2026 جىلدان باستاپ قازاقستان جازۋشىلار وداعى مەن قازاقستان رەسپۋبليكاسى مادەنيەت جانە اقپارات مينيسترلىگى ستراتەگيالىق ارىپتەستىك اياسىندا «تۇركى الەمىنىڭ ادەبيەتى» جوباسىن باستايدى.

اۋدارماشىلار نازارىنا «تۇركى الەمىنىڭ ادەبيەتى» جوباسىنا قۇجاتتار قابىلداۋ باستالعانىن ەسكەرتە وتىرىپ، جوباعا قاتىسۋعا شاقىرامىز.

جوبانىڭ تالاپتارى:

– جوباعا قاتىسۋعا ەلىمىزدىڭ بارلىق اۋماعىندا تۇراتىن اۋدارماشىلار (جاس شەكتەۋى جوق) ءوتىنىم بەرە الادى;

– ءوتىنىم بەرۋشى قازاقستان جازۋشىلار وداعىنىڭ مۇشەسى بولۋى مىندەتتى ەمەس.

– ءوتىنىم بەرۋشى قىرعىز، وزبەك، ءازىربايجان تىلدەرىن جەتىك مەڭگەرۋى قاجەت جانە بۇعان دەيىن كوركەم اۋدارما سالاسىندا جارىق كورگەن ەڭبەكتەرى بولۋى شارت.

– ءوتىنىم بەرۋشى قازاقستان رەسپۋبليكاسىنىڭ ازاماتى بولۋى مىندەتتى.

جوبانىڭ ىسكە اسۋ كەزەڭدەرى:

– قازاقستان جازۋشىلار وداعى جانىنان قۇرىلاتىن كوميسسيا ءوتىنىم بەرۋشىلەردىڭ وسى كەزگە دەيىنگى اۋدارعان شىعارماشالارىن سارالاۋ ارقىلى جوباعا قاتىسۋشىلاردىڭ ءتىزىمىن بەكىتەدى.

– تىزىمگە ەنگەن اۋدارماشىلار جوبا كەڭسەسى بەكىتكەن جوسپارلى دۇنيەلەردى اۋدارۋ ىسىمەن شۇعىلدانىپ، رەداكتورلىق قۇراممەن بىرلىكتە جوبانى جۇزەگە اسىرادى.

كوميسسيا شەشىمى قايتا قاراۋعا جاتپايدى.

«تۇركى الەمىنىڭ ادەبيەتى» جوباسى – قازاقستان رەسپۋبليكاسىندا تۇركى تىلدەس حالىقتاردىڭ ادەبي مۇراسىن ناسيحاتتاۋعا، ءوزارا مادەني بايلانىستى نىعايتۋعا جانە كوركەم اۋدارما سالاسىن دامىتۋعا باعىتتالعان ماڭىزدى مادەني باستاما.

جوبانىڭ باستى ماقساتى – تۇركى ەلدەرى ادەبيەتىنىڭ ەڭ ۇزدىك شىعارمالارىن قازاق تىلىنە اۋدارىپ، شىعارۋ.

بۇل جوبا تۇركى حالىقتارىنىڭ ادەبيەتىن ءوزارا تانىستىرۋعا، ۇلتتىق مادەنيەتتەر اراسىنداعى رۋحاني ۇندەستىكتى تەرەڭدەتۋگە جانە اۋدارما ءىسىنىڭ ساپاسىن ارتتىرۋعا زور ىقپال ەتەدى، سونىمەن قاتار، باستاما تۇركى ەلدەرى اراسىندا ادەبي بايلانىستاردى كەڭەيتىپ، بولاشاقتا وسىنداي ورتاق جوبالاردى جالعاستىرۋعا نەگىز قالىپتاستىرادى دەپ كۇتىلۋدە.

وتىنىمدەر وسى حابارلاندىرۋ جارىق كورگەن كۇننەن باستاپ، 2026 جىلعى 27 شىلدەگە دەيىن كەلەسى تىزبەك بويىنشا قابىلدانادى:

1. ءوتىنىم;

2. ۇمىتكەردىڭ شىعارماشىلىق ءومىربايانى;

3. جەكە كۋالىگىنىڭ كوشىرمەسى;

4. ⁠بۇعان دەيىن كوركەم اۋدارما سالاسىندا جارىق كورگەن، تۇپنۇسقادان تارجىمالانعان ەڭبەكتەرىنىڭ قاعاز (كىتاپ كۇيىندە) نەمەسە ەلەكتروندى نۇسقاسى.

وتىنىمدەر الماتى قالاسى، ابىلاي حان داڭعىلى، 105-ءۇي، 26-كابينەت مەكەن-جايىنا نەمەسە jazushylar_odagy@mail.ru ەلەكترون پوشتاسىنا جىبەرىلۋى كەرەك.

Abai.kz