قاراعاندى قالاسىنداعى الەۋمەتتىك جەلىلەردە قوعامدىق كولىكتە تۇسىرىلگەن داۋلى فوتوسۋرەت قىزۋ پىكىرتالاس تۋدىرىپ جاتىر. جەلى قولدانۋشىلارىنىڭ نازارىن №56 باعدارداعى مارشرۋتتىق اۆتوبۋستا كەتىپ بارا جاتقان جولاۋشى اۋدارعان.

بەلگىلى بولعانداي، اتالعان سۋرەتتى العاش رەت Threads الەۋمەتتىك جەلىسىنىڭ قولدانۋشىسى جاريالاعان. تارالعان كادردان ەر ادامنىڭ ۇستىندە «Z» سيمۆولى بەينەلەنگەن جانە ورىس تىلىندە «سۆويح نە بروساەم» («وزىمىزدىكىلەردى تاستامايمىز») دەگەن جازۋى بار مايكانى انىق بايقاۋعا بولادى.

بۇل جاريالانىم قىسقا ۋاقىت ىشىندە قاراعاندىلىقتار مەن جالپى قازنەت قولدانۋشىلارى اراسىندا ۇلكەن رەزونانس تۋدىردى. جەلىدەگى پىكىرلەر تولاسسىز جازىلىپ، تۇرعىنداردىڭ باسىم كوپشىلىگى بەيبىت ەلدە مۇنداي اسكەري-ساياسي سيمۆوليكانى اشىق تۇردە كورسەتۋگە قاتىستى ءوز نارازىلىقتارىن بىلدىرۋدە. پىكىر قالدىرۋشىلار قوعامدىق ورىنداردا مۇنداي جازۋى بار كيىم كيۋدىڭ ەتيكالىق جانە قۇقىقتىق جاعىن قىزۋ تالقىلاپ جاتىر.

ازىرگە بۇل وقيعاعا قاتىستى جەرگىلىكتى قۇقىق قورعاۋ ورگاندارى نەمەسە اۆتوپارك باسشىلىعى تاراپىنان ەشقانداي رەسمي تۇسىنىكتەمە بەرىلگەن جوق. قوعامداعى قىزۋ تالقىلاۋ جالعاسۋدا.

Abai.kz