اقمولا وبلىسىنداعى كەنىشتە وپىرىلعان تاۋ جىنىسى ەكى ەر ادامدى باسىپ قالعان. ولاردىڭ زاڭسىز كەن ىزدەۋگە كەلگەنى ايتىلۋدا.

قايعىلى وقيعا 19 مامىر كۇنى «قازاقالتىن» جشس-نە قاراستى «ورتالىق» شاحتاسىندا بولعان. الدىن الا مالىمەت بويىنشا، شاحتانىڭ 610-گوريزونتىندا تاۋ جىنىسى وپىرىلىپ، ەكى ادام ءۇيىندى استىندا قالعان.

وقيعا ورنىنا جەتكەن تاۋ-كەن قۇتقارۋشىلارى اپات بولعان جەرگە دەيىن شامامەن ءبىر جارىم شاقىرىم جول ءجۇرىپ وتكەن. الايدا قۇتقارۋ جۇمىستارى كەزىندە ەر ادامدار جەر بەتىنە تىرشىلىك بەلگىلەرىنسىز شىعارىلعان.

قازا تاپقانداردىڭ جاسى 38 جانە 21-دە بولعانى بەلگىلى. ولار سولتۇستىك قازاقستان وبلىسىنان كەلگەن. الدىن الا اقپارات بويىنشا، ەر ادامدار زاڭسىز كەن ىزدەۋمەن اينالىسقان.

اقمولا وبلىستىق پوليتسيا دەپارتامەنتى اتالعان فاكى بويىنشا قىلمىستىق ءىس قوزعالعانىن مالىمدەدى.

اتالعان دەرەك بويىنشا ستەپنوگورسك قالالىق پوليتسيا باسقارماسى قىلمىستىق كودەكستىڭ 269-1-بابى 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر. قاجەتتى ساراپتامالار تاعايىندالىپ، وقيعانىڭ بارلىق ءمان-جايى انىقتالۋدا، – دەپ حابارلادى ۆەدومستۆودان.

قازىرگى ۋاقىتتا تەرگەۋ امالدارى جالعاسىپ جاتىر.

بۇعان دەيىن دە سول اقمولا وبلىسىنداعى بەستوبە كەنىشىنە زاڭسىز كىرگەن ەر ادامنىڭ قازا بولعانى ايتىلعان ەدى.

Abai.kz