رەسەيدەگى تۇرىك اعايىنداردان سۋىت حابارلار كەلىپ تۇسۋدە. باشقۇرتستان رەسپۋبليكاسىن سۋۆەرەنيتەتىنەن ايىرىپ، ءتىلى مەن ءبىلىم بەرۋ جۇيەسىن جويىپ، باسقا ورىس وبلىستارىمەن بىرىكتىرىپ، تۇبىندە ۇلت رەتىندە جويۋعا بەت العان رەسەي يمپەرياسى ءوزىنىڭ زىميان ساياساتىن باۋىرلاس ەلدىڭ تاۋەلسىزدىگىن جاريالاتقان، حح عاسىر باسىنداعى تۇرىك حالىقتارىنىڭ ۇلت-ازاتتىق قوزعالىسى باسشىلارىنىڭ ءبىرى احمەت-زاكي ۋاليديگە شابۋىلمەن جالعاستىردى.

جاڭا جىل الدىندا رەسەي مەملەكەتتىك دۋماسىنىڭ دەپۋتاتى، پۋتيندىك "ەدينايا روسسيا" پارتياسىنىڭ مۇشەسى اندرەي نازاروۆ وسى ەلدىڭ باسشىلىعى مەن قۇقىق قورعاۋ ورىندارىنا شاعىنىپ، ارنايى ساۋال جاسادى. نازاروۆ مىرزا ءوز ساۋالىندا اۆتونوميالى رەسپۋبليكانىڭ استاناسى ۋفا قالاسىندا ءۋاليديدىڭ اتىمەن ءبىر كوشەنىڭ، بىرنەشە مادەنيەت وشاقتارىنىڭ اتالعانىن تىلگە تيەك ەتىپ، بۇنى "ۇلى وتان سوعىسىندا قازا بولعانداردىڭ ارۋاعىن قورلاۋ" دەپ سانايتىنىن مالىمدەدى. ونىڭ پىكىرىنشە، ا-ز.ءۋاليدي سوعىس كەزىندە پولشا، فاشيستىك گەرمانيا سياقتى ەلدەردىڭ تىڭشىسى بولىپتى-مىس.

رەسەيدەگى تۇرىك اعايىنداردان سۋىت حابارلار كەلىپ تۇسۋدە. باشقۇرتستان رەسپۋبليكاسىن سۋۆەرەنيتەتىنەن ايىرىپ، ءتىلى مەن ءبىلىم بەرۋ جۇيەسىن جويىپ، باسقا ورىس وبلىستارىمەن بىرىكتىرىپ، تۇبىندە ۇلت رەتىندە جويۋعا بەت العان رەسەي يمپەرياسى ءوزىنىڭ زىميان ساياساتىن باۋىرلاس ەلدىڭ تاۋەلسىزدىگىن جاريالاتقان، حح عاسىر باسىنداعى تۇرىك حالىقتارىنىڭ ۇلت-ازاتتىق قوزعالىسى باسشىلارىنىڭ ءبىرى احمەت-زاكي ۋاليديگە شابۋىلمەن جالعاستىردى.

جاڭا جىل الدىندا رەسەي مەملەكەتتىك دۋماسىنىڭ دەپۋتاتى، پۋتيندىك "ەدينايا روسسيا" پارتياسىنىڭ مۇشەسى اندرەي نازاروۆ وسى ەلدىڭ باسشىلىعى مەن قۇقىق قورعاۋ ورىندارىنا شاعىنىپ، ارنايى ساۋال جاسادى. نازاروۆ مىرزا ءوز ساۋالىندا اۆتونوميالى رەسپۋبليكانىڭ استاناسى ۋفا قالاسىندا ءۋاليديدىڭ اتىمەن ءبىر كوشەنىڭ، بىرنەشە مادەنيەت وشاقتارىنىڭ اتالعانىن تىلگە تيەك ەتىپ، بۇنى "ۇلى وتان سوعىسىندا قازا بولعانداردىڭ ارۋاعىن قورلاۋ" دەپ سانايتىنىن مالىمدەدى. ونىڭ پىكىرىنشە، ا-ز.ءۋاليدي سوعىس كەزىندە پولشا، فاشيستىك گەرمانيا سياقتى ەلدەردىڭ تىڭشىسى بولىپتى-مىس.

وسىعان بايلانىستى باشقۇرت ەلىنىڭ ۇلتشىل كۇشتەرى جاپاتارماعاي باس كوتەرىپ وتىر. وتكەن جىلدىڭ سوڭعى كۇندەرى باشقۇرتتىڭ ۇلتشىل ۇيىمدارى رەسەي پرەزيدەنتى مەدۆەدەۆ، رەسەي پرەمەر-ءمينيسترى پۋتين جانە رەسەي دۋماسىنىڭ توراعاسى گرىزلوۆ مىرزالاردىڭ اتىنا اشىق حات جولداپ، ارنايى مالىمدەمە جاسادى. باشقۇرت جاستارى وداعىنىڭ توراعاسى ف.مالىكوۆ پەن "كوكبورى" ۇيىمىنىڭ باسشىسى ا.ءسالمانوۆ قول قويعان قۇجاتتا دەپۋتات نازاروۆتىڭ "ساۋالى" جۋىردا بارشا تۇرىك دۇنيەسى تويلاعالى وتىرعان ءۋاليديدىڭ تۋعانىنا 120 جىل تولۋىنا وراي دايىندالىپ جاتقان ءىس-شارالاردى بولدىرماۋعا، رەسپۋبليكانىڭ ماقتانىشى، ۇلتتىق كوسەمى سانالاتىن تۇلعانى قورلاۋعا باعىتتالعان "قاساقانا قادام" دەلىنگەن. مالىمدەمەدە باشقۇرتتىڭ ۇلتشىل جاستارى رەسەي باسشىلارىنان ۇلت كوشباسشىسى ا-ز.ۋاليديگە باستالعان ارانداتۋلاردى توقتاتۋدى تالاپ ەتتى. ولار رەسەي بيلىگى ايتاقتاعان وسىنداي ارەكەتتەر جالعاسا بەرەتىن بولسا، كۇللى ەلدى كوتەرىپ، پيكەتتەر مەن ميتينگىلەرگە شىعىپ، باسقا دا نارازىلىق اكتسيالارىن ۇيىمداستىرۋعا باراتىندارى، بارشا تۇرىك حالىقتارىنا، الەم جۇرتشىلىعىنا ۇندەۋ تاستايتىندارى تۋرالى جايىندا رەسمي تۇردە ەسكەرتتى.

باشقۇرتتىڭ ۇلتشىل جاستارىنىڭ ۇندەۋىنە وسى ەلدىڭ زيالى قاۋىمى دا ءۇن قوستى. بارىس جىلىنىڭ 9 قاڭتار كۇنى ۋفا قالاسىنىڭ "باشينفورم" اقپارات اگەنتتىگىگىڭ عيماراتىندا باشقۇرت قۇرىلتايى، عىلىم اكادەمياسى، جازۋشىلار وداعى، عىلىمي ينستيتۋتتارىنىڭ باسشىلارى، مادەنيەت قايراتكەرلەرى باس قوسقان ۇلكەن دوڭگەلەك ۇستەل ۇيىمداستىرىلدى. جينالعاندار احمەت-زاكي ءۋاليديدىڭ ءومىر جولى مەن تاريحي ءرولى تۋرالى باياندامالار جاساپ، دەپۋتات نازاروۆتىڭ داقپىرتىن ءبىراۋىزدان "ارانداتۋ" دەپ تاپتى. دوڭگەلەك ۇستەلگە قاتىسۋشىلار دا ارنايى مالىمدەمە قابىلدادى.

وسىعان قاتىستى اقپاراتتاردى باشقۇرت جاستارى وداعىنىڭ http://sbmrb.com/index.php جانە "كوكبورى" ۇيىمىنىڭ http://www.kyk-byre.ru/index.php ۆەب-سايتتارىنان الۋعا بولادى.

"اباي-اقپارات"