«ادىلەت» پارتياسىندا ساياسي كەڭەستىڭ وتىرىسى ءوتىپ، وندا ۇيىمدىق دامۋ، وڭىرلىك قۇرىلىمدى نىعايتۋ ماسەلەلەرى مەن پارتيا جۇمىسىنىڭ الداعى باعىتتارى تالقىلاندى.

پارتيا توراعاسى ايبەك دادەباي «ادىلەت» پارتياسىنىڭ قۇرىلۋى قوعامنىڭ ادىلدىككە دەگەن ۇمتىلىسىمەن قازاقستاندىقتاردىڭ بەلسەندى قولداۋىنىڭ ناتيجەسى ەكەنىن اتاپ ءوتتى. پارتيا مۇشەلەرىنىڭ الدىندا قوعامدىق باستامالاردى، كاسىبي تاجىريبەنى جانە بەلسەندى ازاماتتاردى ەلدى دامىتۋ جولىنداتوپتاستىرا وتىرىپ، ورتالىقتا جانە وڭىرلەردە ءتيىمدى جۇمىس جۇيەسىن قالىپتاستىرۋ مىندەتى تۇر.

«بۇگىندە ادىلدىك يدەياسىن قوعام بارعان سايىن كەڭىنەن قولداپ كەلە جاتقانىن كورىپ وتىرمىز. پارتيا توڭىرەگىنە ەڭبەك ادامدارى، كاسىبي قاۋىمداستىق وكىلدەرى، جاستار مەن قوعام قايراتكەرلەرى باس قوسىپ جاتىر. الدىمىزدا وڭىرلەردە ءتيىمدى ۇيىمدار قۇرۋ، پارتيالىق باسقارۋدىڭ زاماناۋي جۇيەسىن قالىپتاستىرۋ، پارتيانىڭ مىقتى ساراپتامالىق جانە كادرلىق الەۋەتىن جاساقتاۋ مىندەتى تۇر. ەڭ باستىسى — ازاماتتاردىڭ سەنىمىن اقتاۋىمىز كەرەك. ءبىز مەملەكەت باسشىسىنىڭ بارلىق پروگرەسسيۆتى كۇشتەردى ادىلەتتى قازاقستان يدەياسىنىڭ توڭىرەگىنە توپتاستىرۋ جونىندەگى ۇندەۋىن قولدايمىز جانە ناقتى باستامالار، اشىق ديالوگ پەن جاۋاپتى جۇمىس ارقىلى وسى باعىتتى ىسكە اسىرۋعا ءوز ۇلەسىمىزدى قوسۋعا دايىنبىز»، - دەدى پارتيا توراعاسى ايبەك دادەباي.

وتىرىستا 14 ماۋسىم كۇنى استانادا وتەتىن پارتيانىڭ ءىى سەزىنە دايىندىق پىسىقتالىپ، پارتيالىق قۇرىلىمدى ودان ءارى دامىتۋعا جانە وڭىرلەردەگى جۇمىستى جەتىلدىرۋگە قاتىستى بىرقاتار ۇيىمداستىرۋماسەلەلەرى قارالدى.

تالقىلاۋ بارىسىندا ساياسي كەڭەس مۇشەلەرى پارتيا جۇمىسىنىڭ الداعى نەگىزگى باعىتتارىن قولدادى. «ۇلتتىق رۋح» قوعامدىق بىرلەستىگىنىڭ توراعاسى ايات سۇگىرباي پارتيالىق قۇرىلىمدى نىعايتۋ مەن وڭىرلەردەگى جۇمىستى دامىتۋدىڭ ماڭىزىن اتاپ ءوتتى. ال ساياساتتانۋشى ءبۇرىحان نۇرمۇحامەدوۆ قوعامدى ادىلدىك، جاۋاپكەرشىلىك جانە ەلدىڭ جاسامپازدامۋى جولىندا كۇش بىرىكتىرۋدىڭ ماڭىزدىلىعىنا توقتالدى.

ايتا كەتەيىك، پارتيا قوعامدىق جانە كاسىبي بىرلەستىكتەرمەن ىنتىماقتاستىقتى ارتتىرىپ، ادىلەتتى قازاقستاندى دامىتۋعا قاتىستى وزەكتى ماسەلەلەر بويىنشا جاڭا باستامالار ازىرلەپ جاتىر.

press@adilet-partiyasy.kz

بەينەتىزبەك: https://drop.rtrk.kz/563ffb33a891پرەسس-رەليز

Abai.kz