بەيجىڭ. 22 اقپان. قازتاگ – قازاقستان قىتاي ەكونوميكاسىنىڭ بۇدان ارى دامۋىنا بارلىق جاعىنان جاردەمدەسۋگە دايار، دەپ مالىمدەدى قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قحر-عا ساپارى الدىندا «جەنمين جيباو» ءۇشىن جازعان ماقالاسىندا. 

قازاقستاندىق مينيستر ماقالاسىندا قازاقستان مەن قحر اراسىنداعى ەكونوميكالىق ىنتىماقتاستىققا ەرەكشە نازار اۋدارعان.

«ءبىز قازاقستاندا، داعدارىسقا قارسى قحر-دىڭ باسشىلىعى جۇرگىزىپ وتىرعان جاۋاپتى جانە ابدەن تەكسەرىلگەن ساياساتىن قۋاتتاپ، قولدايمىز. شىنداپ كەلگەندە قىتاي تەك ايماقتىڭ عانا ەمەس، بۇكىل الەمدىك ەكونوميكانى اۋىر داعدارىستان شىعارۋدىڭ «لوكوموتيۆى» بولىپ وتىر. ايماقتاعى جانە الەمدەگى تۇراقتىلىقتى قامتاماسىز ەتۋ جونىندەگى ءوز تاجىريبەسىن ەسكە الا وتىرىپ قازاقستان قىتاي ەكونوميكاسىنىڭ ودان ارى دامۋىنا بارىنشا جاردەم بەرۋگە دايار»، -دەپ جازادى قازاقستاندىق مينيستر.

ول ستراتەگيالىق سەرىكتەستىكتىڭ نەگىزى اۋقىمدى ساۋدا-ەكونوميكالىق ءوزارا ارەكەتتەسۋ ەكەندىگىن اتاپ ءوتتى.

بەيجىڭ. 22 اقپان. قازتاگ – قازاقستان قىتاي ەكونوميكاسىنىڭ بۇدان ارى دامۋىنا بارلىق جاعىنان جاردەمدەسۋگە دايار، دەپ مالىمدەدى قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قحر-عا ساپارى الدىندا «جەنمين جيباو» ءۇشىن جازعان ماقالاسىندا. 

قازاقستاندىق مينيستر ماقالاسىندا قازاقستان مەن قحر اراسىنداعى ەكونوميكالىق ىنتىماقتاستىققا ەرەكشە نازار اۋدارعان.

«ءبىز قازاقستاندا، داعدارىسقا قارسى قحر-دىڭ باسشىلىعى جۇرگىزىپ وتىرعان جاۋاپتى جانە ابدەن تەكسەرىلگەن ساياساتىن قۋاتتاپ، قولدايمىز. شىنداپ كەلگەندە قىتاي تەك ايماقتىڭ عانا ەمەس، بۇكىل الەمدىك ەكونوميكانى اۋىر داعدارىستان شىعارۋدىڭ «لوكوموتيۆى» بولىپ وتىر. ايماقتاعى جانە الەمدەگى تۇراقتىلىقتى قامتاماسىز ەتۋ جونىندەگى ءوز تاجىريبەسىن ەسكە الا وتىرىپ قازاقستان قىتاي ەكونوميكاسىنىڭ ودان ارى دامۋىنا بارىنشا جاردەم بەرۋگە دايار»، -دەپ جازادى قازاقستاندىق مينيستر.

ول ستراتەگيالىق سەرىكتەستىكتىڭ نەگىزى اۋقىمدى ساۋدا-ەكونوميكالىق ءوزارا ارەكەتتەسۋ ەكەندىگىن اتاپ ءوتتى.

«1992 جىلدان بەرى قازاقستان مەن قىتاي اراسىنداعى ەكىجاقتى ساۋدا كولەمى 25 ەسەگە دەيىن كوتەرىلىپ، 2008 جىلى $17,5 ملرد مولشەرىندەگى رەكوردتىق سوماعا جەتتى. قىتاي ءبىزدىڭ ەكونوميكاعا $9,3 ملرد شاماسىندا بىرلەسكەن ينۆەستيتسيا سالعان اسا ءىرى ينۆەستورلاردىڭ ءبىرى بولدى. ءبىز سونىمەن بىرگە، ماڭىزدى ينفراقۇرىلىمدىق جوبالاردى جۇزەگە اسىرۋعا $13,5 ملرد شاماسىندا قارجىلىق كومەك بەرىپ وتىرعان قىتايعا ريزاشىلىعىمىزدى بىلدىرەمىز. بۇل قادام قازاقستاننىڭ جاھاندىق قارجى داعدارىسىنىڭ تەرىس سالدارىن جەڭۋدە ماڭىزدى ءرول اتقاردى»، -دەلىنگەن قر مەملەكەتتىك حاتشىسىنىڭ ماقالاسىندا.

ق. ساۋداباەۆ، سونىمەن بىرگە، ەكى ەل اراسىنداعى ساياسي سەنىم مەن ءوزارا تۇسىنىستىكتىڭ جوعارى دەڭگەيى تۋرالى ايتادى.

«قازاقستاننىڭ ءبىرىنشى پرەزيدەنتى نۇرسۇلتان نازارباەۆ پەن قحر توراعاسى حۋ تسزينتاونىڭ اراسىنداعى وتە جىلى جانە سەنىمدى قارىم-قاتىناستار وسىنىڭ دالەلى جانە ولار ەكىجاقتى بارلىق قارىم-قاتىناستاردىڭ كەشەنىنە انىقتاۋشى سەرپىن بەرەدى. ديپلوماتيالىق قارىم-قاتىناستار ورناعالى بەرى پرەزيدەنت نۇرسۇلتان نازارباەۆ قىتايعا 12 رەت ساپارمەن كەلدى. تەك سوڭعى 7 جىلدىڭ ىشىندە ءبىزدىڭ ەلدەرىمىزدىڭ باسشىلارى 18 رەت كەزدەسكەن»، -دەلىنگەن ماقالادا.

قر مەملەكەتتىك حاتشىسى قازاقستان-قىتاي ىنتماقتاستىعىن بارلىق سالادا جالعاستىرۋعا شاقىردى.

ق. ساۋداباەۆ قحر سىرتقى ىستەر ءمينيسترى يان تسزەچيدىڭ شاقىرۋىمەن قىتايعا 22-24 اقپان ارالىعىندا بارادى. قر ءسىم حابارلاعانىنداي، تۇستەن كەيىن ءسىم باسشىسى پەكينگە ۇشىپ كەتەدى.