ەۋروپالىق وداق قازاقستاننىڭ ادام قۇقىقتارى، زاڭ ۇستەمدىگى جانە دەموكراتيالىق باسقارۋ سالالارىنداعى رەفورمالارىن ءارى قاراي دا قولداۋعا دايىن ەكەنىن اتاپ ءوتتى.

ەۋروپالىق وداق قازاقستاندى 23 تامىزدا وتكەن قۇرىلتاي دەپۋتاتتارىنىڭ سايلاۋىنان كەيىن دە دەموكراتيالىق رەفورمالار باعىتىنداعى جۇمىستى جالعاستىرۋعا شاقىردى. ەو وكىلىنىڭ بۇل جونىندەگى مالىمدەمەسى 25 تامىزدا جاريالاندى.

ەۋروپالىق وداق داۋىس بەرۋ كۇنىنىڭ تاعايىندالۋى مەن ونىڭ ءوتۋى اراسىنداعى قىسقا مەرزىمگە قاراماستان، سايلاۋدىڭ قازاقستان بيلىگى تاراپىنان «جاقسى دايىندالعان ءارى ۇيىمشىلدىقپەن» وتكىزىلگەنىن اتاپ ءوتتى. سونىمەن قاتار ەو ساياسي پارتيالار مەن ازاماتتاردىڭ سايلاۋ پروتسەسىنە بەلسەنە قاتىسقانىن قۇپتادى.

اتاپ ايتقاندا، ەقىۇ (وبسە) بايقاۋشىلارى قوعامدىق كونسۋلتاتسيالار وتكىزۋ مۇمكىندىكتەرىنىڭ شەكتەۋلى بولعانىنا نۇسقادى.

«ەو قازاقستاندى دەموكراتيالىق رەفورمالار بويىنشا جۇمىستى ءارى قاراي دا بەلسەندى جالعاستىرۋعا قاتاڭ تۇردە شاقىرادى»، – دەلىنگەن مالىمدەمەدە.

Abai.kz