الماتىنىڭ اۋەزوۆ اۋدانىندا تۇرعىنداردىڭ ۇسىنىسىمەن اۋلالار كوركەيتىلدى
اۋەزوۆ اۋدانىندا «حالىق قاتىساتىن بيۋدجەت» باعدارلاماسى اياسىندا اۋلالار مەن قوعامدىق كەڭىستىكتەردى كورىكتەندىرۋ جۇمىستارى جالعاسۋدا. بيىل تۇرعىنداردىڭ ۇسىنىسى نەگىزىندە 29 جوبا ىسكە اسىرىلۋدا. بۇل تۋرالى اۋەزوۆ اۋدانى اكىمدىگىنىڭ وكىلدەرى ايتتى.
اياقتالعان جوبالاردىڭ قاتارىندا جاندوسوۆ كوشەسى، 182ا جانە افتسيناو كوشەسى، 4 مەكەنجايلارىنداعى اۋلالار بار.
جاندوسوۆ كوشەسى، 182ا مەكەنجايىنداعى اۋلادا جارىقديودتى شامدارى بار جاڭا جارىق تىرەكتەرى ورناتىلىپ، باستىرما استىنا قوسىمشا جارىقتاندىرۋ جۇيەسى جۇرگىزىلدى. سونداي-اق بەينەباقىلاۋ جۇيەسى مەن قورشاۋ ورناتىلىپ، جاڭا ەلەكترمەن جابدىقتاۋ جەلىلەرى تارتىلدى.
بالالار ويىن الاڭى تولىق جاڭارتىلىپ، قاۋىپسىز تارتان جابىنى توسەلدى. مۇندا ويىن كەشەندەرى، اتكەنشەك، سىرعاناق، باتۋت، كۇركە جانە وزگە دە ويىن قۇرىلىمدارى ورناتىلدى. سپورتپەن شۇعىلدانۋعا ارنالعان ۆوركاۋت الاڭى، اشىق اسپان استىنداعى ترەناجەرلار الاڭى، ۇستەل تەننيسى ۇستەلى مەن باستىرما جابدىقتالدى. وتباسىلىق دەمالىسقا ارنالعان پەرگولا دا ورناتىلدى.
«اۋلامىز ادام تانىماستاي وزگەردى. ەندى مۇندا بالالارعا ارنالعان زاماناۋي ءارى قاۋىپسىز الاڭ بار، جارىقتاندىرۋ دا جاقسى، سپورتپەن اينالىسۋعا بارلىق جاعداي جاسالعان. ەڭ باستىسى – تۇرعىنداردىڭ ۇسىنىسى ەسكەرىلىپ، جۇزەگە اسقانى قۋانتادى. وسىنداي جۇمىس ءۇشىن العىسىمدى بىلدىرەمىن!»، – دەدى جاقىن ماڭداعى ءۇيدىڭ تۇرعىنى تەمىرلان.
تاعى ءبىر اۋلا افتسيناو كوشەسى، 4 مەكەنجايىندا كوركەيتىلدى. مۇندا ءارتۇرلى جاستاعى بالالارعا ارنالعان ويىن كەشەندەرى، باتۋت، اتكەنشەك، كارۋسەل، تەپە-تەڭدىكتى دامىتۋعا ارنالعان ويىن قۇرىلعىلارى مەن كۇركە ورناتىلدى. سونىمەن قاتار ەكى ۆوركاۋت الاڭى جابدىقتالىپ، اۋماقتىڭ جارىقتاندىرۋ جۇيەسى جاڭارتىلدى.
«كورىكتەندىرۋ جۇمىستارىنان كەيىن اۋلامىز الدەقايدا جايلى ءارى قاۋىپسىز بولدى. ەندى بالالارىممەن كۇن سايىن وسى جەردە سەرۋەندەيمىن. اسىرەسە كەشكى ۋاقىتتا اۋماقتىڭ جاقسى جارىقتاندىرىلعانى قۋانتادى. سوندىقتان دالادا ەمىن-ەركىن ۋاقىت وتكىزۋگە بولادى»، – دەدى اۋدان تۇرعىنى ءسابيرا.
اۋەزوۆ اۋدانىندا «حالىق قاتىساتىن بيۋدجەت» باعدارلاماسى اياسىنداعى جۇمىس جالعاسۋدا. جوبا تۇرعىنداردىڭ ۇسىنىسى نەگىزىندە ازىرلەنىپ، اۋلانى، بالالار جانە سپورت الاڭىن جاڭارتۋعا باعىتتالعان.
Abai.kz
