اۋىس-ءتۇيىس: كىمدەر قىزمەتكە تاعايىندالدى؟
كەشەلى-بۇگىن مەملەكەت باسشىسى قاسىم-جومارت توقاەۆ بىرقاتار لاۋازىمدى تۇلعالاردى تاعايىندادى. كەشە پرەزيدەنت جارلىعىمەن قر باس پروكۋرورى بەرىك اسىلوۆ قىزمەتىنە قايتا تاعايىندالدى. اقورداداعى اۋىس-تۇيىستەر بۇگىن دە جالعاسۋدا.
قر باس پروكۋرورى – بەرىك اسىلوۆ
«مەملەكەت باسشىسىنىڭ جارلىعىمەن بەرىك نوعايۇلى اسىلوۆ قازاقستان رەسپۋبليكاسىنىڭ باس پروكۋرورى لاۋازىمىنا تاعايىندالدى»، - دەپ جازىلعان اقوردا جارلىعىندا.
بەرىك اسىلوۆ 1964 جىلى دۇنيەگە كەلگەن. 1991 جىلى س. م. كيروۆ اتىنداعى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا تامامداعان.
ەڭبەك جولىن پروكۋراتۋرا ورگاندارىندا باستاعان. 1992-2001 جىلدارى الماتى قالاسى الاتاۋ اۋدانى پروكۋراتۋراسىنىڭ اعا تەرگەۋشىسى، قر باس پروكۋراتۋراسى جانىنداعى اسا ماڭىزدى ىستەر جونىندەگى تەرگەۋشى جانە اعا تەرگەۋشى، الماتى اۆياتسيالىق كولىك پروكۋرورىنىڭ ورىنباسارى بولدى.
2022 جىلعى 3 ناۋرىزدان باستاپ قازاقستان رەسپۋبليكاسىنىڭ باس پروكۋرورى قىزمەتىندە بولدى. قر پرەزيدەنتى قاسىم-جومارت توقاەۆتىڭ جارلىعىمەن 2024 جىلعى 6 مامىردا وعان 1-سىنىپتى مەملەكەتتىك ادىلەت كەڭەسشىسى سىنىپتىق شەنى بەرىلدى.
قر جوعارعى سوت توراعاسى – اسلامبەك مەرعاليەۆ
«مەملەكەت باسشىسىنىڭ جارلىعىمەن اسلامبەك امانگەلدىۇلى مەرعاليەۆ قازاقستان رەسپۋبليكاسى جوعارعى سوتىنىڭ توراعاسى لاۋازىمىنا تاعايىندالدى»، - دەپ جازىلعان جارلىقتا.
اسلامبەك مەرعاليەۆ 1972 جىلى دۇنيەگە كەلگەن. ىستامبۋل مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
2022 جىلدىڭ 8 جەلتوقسانىنان باستاپ – قازاقستان رەسپۋبليكاسى جوعارعى سوتىنىڭ توراعاسى قىزمەتىن اتقارىپ كەلەدى.
حالىق كەڭەسى توراعاسىنىڭ ورىنباسارى – قاناتبەك جايسانباەۆ
«مەملەكەت باسشىسىنىڭ جارلىعىمەن قاناتبەك باقىتۇلى جايسانباەۆ قازاقستان حالىق كەڭەسى توراعاسىنىڭ ورىنباسارى – قازاقستان حالىق كەڭەسى حاتشىلىعىنىڭ باسشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەلىنگەن جارلىقتا.
قاناتبەك باقىتۇلى 1980 جىلى 8 اقپاندا قىزىلوردا قالاسىندا دۇنيەگە كەلگەن. 2000 جىلى قازاق مەملەكەتتىك زاڭ اكادەمياسىن زاڭگەر ماماندىعى بويىنشا بىتىرگەن. سونىمەن قاتار ت. رىسقۇلوۆ اتىنداعى قازاق ەكونوميكا ۋنيۆەرسيتەتىن 2012 ءتامامداپ، ەكونوميكا جانە بيزنەس باكالاۆرى دارەجەسىن الدى.
2023 جىلعى 1 قىركۇيەكتە مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى لاۋازىمىنا تاعايىندالعان.
Abai.kz
