رۋمىنيا دۇيسەنبى كۇنى ءوز اۋماعىنا رەسەيلىك درونداردىڭ بىرنەشە رەت باسا -كوكتەپ كىرۋىنە «قاتقىل جاۋاپ» رەتىندە رەسەي ەلشىسىن ەلدەن قۋىپ شىعاراتىنىن مالىمدەدى.

وتكەن دەمالىس كۇندەرى رۋمىنيا ءۇش رەسەيلىك دروندى اتىپ ءتۇسىردى،  دۇيسەنبىدە جاعداي تاعى قايتالاندى . رۋمىنيا سىرتقى ىستەر مينيسترلىگى مالىمدەمەسىندە جازىلۋىنشا ولار رۋمىنياداعى رەسەي ەلشىسى ۆلاديمير ليپاەۆقا ونىڭ قارسى الىنبايتىن ادامدار قارا تىزىمىنە ەنگەنىن جەتكىزىپ، وعان بەس كۇن ىشىندە ەلدەن شىعىپ كەتۋدى بۇيىرعان.

رۋمىنيا تاراپى سونىمەن قاتار ليپاەۆقا رەسەي ۋكرايناعا شابۋىل جاساۋعا پايدالاناتىن «شاحەد» درونىنىڭ سىنىقتارىن كورسەتكەن. ونى  رۋمىنيالىق F-16 جويعىش ۇشاعى اتىپ تۇسىرگەن بولاتىن.

رەسەي سىرتقى ىستەر مينيسترلىگى ءباسپاسوز حابارلاماسىندا وزدەرىڭنە ايتىلعان ايىپتاۋلاردى ءۇزىلدى-كەسىلدى جوققا شىعارىپ، ونى «تاعى ءبىر ۇگىت-ناسيحات امالى» دەپ سيپاتتادى. مالىمدەمەدە سونداي-اق «بۇل درونداردىڭ رەسەيدەن كەلگەنىنە ەشقانداي دالەل جوق» دەپ اتاپ ءوتىپ، رۋمىنيانىڭ ۋكرايناعا قولداۋ ءبىلدىرۋىن «قابىلدانبايتىن ءارى توزۋگە بولمايتىن ارەكەت» دەپ سىنعا الىندى.

رەسەي سىرتقى ىستەر مينيسترلىگى تاعى دا «رەسەي ديپلوماتتارىنىڭ نەگىزسىز قۋىلۋى جاۋاپسىز قالمايتىنىن» ەسكەرتتى.

رەسەي 2022 جىلى ۋكرايناعا باسىپ كىرگەلى بەرى رۋمىنيا درونداردىڭ شابۋىلا ءجيى ۇشىراپ كەلەدى، ولاردىڭ كەيبىرى ەلدىڭ اۋە كەڭىستىگىندە جارىلىپ كەتتى. وسى جىلدىڭ مامىر ايىندا درون كوپقاباتتى ۇيگە قۇلاپ، ەكى ادام جاراقات الدى. ناتو مەن ەو ول ءۇشىن رەسەيدى ايىپتاپ، ەكىنشى قايتالاماۋدى ەسكەرتتى.

2025 جىلى رۋمىنيا پارلامەنتى ەلدىڭ اۋە كەڭىستىگىن بۇزعان درونداردى اتىپ تۇسىرۋگە رۇقسات بەرەتىن زاڭ قابىلدادى.

Abai.kz