باۋىرجان مەن بالعىنبەكتىڭ ينتەرنەت-ايتىسى مارەگە جەتتى.  ەكى ساڭلاق اقىننىڭ ايتىسىنا  «قازاقستان» قوعامدىق ساياسي اپتالىعىنىڭ باس رەداكتورى سەرعازى مۇحتاربەك،   «جاس الاش» گازەتى باس رەداكتورىنىڭ ورىنباسارى، مادەنيەتتانۋشى، ادەبيەت سىنشىسى ءامىرحان مەڭدەكە،  «جۇلدىزدار وتباسى» جۋرنالى باس رەداكتورىنىڭ ورىنباسارى ساكەن سىبانباي مىرزالار قازىلىق جاسادى. سونداي-اق،  «ساۋالناما» ايدارىنداعى سۇراققا جاۋاپ بەرە وتىرىپ وقىرمان قاۋىم دا باسىم تۇسكەن اقىندى انىقتاۋىمىزعا جاردەمدەستى.
سۋىرىپ سالما اقىنداردىڭ ءار سوزىنە ءجىتى قاراعان قازىلار «تەڭ ايتىس بولدى» دەگەن قورتىندى جاساي وتىرىپ، ءاۋ دەگەننەن تىقسىرىپ باستاعان باۋىرجانعا ورىندى ءۋاج ايتا العان بالعىنبەكتىڭ تاپقىرلىعىنا («بالعىنبەك جوق. نۇروتان، نان، ءماسىموۆ، ايتىسىپ وتىرسىڭ عوي بيلىكپەنەن» نەمەسە «ماعان سىلتەپ قوياسىڭ بيلىك ءسوزىن، يەسى مەن سەكىلدى بار كىنانىڭ) «باس شايقادى». باۋىرجاننىڭ وتكىرلىگىنە ءتانتى بولدى ء(سال عانا قارسى شىقساڭ جوعارىعا، قوعاداي شەتىمىزدەن جاپىرادى، ءتانى دە تىر جالاڭاش جەرىمىزدىڭ، سىيلايدى ودان قالسا ساتىلادى... وسىنى الاڭعا كەپ ايتقان ادام نە تاۋدا نە ۇيىندە اتىلادى).

باۋىرجان مەن بالعىنبەكتىڭ ينتەرنەت-ايتىسى مارەگە جەتتى.  ەكى ساڭلاق اقىننىڭ ايتىسىنا  «قازاقستان» قوعامدىق ساياسي اپتالىعىنىڭ باس رەداكتورى سەرعازى مۇحتاربەك،   «جاس الاش» گازەتى باس رەداكتورىنىڭ ورىنباسارى، مادەنيەتتانۋشى، ادەبيەت سىنشىسى ءامىرحان مەڭدەكە،  «جۇلدىزدار وتباسى» جۋرنالى باس رەداكتورىنىڭ ورىنباسارى ساكەن سىبانباي مىرزالار قازىلىق جاسادى. سونداي-اق،  «ساۋالناما» ايدارىنداعى سۇراققا جاۋاپ بەرە وتىرىپ وقىرمان قاۋىم دا باسىم تۇسكەن اقىندى انىقتاۋىمىزعا جاردەمدەستى.
سۋىرىپ سالما اقىنداردىڭ ءار سوزىنە ءجىتى قاراعان قازىلار «تەڭ ايتىس بولدى» دەگەن قورتىندى جاساي وتىرىپ، ءاۋ دەگەننەن تىقسىرىپ باستاعان باۋىرجانعا ورىندى ءۋاج ايتا العان بالعىنبەكتىڭ تاپقىرلىعىنا («بالعىنبەك جوق. نۇروتان، نان، ءماسىموۆ، ايتىسىپ وتىرسىڭ عوي بيلىكپەنەن» نەمەسە «ماعان سىلتەپ قوياسىڭ بيلىك ءسوزىن، يەسى مەن سەكىلدى بار كىنانىڭ) «باس شايقادى». باۋىرجاننىڭ وتكىرلىگىنە ءتانتى بولدى ء(سال عانا قارسى شىقساڭ جوعارىعا، قوعاداي شەتىمىزدەن جاپىرادى، ءتانى دە تىر جالاڭاش جەرىمىزدىڭ، سىيلايدى ودان قالسا ساتىلادى... وسىنى الاڭعا كەپ ايتقان ادام نە تاۋدا نە ۇيىندە اتىلادى).
قازىلار ءۇشىن تەڭ بولعان ايتىستىڭ قورتىندىسىنا ارنايى قوڭىراۋ شالىپ حابارلاسقان بالعىنبەكتىڭ تىلەگى ىقپال ەتتى. «ءبىز باۋكەڭمەن ءبىر كەمەدەمىز. ايتارىمىز، ارامانىمىز ءبىر. باۋىرجان كوپتىڭ كوكەيىندەگى ءسوزدى قوزعادى. ەل ءىشى ونەرىمىزگە ريزا بولسا، ءبىزدىڭ جەڭىسىمىز سول. سوندىقتان جول باۋىرجاندىكى»، - دەدى اعىنان اقتارىلعان بالعىنبەك باۋىرىمىز. وسىنداي باسالقى ءسوز ايتقان بالعىنبەككە ءبىز دە ريزا-قوشىمىزدى بىلدىردىك.
ال ساۋالنامانىڭ قورتىندىسىنا كەلسەك، استانا ۋاقىتى بويىنشا 12.45-تە داۋىس بەرۋ توقتاتىلىپ، ناتيجەسىندە جانكۇيەر-وقىرمان قولداۋىنا يە بولعان باۋىرجان (53%) العا ءتۇستى.  بالعىنبەكتىڭ ۇپايى - 47%.
سونىمەن، تۇڭعىش وتكەن ينتەرنەت-ايتىستىڭ ناتيجەسى بويىنشا كەلەسى اينالىمعا باۋىرجان حاليوللا شىقتى!
كەلەسى جۇپ قۋانىش شورمانوۆ پەن وڭعار قابدەن.

اقىندارعا ساتتىلىك تىلەيىك!

«اباي-اقپارات»

15:43 وڭعار:

قۋانىش امانبىسىڭ، اقبەرەنىم!
دەيسىڭ بە ۇرىمتالدان تاپ بەرەمىن.
ەل سەنى ءانشى، اقىن دەپ ءبىلۋشى ەدى،
توگىلىپ كومەيىڭنەن ءتاتتى ولەڭىڭ.
ال بۇگىن ايتارىڭدى اقتارىپ قال
كەلمەيدى كۇندە وسىنداي ءسات دەگەنىڭ.
التى الاش قالامىڭا قاراپ وتىر،
جۇرتىڭا بايقالماسىن اتتەگەنىڭ.
اقيقات كورگەنىڭدى ەلگە اقتارعىن
ۇلتىڭنىڭ اسپانداتىپ باق بەدەلىن!

15:46 قۋانىشبەك:

ال ەندى جار بولا گور، جاراتقانىم،
جەتكىزەيىن ءسوزىمنىڭ بار اقپارىن
قال قالاي؟ ەسەنسىڭ بە؟ وڭعار دوسىم!
ال ەندى ءسوزدىڭ ءسولىن سوراپتاعىن
تۇلكى العانداي بولايىق قانسوناردا
قىرانىڭنىڭ ال بوسات بالاق باۋىن
تۇڭعىش رەت ينتەرنەت-ايتىس قىلسا
ايتاتىن ءار ويىڭدى تاراقتاعىن
ءتورت اقىننان ەكەۋمىز بەلدەس بوپپىز
جونىڭدى قارا جەرگە جولاتپاعىن
بالا كەزدەن بىرگە وسكەن قىران ەدىك
قۇلدىراماي قۇندى ولەڭدى پاراقتاعىن
جەلتوقساننان باستاشى ءسوزدىڭ باسىن
ودان اسقان تابىلماس قۋاتتى ءانىم
التى الاشتىڭ الدىندا ارزان سويلەپ
قارا جەرگە ءجۇزىمدى قاراتپاعىن
شىندىق ايتساڭ ەستىلىپ ساۋاتتى ءانىڭ
سۋسىلداپ كوكتى ءتىلسىن قاناتتارىڭ
وقىعاننىڭ قۇمارىن قاندىرايىق
قارا ءسوزدى ينەگە ساباقتاعىن.

15:50 وڭعار:

ۇلتىمدى ساۋداعا ساپ  ساۋداباەۆ،
تىرلىك جاساپ جاتىر عوي جاۋعا لايىق.
تIل مەن دIندI دامىتۋ كەرەك بولسا،
ءبىز ەندI ۇلتىمىزدى قورلامايىق.
"جانسىزداردى" جەر كىلعان جەلتوقساندا،
ارسىزداردى اتىنان اۋدارايىق.
جازۋشىلار وداعىنا داۆايلاسا،
قارىك بولعان ەكەنبIز داۋعا بايىپ.
داۆايلاماي تۇرا ما، ءبىزدىڭ بيلىك
"ماىگىلىك" مارتەبەگە داۆنو كايف!

16:19 قۋانىشبەك:

ءانشى اقىن بوپ جاساپ ءجۇرمىن سي قىزىق ءبىر
بۇل زامان سول قالىپقا سيعىزىپ تۇر
اۋ دوسىم وكىمەت داۆاي دەپ جاتسا ەگەر
سول ءبىزدىڭ ءىشىمىزدى كۇيگىزىپ تۇر
ەل مەن جەردىڭ يەسى بولساقتاعى
اشۋدان جۇرەك شانشىپ مي قىزىپ تۇر
ءوز جەرىمە يە بولماي قىتاي الىپ
شىندىق ءىشتىڭ جاراسىن جيعىزىپ تۇر
دوموكراتيا دەگەنىڭ قۇر انشەيىن
ساياسات كاڭىلدەگى كۇيدى ءۇزىپ تۇر
ءتىلىڭدى تارتىپ سويلە ءتىسىڭ سىنار
دەگەن زامان كەبىسىن كيگىزىپ تۇر

قايدا ءجۇر تالا-تالاي جاقسىلارىم
ۇلت دەگەن ۇلدى قالاي جاتسىنامىن
ۇلتىم جوق قازاقستاندىق ادام بولسام
تاريحىمدى كىمدەرگە تاپسىرامىن؟
سونى ويلاعان شاحانوۆ شىرىلدايدى
قاندى الاڭدا ۇلتىم دەپ باستى ۇرانىم
ەستىر قۇلاق تابىلماي قالارما ەكەن
اش بۇرالعان حالىقتىڭ اششى زارىن

16:52 وڭعار:

بيلىكتىڭ بىلىنبەسە الالاۋى
جەلتوقسان تاريحىمنىڭ دارا داۋى.
باستارسڭ؟ جەلتوقساننان دەپ وتىرسىڭ،
اشىلعان اقيقاتىڭ شامالى ءالى،
ءجۇزىمدى قارا جەرگە قاراتپا دەپ،
قۋانىش ءوز الىندە شامالادى.
مەنىڭ ەمەس، دوستىم-اۋ ءوز قولىڭدا،
ءجۇزىڭنىڭ جەرگە قارار-قاراماۋى

ءجون شىعار اقيقاتتىتىڭ جىرلانعانى،
سوزىمنەن سانالىلار ۇلگى العانى.
جەلتوقساننىڭ ايىندا ويعا ەرىكسىز،
تۇسەدى ەكەن جەلتوقسان قۇرباندارى.
اتوي ساپ قازاق قانىن تۋلاتارداي،
قايراتتارداي قاھارمان ۇل بار ما ءالى.
ءبارىبىر ەگەمەندىك الدى قازاق،
قۇرساۋدى بۇزىپ، جارىپ زىندانداعى.
قازاقستاندىق ۇلت جاساۋ بولعان جوق قوي،
كەشەگى بوزداقتاردىڭ نۇرلى ارمانى.
بيىلعى جەلتوقساننىڭ سۇرقى جامان،
اعالاردىڭ تاۋەكەل قىلعاندارى.
زيالىلار جاتسا اشتىق جاريالاپ،
وسى ما ەلىمىزدىڭ نۇرلانعانى.
كەشەگى كەڭەستىڭ سويىلىنىڭ،
از بولدى ما الاڭدا قىرعاندارى.
جۇزىندە مەيىرىم جوق بۇل قوعامنىڭ،
ىشىندە بۇگۋلى تۇر ءبىر بارماعى.
كەتپەيىك بيلىك دەگەن ديىرمەنگە،
تارتىلىپ جەم سياقتى قىرمانداعى.

17:14 قۋانىشبەك:

اكىرىپ وتىرسىڭ عوي ارىستانشا
ايتارسىڭ قاندى كۇندەر تانىس بولسا
جەرگە ءبىزدى قاراتپاي سويلەر ەدىڭ
كەشەگى قايراتتارداي نامىس بولسا.

ورەكە، سىرلاسىمسىڭ دوسىمداعى
كەرەك ەلگە جۇيرىكتىڭ جوسىلعانى
كەشەگي جەلتوقساندا تالاي جاستىڭ
ون ەكىدە ءبىر گۇلي اشىلمادى
ەل بولام دەگەن جاستىن ەرەن كۇشى
الپاۋىت ارىستانعا باس ۇرمادى
ازاتپىز دەپ الشاڭداپ جۇرەرمە ەدىك
بولماسا باتىر قىزى، حاس ۇلدارى
سولاردىىڭ كوككە ورلەگەن رۋحىمەن
تاۋەلسىزدىك تۇياعى تاسىرلادى
سوندىكتان بۋل مەرەكە بىزدەر ءۇشىن
باسقادان تۇرۋ كەرەك باسىم باعى
تويلاساق تاۋەلسىزدىك كۇنىن تويلايىق
ەسكە الىنىپ ەلىمنىڭ اسىلدارى
جىل سايىن جاڭا جىل دەپ شاشىلامىز
ءبىر كەلگەن مەرەكەدەي عاسىرداعى
ميليون سومدىق شىرشا اكەپ جاتساڭداعى
ول سەنىڭ مەرەيىڭدى اسىرمادى
كىم ءبىلىپ ءجۇر قاندى الاڭ قاسىرەتىن
كىم ءسۇرتىپ ءجۇر الاتاۋ جاسىنداعى
سالماكتاي الماي جۋرگەن سياكتىمىن
بارماقتاي باقىتىمدى باسىمداعى

17:45 وڭعار:

سەندەي ءانشى بوپ جۇرگەن ۇل-قىز قانشا-ا؟
قۋانىشتى وسىلاي  سىزدىرماساڭ.
قۋەكە انشىلىكتى تاستاساڭشى،
بىراۋىز ەستى ولەڭ عوي ءبىزدىڭ مانساپ.
قۋەكەڭ انشىلەرگە شاڭ جۋىتپاس،
ال بيلىك تاق دەگەندە تىم قىزعانشاق.
ءماسىموۆ ۇيعىرلارىن ويلاعاندا،
قاسىموۆ ءان ساپ ءجۇردى جۇلدىزدى اڭساپ.

جۇيرىكتەرگە جالاسىن جاپسىرادى،
بيلىكتەگى كورىپكەل، باقسى ءبارى!
ون جەتىسى   سىنادى باعى ەلىمنىڭ،
نەمەسە توردە تۇرعان تاق سىنادى!
الماتىلق جاس الاش القالاپ ءجۇر،
ولارعا ەندى سەن ءبىر ءمىن تاقشى كانى؟!
شىمكەنتتە جىگىتتەر جۇلقىنىپ ءجۇر،
نامىس وتى تامىردا شاپشىپ ءالى!
قاراعاندى سوققانمەن باراباندى،
ءبىر جاياۋمەن جارىسقا 10 ات شىعادى!
اقتوبەدە نە بولاد قۇداي ءبىلسىن،
جاستارى بار ارىنىڭ ساقشىلارى!!
الاش جۇرتى الاڭداپ تۇرعان ساتتە
استانادا جا؟ا جىل!!! جاقسى ءبارى!!!

18:01 قۋانىشبەك:

استانا، استاناسىڭ باس قالاسىڭ
ەگەمەن ەلدىڭ كوشىن باستاعاسىڭ
ءزاۋلىم عيماراتتاردى كورگەن كەزدە
كەۋدەڭدى كەرىپ كەيدە ماستاناسىڭ
كوكتى ۇرعان كوز جەتكىزبەي مونولوك تۇر
يگىزىپ دۇشپان مەنەن دوسقا باسىن
بەينەسىڭ قىرانمەنەن نۇر اعامنىن
اسپانمەنەن تالاسقان اسقارا شىڭ
بىراقتا قازاق دەيتىن ەل تاريحى
جانىبەك پەن كەرەيدەن باستالاسىڭ
استانا كوركىڭە ساي كەلمەدى مە
قوس حاندى نەگە سىرتكا تاستاعانسىڭ؟
ازات ەل بۇگىن ساعان سەنىم ارتسا
استانا نەگە سونشا لاستاناسىڭ؟
ءوز حانىڭدى وگەيسىپ جاتساڭ ەگەر
الەمنىڭ قاي ەلىنەن دوس تاباسىڭ

بولمايتىن بولدى ەشتەڭە وقىس حابار
ورەكە قولىڭمەنەن وت ۇستاپ ال
باسكاسىن بىلاي كويىپ كەرەي جانىبەك
توردە سىيىپ تۇرماي ما ناكىشقا بار
بۇگىنگى ۇرپاق وتكەندى باعالاماي
قۇرمەتتەلمەي جاتسا ەگەر قوقىستا ولار
ەرتەڭگى ۇرپاق بىزگە دە مويىن بۇرماس
ءبىزدىڭ دە ورىنىمىز قوقىس بولار

ورەكە، ءسوز جەتكىزدىك بار ۇققانعا
دوسىم ەدىڭ كۇش بەرەر كامىققاندا
ەكى ۇرتىم مايمەن قان بوپ جاتىر عوي
بارلىعىن ءتاڭىر ءوزى انىقتاۋدا
انشىلىكتى قويايىن نەگە عانا
ونسىزدا قازاق ونەر ارىقتاۋدا
قاسىموۆ پەن ماسيموۆ بير كەمەدە
باعاسىن بەرەر بىراك حالىك قانا
ورەكە، وسىمەنەن ءبىز توقتايىق
حالىقتان اسقان ءسىرا الىپ بارما