كەشە قازاقستاندا ءسوز بوستاندىعى مەن دەموكراتيانىڭ اياسىن تارىلتۋعا باعىتتالعان جاڭا ءبىر قادام جاسالدى. پارلامەنت ءماجىلىسى "ازاماتتاردىڭ جەكە ومىرىنە قول سۇعىلماۋشىلىق تۋرالى" زاڭ جوباسىن ءبىرىنشى وقىلىمدا ماقۇلدادى. ەندى سەناتورلار قارسىلىق بىلدىرمەي، ەلباسىنىڭ قولى قويلىپ كەتسە، ءسىزدىڭ جۋرناليست رەتىندەگى قىزمەتىڭىز كۇردەلەنە تۇسپەك. سەبەبى،  اتالعان زاڭ جوباسى بويىنشا ءسىزدىڭ تولىقتاي اقپارات الۋ مۇمكىندىگىڭىز شەكتەلەتىن بولادى.

اينالىمعا كىرگەلى وتىرعان جوبا بويىنشا ازاماتتاردىڭ جەكە ءومىرى، ءوزى جايلى نەمەسە وتباسى تۋرالى مالىمەتتەر، بىرەۋمەن جازىسقان حاتتارى، تەلەفون سەكىلدى بايلانىس قۇرالى ارقىلى بولعان اڭگىمەلەرى، پوشتا، تەلەگرافتىڭ كومەگىمەن الىسقان دۇنيەلەرى زاڭمەن  قورعالاتىن بولادى. دۇرىس دەلىك.

الايدا، جۋرناليستەردەن ابدەن ءزابىر كورگەندىكتەن بە، جوق، ادەتتەگىدەي ەرەكشەلەنىپ كورىنگىسى كەلدى مە، ايتەۋىر ۆلاديمير نەحوروشەۆ دەگەن «حالىق قالاۋلىسىنىڭ» جۋرناليستەردى پسيحيكالىق تەكسەرۋدەن وتكىزۋ كەرەك دەگەن مالىمدەمەسىن قالاي تۇسىنۋگە بولادى ەكەن؟ نەحوروشەۆتىڭ سوزىنە سۇيەنسەك، كەيبىر ازاماتتاردى جۋرناليستەر جازىقسىز قارالاسا، ول جالادان ارىلا الماي، دۇنيەدەن باز كەشىپ كەتەتىن كورىنەدى.

كەشە قازاقستاندا ءسوز بوستاندىعى مەن دەموكراتيانىڭ اياسىن تارىلتۋعا باعىتتالعان جاڭا ءبىر قادام جاسالدى. پارلامەنت ءماجىلىسى "ازاماتتاردىڭ جەكە ومىرىنە قول سۇعىلماۋشىلىق تۋرالى" زاڭ جوباسىن ءبىرىنشى وقىلىمدا ماقۇلدادى. ەندى سەناتورلار قارسىلىق بىلدىرمەي، ەلباسىنىڭ قولى قويلىپ كەتسە، ءسىزدىڭ جۋرناليست رەتىندەگى قىزمەتىڭىز كۇردەلەنە تۇسپەك. سەبەبى،  اتالعان زاڭ جوباسى بويىنشا ءسىزدىڭ تولىقتاي اقپارات الۋ مۇمكىندىگىڭىز شەكتەلەتىن بولادى.

اينالىمعا كىرگەلى وتىرعان جوبا بويىنشا ازاماتتاردىڭ جەكە ءومىرى، ءوزى جايلى نەمەسە وتباسى تۋرالى مالىمەتتەر، بىرەۋمەن جازىسقان حاتتارى، تەلەفون سەكىلدى بايلانىس قۇرالى ارقىلى بولعان اڭگىمەلەرى، پوشتا، تەلەگرافتىڭ كومەگىمەن الىسقان دۇنيەلەرى زاڭمەن  قورعالاتىن بولادى. دۇرىس دەلىك.

الايدا، جۋرناليستەردەن ابدەن ءزابىر كورگەندىكتەن بە، جوق، ادەتتەگىدەي ەرەكشەلەنىپ كورىنگىسى كەلدى مە، ايتەۋىر ۆلاديمير نەحوروشەۆ دەگەن «حالىق قالاۋلىسىنىڭ» جۋرناليستەردى پسيحيكالىق تەكسەرۋدەن وتكىزۋ كەرەك دەگەن مالىمدەمەسىن قالاي تۇسىنۋگە بولادى ەكەن؟ نەحوروشەۆتىڭ سوزىنە سۇيەنسەك، كەيبىر ازاماتتاردى جۋرناليستەر جازىقسىز قارالاسا، ول جالادان ارىلا الماي، دۇنيەدەن باز كەشىپ كەتەتىن كورىنەدى.

ماجىلىسكە اتالعان زاڭ جوباسىن اكەلىپ تانىستىرعان ادىلەت ۆيتسە-ءمينيسترى مارات بەكەتاەۆتىڭ ايتقان ءار سوزىنەن وسى زاڭنىڭ تەزىرەك قابىلدانۋىنا مۇددەلى ەكەندىگى سەزىلىپ تۇردى. جادىمىزدى جاڭعىرتاتىن بولساق، اۆتوكولىكتى ماس كۇيىندە جۇرگىزگەن ۆيتسە-ءمينيستردى جول پوليتسياسى قىزمەتكەرلەرى بەينە تاسپاعا ءتۇسىرىپ العانى ەسىمىزگە تۇسەدى.

ەندى مىنا قىزىققا قاراڭىز. اگاراكي، مارات بەكەتاەۆ مىرزا تاعى وسىنداي جاعدايعا «بايقاۋسىزدا» ءتۇسىپ قالىپ، ونىڭ ماس كۇيى تۇسىرىلگەن بەينەتاسپا بۇقارالىق اقپارات قۇرالىندارى ارقىلى تاراتىلاتىن بولسا، وندا بۇل ارەكەت زاڭبۇزۋشىلىق دەپ باعالاناتىن بولادى.

وسى تۇستا ءماجىلىس دەپۋتاتى رامازان سارپەكوۆتىڭ ءسوزىن كەلتىرە كەتەيىك.

«مىسالى، ادال ءومىر ءسۇرىپ، ادال قىزمەت ىستەپ جۇرگەن ادام جايىندا جالعان اقپارات تاراتۋدىڭ قاجەتتىلىگى قانداي؟ ەگەر ايعايلاپ تۇرعان دۇنيە نەمەسە شىن مانىندە جەمقورلىققا قاتىستى جانە لاۋازىم يەسىنىڭ ورەسكەل مىنەزى جايىندا بولسا، وندايدى جازۋ كەرەك، حالىقتىڭ الدىنا شىعارۋ كەرەك. وعان ەشقانداي توسقاۋىل قويىلمايدى» - دەدى دەپۋتات.

ءبىزدىڭ شەنەۋنىكتەر ەلىنە ادال قىزمەت ەتىپ، پاراقورلىققا جول بەرمەسە، حالىقتان شىققان ازامات ەكەنىن ەشقاشان ۇمىتپاسا، ول تۋرالى جالعان اقپارات تاراتىلماق تۇگىلى، ول تۋرالى جاعىمسىز ءسوز ايتىلماسا كەرەك.

بۇل لاۋازىمىن پايدالانا وتىرىپ، حالىق بايلىعىن تالان-تاراجعا تۇسىرگەنمەن ءوز قىلمىسىن قالىڭ بۇقارادان جاسىرعىسى كەلگەن شەنەۋنىكتەرگە ءتيىمدى زاڭ جوباسى. ءسوز ەركىندىگىنىڭ شەكەسى قىزىپ تۇرماعان قازاقستاندا جوعارىدا ايتىلعان زاڭ جوباسى قابىلدانىپ جاتسا، قازاق جەرىندە دەموكراتيانىڭ ءوزى تۇگىلى، كولەڭكەسى دە كورىنبەيتىن بولادى.

سول سەبەپتەن، قادىرلى ارىپتەستەرىمىز - جۋرناليستەر قاۋىمىن زاڭ جوباسىنىڭ قابىلدانۋىنا قارسى ۇيىمداستىرىلاتىن ينتەرنەت-اكتسياعا بەلسەندى تۇردە قاتىسۋعا شاقىرامىز.

«اباي-اقپارات».