بريگاداسىنىڭ دارىگەرلەرى جۇمىلدىرىلدى. قازىرگى ۋاقىتتا ۇيىندىلەردى ارشۋ جۇمىستارى جۇرگىزىلۋدە. تجد-دا جەدەل جەلى تەلەفونى جۇمىس ىستەۋدە: 8 (7232) 55-38-19, - دەپ حابارلادى تجم ءباسپاسوز قىزمەتى. 

وسكەمەندەگى «كازتسينك» جشس اۋماعىندا بولعان ءورت وقشاۋلاندى. قۇتقارۋشىلار ءورتتى تولىق ءسوندىرۋ جۇمىستارىن جالعاستىرىپ جاتىر. الدىن الا مالىمەت بويىنشا، 4 ادام اۋرۋحاناعا جەتكىزىلگەن. 

ۇكىمەت وتىرىسىندا پرەمەر-مينيستر ولجاس بەكتەنوۆ وسكەمەن قالاسىنداعى وندىرىستىك نىساندا بولعان جارىلىسقا بايلانىستى جاۋاپتى ورگاندارعا ناقتى تاپسىرمالار جۇكتەدى. 

Abai.kz