فينليانديا پرەزيدەنتى الەكساندر ستۋبب 29 ماۋسىمدا Politico باسىلىمىنا بەرگەن سۇحباتىندا ۋكراينانىڭ قازىر اسكەري، ساياسي جانە ەكونوميكالىق جاقتان سوعىس باستالعاننان بەرگى ەڭ جاقسى جاعدايدا ەكەنىن مالىمدەپ، بارلىق تاراپتاردى شارتسىز تۇردە 60 كۇندىك اتىستى توقتاتۋ مۇمكىندىگىن پايدالانۋعا شاقىردى. ول رەسەيدىڭ بۇل سوعىستا ستراتەگيالىق جاقتان جەڭىلىسكە ۇشىراعانىن دا تىلگە تيەك ەتتى.

ساراپشىلار ستۋببتىڭ سوزدەرىن 8 شىلدەدە وتەتىن ناتو ءسامميتى الدىندا وداقتاستارعا جاسالعان سەنىم يشاراسى دەپ تۇسىندىرۋدە.

ستۋبب ۋكراينانىڭ سوڭعى التى ايدا اسكەري باسىمدىققا يە بولعانىن اتاپ ءوتتى. ونىڭ كەلتىرگەن مالىمەتكە ساي، اي سايىن 35 000-عا دەيىن رەسەيلىك ساربازدار قۇربان بولعان، رەسەي تارابى وپات بولعانداردىڭ ورنىنا جاڭا كۇش تارتا الماعان. سانكت-پەتەربۋرگ پەن ماسكەۋدەگى نىساندارعا سوققى جاساعان ۋكراينانىڭ درون جانە زىمىران شابۋىلدارى مۇناي وڭدەۋ قوندىرعىلارىنىڭ شامامەن 40%-ىن ىستەن شىعارعان.

ستۋبب: «قازىرگى ۋاقىتتا قازا تاپقاندار سانىنىڭ ايىرماسى 1:8 اراقاتىناسىنداي، ياعني ءاربىر قازا تاپقان نەمەسە جارالانعان ۋكراين ساربازىنا سەگىز رەسەيلىكتەن تۋرا كەلەدى»، - دەدى.

ول ۋكراينانىڭ قازىر كەلىسسوز مىنبەرىندە ىرىقتى ورىندا ەكەنىن العا تارتىپ، گازا مەن يراندا جۇزەگە اسقان اتىستى توقتاتۋ مودەلىن ۇلگى ەتىپ، الدىمەن شارتسىز جانە جان-جاقتى تۇردە اتىستى 60 كۇن توقتاتۋعا، سودان كەيىن كەلەسى كەلىسسوزدەردى بىرتىندەپ العا جىلجىتۋعا شاقىردى.

28 ماۋسىمدا رەسەيدىڭ مەملەكەتتىك تەلەديدارىنا بەرگەن سۇحباتىندا پۋتين رەسەي اسكەرى ۋكراينانىڭ شىعىسى مەن وڭتۇستىگىندەگى ءتورت ايماقتى تولىعىمەن باسىپ الۋ ءۇشىن بەلگىلەنگەن اسكەري ماقساتتارىن جالعاستىراتىنىن مالىمدەدى جانە ۋكراينانىڭ قاقتىعىستى ازايتۋ ءۇشىن ءبىر-ءبىرىنىڭ ىشكى ايماقتارىنا ۇزاق قاشىقتىقتاعى سوققىلاردى توقتاتۋ تۋرالى جاڭا ۇسىنىسىن قابىلدامادى. ماسكەۋ مۇنى كيەۆتىڭ 1250 شاقىرىمدىق مايدان سىزىعىنداعى قىسىمدى جەڭىلدەتۋ تاكتيكاسى دەپ سانايدى.

ال پۋتيننىڭ باستى وداقتاسى بەلارۋس پرەزيدەنتى 29-ماۋسىمدا بەيجىڭگە باردى. سينحۋا اگەنتتىگىنىڭ حابارلاۋىنشا، بەيجىڭدە سي تسزينپينمەن كەزدەسۋى كەزىندە رۋكاشەنكو بەلارۋس قىتايمەن حالىقارالىق جانە ايماقتىق ماسەلەلەر بويىنشا ارىپتەستىكتى كۇشەيتۋگە دايىن ەكەنىن مالىمدەدى. ول قىتايدىڭ بەلارۋستىڭ بارلىق ۋاقىتتاعى ستراتەگيالىق سەرىكتەسى ەكەنىن جانە ەكى ەلدىڭ پراگماتيكالىق ىنتىماقتاستىعى جان-جاقتى جانە تەرەڭ ەكەنىن، بەلارۋستىڭ ەكونوميكالىق جانە الەۋمەتتىك دامۋىنا ماڭىزدى قولداۋ كورسەتەتىنىن اتاپ وتكەن.

قىتاي باسشىسى سي تسزينپين قىتايدىڭ بەلارۋستىڭ ۇلتتىق ەگەمەندىگىن، تاۋەلسىزدىگىن جانە اۋماقتىق تۇتاستىعىن قورعاۋدا جانە ءوز ۇلتتىق جاعدايلارىنا سايكەس كەلەتىن دامۋ جولىن ۇستانۋدا قولداۋ كورسەتەتىنىن، بەلارۋستىڭ دامۋى مەن قۇرىلىسىنا قولىنان كەلگەنشە كومەك كورسەتۋدى جالعاستىراتىنىن ايتقان.

Abai.kz

فينليانديا پرەزيدەنتى الەكساندر ستۋبب 29 ماۋسىمدا Politico باسىلىمىنا بەرگەن سۇحباتىندا ۋكراينانىڭ قازىر اسكەري، ساياسي جانە ەكونوميكالىق جاقتان سوعىس باستالعاننان بەرگى ەڭ جاقسى جاعدايدا ەكەنىن مالىمدەپ، بارلىق تاراپتاردى شارتسىز تۇردە 60 كۇندىك اتىستى توقتاتۋ مۇمكىندىگىن پايدالانۋعا شاقىردى. ول رەسەيدىڭ بۇل سوعىستا ستراتەگيالىق جاقتان جەڭىلىسكە ۇشىراعانىن دا تىلگە تيەك ەتتى.

ساراپشىلار ستۋببتىڭ سوزدەرىن 8 شىلدەدە وتەتىن ناتو ءسامميتى الدىندا وداقتاستارعا جاسالعان سەنىم يشاراسى دەپ تۇسىندىرۋدە.

ستۋبب ۋكراينانىڭ سوڭعى التى ايدا اسكەري باسىمدىققا يە بولعانىن اتاپ ءوتتى. ونىڭ كەلتىرگەن مالىمەتكە ساي، اي سايىن 35 000-عا دەيىن رەسەيلىك ساربازدار قۇربان بولعان، رەسەي تارابى وپات بولعانداردىڭ ورنىنا جاڭا كۇش تارتا الماعان. سانكت-پەتەربۋرگ پەن ماسكەۋدەگى نىساندارعا سوققى جاساعان ۋكراينانىڭ درون جانە زىمىران شابۋىلدارى مۇناي وڭدەۋ قوندىرعىلارىنىڭ شامامەن 40%-ىن ىستەن شىعارعان.

ستۋبب: «قازىرگى ۋاقىتتا قازا تاپقاندار سانىنىڭ ايىرماسى 1:8 اراقاتىناسىنداي، ياعني ءاربىر قازا تاپقان نەمەسە جارالانعان ۋكراين ساربازىنا سەگىز رەسەيلىكتەن تۋرا كەلەدى»، - دەدى.

ول ۋكراينانىڭ قازىر كەلىسسوز مىنبەرىندە ىرىقتى ورىندا ەكەنىن العا تارتىپ، گازا مەن يراندا جۇزەگە اسقان اتىستى توقتاتۋ مودەلىن ۇلگى ەتىپ، الدىمەن شارتسىز جانە جان-جاقتى تۇردە اتىستى 60 كۇن توقتاتۋعا، سودان كەيىن كەلەسى كەلىسسوزدەردى بىرتىندەپ العا جىلجىتۋعا شاقىردى.

28 ماۋسىمدا رەسەيدىڭ مەملەكەتتىك تەلەديدارىنا بەرگەن سۇحباتىندا پۋتين رەسەي اسكەرى ۋكراينانىڭ شىعىسى مەن وڭتۇستىگىندەگى ءتورت ايماقتى تولىعىمەن باسىپ الۋ ءۇشىن بەلگىلەنگەن اسكەري ماقساتتارىن جالعاستىراتىنىن مالىمدەدى جانە ۋكراينانىڭ قاقتىعىستى ازايتۋ ءۇشىن ءبىر-ءبىرىنىڭ ىشكى ايماقتارىنا ۇزاق قاشىقتىقتاعى سوققىلاردى توقتاتۋ تۋرالى جاڭا ۇسىنىسىن قابىلدامادى. ماسكەۋ مۇنى كيەۆتىڭ 1250 شاقىرىمدىق مايدان سىزىعىنداعى قىسىمدى جەڭىلدەتۋ تاكتيكاسى دەپ سانايدى.

ال پۋتيننىڭ باستى وداقتاسى بەلارۋس پرەزيدەنتى 29-ماۋسىمدا بەيجىڭگە باردى. سينحۋا اگەنتتىگىنىڭ حابارلاۋىنشا، بەيجىڭدە سي تسزينپينمەن كەزدەسۋى كەزىندە رۋكاشەنكو بەلارۋس قىتايمەن حالىقارالىق جانە ايماقتىق ماسەلەلەر بويىنشا ارىپتەستىكتى كۇشەيتۋگە دايىن ەكەنىن مالىمدەدى. ول قىتايدىڭ بەلارۋستىڭ بارلىق ۋاقىتتاعى ستراتەگيالىق سەرىكتەسى ەكەنىن جانە ەكى ەلدىڭ پراگماتيكالىق ىنتىماقتاستىعى جان-جاقتى جانە تەرەڭ ەكەنىن، بەلارۋستىڭ ەكونوميكالىق جانە الەۋمەتتىك دامۋىنا ماڭىزدى قولداۋ كورسەتەتىنىن اتاپ وتكەن.

قىتاي باسشىسى سي تسزينپين قىتايدىڭ بەلارۋستىڭ ۇلتتىق ەگەمەندىگىن، تاۋەلسىزدىگىن جانە اۋماقتىق تۇتاستىعىن قورعاۋدا جانە ءوز ۇلتتىق جاعدايلارىنا سايكەس كەلەتىن دامۋ جولىن ۇستانۋدا قولداۋ كورسەتەتىنىن، بەلارۋستىڭ دامۋى مەن قۇرىلىسىنا قولىنان كەلگەنشە كومەك كورسەتۋدى جالعاستىراتىنىن ايتقان.

Abai.kz