الماتى. 13 قاراشا. قازتاگ – ديليارام اركين. قر ۇقك بەلگىسىز ادامداردىڭ youtube.com تانىمال بەينەپورتالىندا «قازاتومونەركاسىپ» كومپانياسىنىڭ ەكس-باسشىسى مۇحتار جاكىشەۆپەن اڭگىمەنى ورنالاستىرۋ وقيعاسى بويىنشا تەرگەۋ جۇرگىزىپ جاتىر. بۇل تۋرالى قازتاگ تىلشىسىنە  جەكە سۇحبات بەرگەن قر ۇقك ءباسپاسوز حاتشىسى كەنجەبولات بەكنازاروۆ ءمالىم ەتتى.

«ءبىز اقپاراتتىڭ قايدان شىققانىن انىقتاپ جاتىرمىز. الايدا ناقتى قورىتىندىنى جانە باعانى تەرگەۋ بەرەدى»، - دەپ اتاپ كورسەتتى ول.

ول اقپاراتتىڭ سىرتقا شىعۋىنا ۆەدومستۆوداعى اۋلەتارالىق كۇرەستىڭ جانە ارناۋلى قىزمەتتى بۇرىن باسقارعان نارتاي دۇتباەۆ پەن قر ۇقك-ءنىڭ قازىرگى باسشىسى امانگەلدى شابدارباەۆتىڭ ادامدارىنىڭ اراسىنداعى قارسى تۇرۋ سەبەپ بولعانى تۋرالى ءسوزدى جوققا شىعارعان دا، قۋاتتاعان دا جوق.

«بىزدە مۇنى دالەلدەيتىن دەرەكتەر جوق. ءبىز جۇمىس ىستەپ جاتقانىمىزدى اتاپ كورسەتكىم كەلەدى. مۇنى جاساعان دۇتباەۆتىڭ ادامدارى ما، شابدارباەۆتىڭ ادامدارى ما، بۇل تالقىلاۋعا جاتپايدى. ءبىزدىڭ مىندەتىمىز باسقا، بۇل – ەلىمىزدىڭ ۇلتتىق قاۋىپسىزدىگى. بۇل ىسكە قاتىستى جەكە مۇددەلەرىمىز جوق»، - دەپ اتاپ كورسەتتى ك. بەكنازاروۆ.

قازتاگ-تىڭ بەلگىسىز ادامداردىڭ ي. جاكىشەۆپەن اڭگىمەسى ارناۋلى قىزمەتتىڭ قانداي شەنەۋنىگىنىڭ كابينەتىندە وتكەنى تۋرالى سۇراعىنا ك. بەكنازاروۆ تۇسىنىكتەمە بەرگەن جوق.

الماتى. 13 قاراشا. قازتاگ – ديليارام اركين. قر ۇقك بەلگىسىز ادامداردىڭ youtube.com تانىمال بەينەپورتالىندا «قازاتومونەركاسىپ» كومپانياسىنىڭ ەكس-باسشىسى مۇحتار جاكىشەۆپەن اڭگىمەنى ورنالاستىرۋ وقيعاسى بويىنشا تەرگەۋ جۇرگىزىپ جاتىر. بۇل تۋرالى قازتاگ تىلشىسىنە  جەكە سۇحبات بەرگەن قر ۇقك ءباسپاسوز حاتشىسى كەنجەبولات بەكنازاروۆ ءمالىم ەتتى.

«ءبىز اقپاراتتىڭ قايدان شىققانىن انىقتاپ جاتىرمىز. الايدا ناقتى قورىتىندىنى جانە باعانى تەرگەۋ بەرەدى»، - دەپ اتاپ كورسەتتى ول.

ول اقپاراتتىڭ سىرتقا شىعۋىنا ۆەدومستۆوداعى اۋلەتارالىق كۇرەستىڭ جانە ارناۋلى قىزمەتتى بۇرىن باسقارعان نارتاي دۇتباەۆ پەن قر ۇقك-ءنىڭ قازىرگى باسشىسى امانگەلدى شابدارباەۆتىڭ ادامدارىنىڭ اراسىنداعى قارسى تۇرۋ سەبەپ بولعانى تۋرالى ءسوزدى جوققا شىعارعان دا، قۋاتتاعان دا جوق.

«بىزدە مۇنى دالەلدەيتىن دەرەكتەر جوق. ءبىز جۇمىس ىستەپ جاتقانىمىزدى اتاپ كورسەتكىم كەلەدى. مۇنى جاساعان دۇتباەۆتىڭ ادامدارى ما، شابدارباەۆتىڭ ادامدارى ما، بۇل تالقىلاۋعا جاتپايدى. ءبىزدىڭ مىندەتىمىز باسقا، بۇل – ەلىمىزدىڭ ۇلتتىق قاۋىپسىزدىگى. بۇل ىسكە قاتىستى جەكە مۇددەلەرىمىز جوق»، - دەپ اتاپ كورسەتتى ك. بەكنازاروۆ.

قازتاگ-تىڭ بەلگىسىز ادامداردىڭ ي. جاكىشەۆپەن اڭگىمەسى ارناۋلى قىزمەتتىڭ قانداي شەنەۋنىگىنىڭ كابينەتىندە وتكەنى تۋرالى سۇراعىنا ك. بەكنازاروۆ تۇسىنىكتەمە بەرگەن جوق.

ول «قازاتومونەركاسىپ» كومپانياسىنىڭ قازىرگى باسشىسى ۆلاديمير شكولنيك پەن م. جاكىشەۆتىڭ بەتپە-بەت كەزدەسۋى وتكىزىلگەنى-وتكىزىلمەگەنى تۋرالى دا بەيحابار بولىپ شىقتى.

«بۇل – تەرگەۋدىڭ قۇپياسى. مەن بۇل تۋرالى ەشتەڭە بىلمەيمىن»، - دەدى ك. بەكنازاروۆ.

بۇرىن حابارلانعانداي، youtube.com بەينەپورتالىندا بەلگىسىز بىرەۋلەر مۇحتار جاكىشەۆپەن اڭگىمەنىڭ ۇزىندىلەرىن ورنالاستىرعان. ۇلتتىق كومپانيانىڭ بۇرىنعى باسشىسىنىڭ جاۋاپتارىنا قاراعاندا، كەزدەسۋ ۇقك عيماراتىندا وتكەن. قاماۋدا وتىرعان م. جاكىشەۆتەن سۇحبات العان ادامنىڭ كىم ەكەنى جانە بۇل سۇحبات ينتەرنەتكە قانداي ماقساتپەن ورنالاستىرعانى ازىرگە تۇسىنىكسىز.

م. جاكىشەۆ بەلگىسىز ادامدارمەن اڭگىمەلەسكەن كابينەتتىڭ ينتەرەرىنە قاراعاندا، سۇحبات ارناۋلى قىزمەتتەردە ىستەيتىن شەنەۋنىكتىڭ كابينەتىندە وتكەن. «قازاتومونەركاسىپتىڭ» بۇرىنعى باسشىسى بارلىق سۇراقتارعا ىقىلاسپەن جاۋاپ بەرىپ، اتوم ونەركاسىبىندەگى نارىقتىڭ نەگىزگى ويىنشىلارى تۋرالى جانە وزىنە تاعىلىپ وتىرعان ايىپتىڭ كەيبىر تارماقتارى بويىنشا ۇنسىزدىك تانىتۋىنىڭ سەبەپتەرى تۋرالى اڭگىمەلەيدى.

«قازاتومونەركاسىپ» ۇلتتىق كومپانياسىنىڭ ەكس-باسشىسى مۇحتار جاكىشەۆ ونىڭ بەلگىسىز ادامدارمەن اڭگىمەسى وتكەن كابينەتتىڭ ارناۋلى قىزمەتتەردىڭ قانداي جوعارى شەندى شەنەۋنىگىنە تيەسىلى ەكەنىن جانە وزىنەن سۇحبات العان ادامداردىڭ ەسىمدەرىن ايتپاي وتىر.

ال «قازاتومونەركاسىپتىڭ» قازىرگى باسشىسى ۆ. شكولنيك م. جاكىشەۆتىڭ وزىنە قاتىستى مالىمدەمەلەرىن «جورامال» دەپ ەسەپتەيدى. ونىڭ ايتۋىنشا، ول م. جاكىشەۆتىڭ بەينەجازباسىن كورە الماعان.