2026 جىلدىڭ العاشقى جارتىجىلدىعى قازاقستان رەسپۋبليكاسى مادەنيەت جانە اقپارات مينيسترلىگىنە قاراستى ءبىلىم بەرۋ ۇيىمدارىنىڭ ءبىلىم الۋشىلارى ءۇشىن تابىستى بولدى. جاس مۋزىكانتتار، بالەت ارتىستەرى، حورەوگرافتار مەن حور ۇجىمدارىنىڭ مۇشەلەرى رەسپۋبليكالىق جانە حالىقارالىق بايقاۋلار مەن فەستيۆالدەردە ونەر كورسەتىپ، ۇلتتىق ونەر مەكتەبىنىڭ مەرەيىن ۇستەم ەتتى.

جىل باسىنان بەرى ءتۇرلى شىعارماشىلىق بايقاۋلارعا 1548 ءبىلىم الۋشى قاتىسىپ، ولاردىڭ 1231-ءى جۇلدەگەر اتاندى.

بۇل جەتىستىك – جاس ونەرپازداردىڭ تاباندى ىزدەنىسى مەن ۇستازداردىڭ ەسەلى ەڭبەگىنىڭ جەمىسى. ولار كلاسسيكالىق مۋزىكا، بالەت، زاماناۋي حورەوگرافيا، حور، فورتەپيانو جانە ساحنا ونەرىنىڭ وزگە دە باعىتتارىندا باق سىناپ، كاسىبي شەبەرلىگىن پاش ەتتى.

جاس دارىندار پەرم قالاسىندا وتكەن ەكاتەرينا ماكسيموۆا اتىنداعى XIX «ارابەسك-2026» اشىق بالەت ارتىستەرى بايقاۋى، استانادا ۇيىمداستىرىلعان حالىقارالىق جاس حورەوگرافتاردىڭ فەستيۆال-بايقاۋى، ا.يساكوۆا اتىنداعى XII حالىقارالىق پيانيستەر بايقاۋى، سانكت-پەتەربۋرگتە وتكەن XI حالىقارالىق بالالار مەن جاسوسپىرىمدەر حور چەمپيوناتى، ماسكەۋدە ۇيىمداستىرىلعان XII حالىقارالىق «Dance Moscow» جاس حورەوگرافيا ورىنداۋشىلارى بايقاۋى جانە Eurasia Piano Forum الاڭىندا ۇزدىكتەر قاتارىنان كورىندى.

Abai.kz