بۇگىن پارلامەنت پالاتالارىنىڭ بىرلەسكەن وتىرىسىندا دەپۋتاتتار ءبىرىنشى وقىلىمدا ءۇش زاڭ جوباسىن قارادى:

8 ءبولىم مەن 43 باپتان تۇراتىن «قازاقستان رەسپۋبليكاسىنىڭ پرەزيدەنتى تۋرالى» كونستيتۋتسيالىق زاڭنىڭ جاڭا رەداكتسياسى.

12 ءبولىم مەن 60 باپتان تۇراتىن «قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ جاڭا رەداكتسياسى.

«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى.

ۇسىنىلىپ وتىرعان وزگەرىستەر:

– قولدانىستاعى زاڭنامانى جاڭا كونستيتۋتسياعا بەيىمدەۋگە،

– مەملەكەتتىك-ساياسي مودەلدى ينستيتۋتسيونالدىق جاڭعىرتۋعا،

– ساياسي جاڭعىرۋدىڭ كەلەسى كەزەڭىنە ارنالعان جۇيەلى قۇقىقتىق نەگىز قالىپتاستىرۋعا باعىتتالعان.

زاڭنامانى ۇيلەستىرۋ ۇدەرىسى مەن الداعى قۇرىلتاي سايلاۋى ادىلەتتى قازاقستاننىڭ كونستيتۋتسيالىق قاعيداتتارى مەن قۇندىلىقتارىنا نەگىزدەلگەن ەل دامۋىنىڭ جاڭا كەزەڭىنىڭ باستالۋىن بىلدىرەدى.

ەرلان كارين، مەملەكەتتىك كەڭەسشى

Abai.kz