«دومبىرا ەسكىلىكتىڭ قالدىعى» دەيدى ارنا باسشىسى...
سۋرەتتە. ءوز نارازىلىقتارىن اشىق بىلدىرگەن «قازاقستان - قاراعاندى» ارناسىنىڭ جۋرناليستەرى ءباسپاسوز ءماسليحاتىن وتكىزدى.
وتكەن جۇما كۇنى «قاراعاندى-قازاقستان» تەلەارناسىنىڭ ءبىر توپ جۋرناليستەرى تەلەارنا باسشىلىعىنىڭ جۇرگىزىپ وتىرعان ساياساتىنا نارازىلىق ءبىلدىرىپ، ءباسپاسوز ءماسليحاتىن وتكىزدى. سوسىن قاراعاندى وبلىسىنىڭ اكىمى س.ن.احمەتوۆ مىرزاعا، «قازاقستان» رترك اك باسقارما توراعاسى ج.س. وماروۆقا اشىق حات جازدى. وبلىستىق تەلەارنادا قالىپتاسىپ وتىرعان بۇل جاعداي ءبىزدى دە بەي-جاي قالدىرماعاندىقتان اشىق حاتتى تولىق جاريالاعاندى ءجون كوردىك.
«اباي-اقپارات»
اشىق حات
قادىرمەندى سەرىك نىعمەتۇلى!
قادىرمەندى جاناي سەيىتجانۇلى!
سۋرەتتە. ءوز نارازىلىقتارىن اشىق بىلدىرگەن «قازاقستان - قاراعاندى» ارناسىنىڭ جۋرناليستەرى ءباسپاسوز ءماسليحاتىن وتكىزدى.
وتكەن جۇما كۇنى «قاراعاندى-قازاقستان» تەلەارناسىنىڭ ءبىر توپ جۋرناليستەرى تەلەارنا باسشىلىعىنىڭ جۇرگىزىپ وتىرعان ساياساتىنا نارازىلىق ءبىلدىرىپ، ءباسپاسوز ءماسليحاتىن وتكىزدى. سوسىن قاراعاندى وبلىسىنىڭ اكىمى س.ن.احمەتوۆ مىرزاعا، «قازاقستان» رترك اك باسقارما توراعاسى ج.س. وماروۆقا اشىق حات جازدى. وبلىستىق تەلەارنادا قالىپتاسىپ وتىرعان بۇل جاعداي ءبىزدى دە بەي-جاي قالدىرماعاندىقتان اشىق حاتتى تولىق جاريالاعاندى ءجون كوردىك.
«اباي-اقپارات»
اشىق حات
قادىرمەندى سەرىك نىعمەتۇلى!
قادىرمەندى جاناي سەيىتجانۇلى!
«قازاقستان» ۇلتتىق ارناسىنىڭ ەڭ ءىرى فيليالدارىنىڭ ءبىرى تابىلاتىن «قازاقستان - قاراعاندى» تەلەارناسى جارتى عاسىردان بەرى قاراعاندى وبلىسىنىڭ كورەرمەندەرىنە قىزمەت ەتىپ كەلەدى. وسى جىلدار ىشىندە اتالعان ارناعا كوپتەگەن ازاماتتار باسشىلىق ەتتى. ول ازاماتتاردىڭ دەنى ءوز ماماندىعىنا ادال بەرىلگەن، ءوز ىستەرىنە ادامي ءھام كاسىبي جاۋاپكەرشىلىك تۇرعىسىنان قارايتىن، ەڭ باستىسى ادامگەرشىلىك قاعيدالارىن باسشىلىق ىستەرىنە ۇستانىم ەتە بىلگەن باسشىلار ەدى. «قازاقستان - قاراعاندى» تەلەاراسىنىڭ باعىت-باعدارى تەلەارناعا بەرىك دۇيسەتاەۆ ديرەكتور بولىپ كەلگەلى كۇرت وزگەرىپ سالا بەردى. جۋرناليستيكا سالاسىنان، اسىرەسە تەلەجۋرناليستيكادان ەشقانداي حابارى جوق (ول جۋرناليستيكا سالاسىندا ەشقاشان قىزمەت ىستەمەگەن) ب دۇيسەتاەۆ «قازاقستان - قاراعاندى» تەلەارناسىن 50 جىل بويى جيناعان ابىروي بەدەلىنەن ايىرىپ ءبىتتى دەسە دە بولادى. تەلەارنانىڭ قازىرگى جاعدايى ادام شوشىرلىق. ب دۇيسەتاەۆ باسشىلىققا كەلگەن كۇننەن باستاپ، تەلەارنانى يدەولوگيالىق ۇستانىمىنان ايىرۋمەن اينالىستى. ويتكەنى «قازاقستان - قاراعاندى» تەلەارناسى بۇل كۇندەرى وزىندىك يدەولوگيالىق باعىت-باعدارى، بەت-بەينەسى جوق وبلىسىمىزداعى رەيتينگىسى ەڭ تومەن تەلەارنالاردىڭ بىرىنە اينالىپ وتىر. ءسوزىمىز دالەلدى بولۋ ءۇشىن ايتايىق، اينالدىرعان ءبىر-ەكى جىلدىڭ ىشىندە تۇراقتى كورەرمەنى قالىپتاسقان مەملەكەتتىك تىلدەگى 10-نان اسا باعدارلاما جابىلعان. ولار: «ءۇت»، «ايەل الەمى»، «سىر سۇحبات»، «جانساراي»، «ويبەزبەن»، «ەلباسى جانە ەل قامى»، «تاڭشولپان»، «سارسەنبىنىڭ ساتىندە»، «ايماق تىنىسى» ت.ب. ورىس تىلىندە ەفيرگە شىعاتىن «ۋليتسا ناشەگو گورودا»، «مۋزىكالنايا سارى اركا»، «سارى اركا - كولىبەل درۋجبى» باعدارلامالارى دا قۇرباندىققا شالىندى. بۇل حابارلاردىڭ ورىندارىن تەلەارنا باسشىسى ەكى تىلدە شىعاتىن «ايتارىمىز از ەمەس» جانە «نە ۆسە سرازۋ...» اتتى اتاۋىنىڭ ءوزى كۇلكى شاقىراتىن، توبىرلىق تالعامعا نەگىزدەلگەن، يدەولوگيالىق مازمۇنى كومەسكى ەكى باعدارلامامەن تولتىرۋدا. الايدا بۇل باعدارلاماعا جۇمسالعان ماتەريالدىق، باسقا دا رەسۋرستار جوعارىداعى جابىلعان باعدارلامالارعا جۇمسالعان شىعىنداردىڭ بارلىعىنان اسىپ تۇسۋدە.
وسىنشاما باعدارلامانى «قارجى ۇنەمدەۋ ماقساتىندا» جاۋىپ تىنعان ب. دۇيسەتاەۆ تەلەارناعا باسشىلىق ەتكەن بەس جىلدىڭ ىشىندە ءوزىن قازاقتىڭ ۇلتتىق مادەنيەتى مەن ادەبيەتىنە، حالقىمىزدىڭ ءان مەن كۇي ونەرىنە، ءبىر سوزبەن ايتقاندا، حالقىمىزدىڭ رۋحاني مۇراسىنا مۇرنىن شۇيىرە قارايتىن نيگليست ادام ەكەندىگىن دالەلدەدى. ماسەلەن ول سپۋتنيكتىك جۇيە ارقىلى حالقىمىزدىڭ ءان-كۇي ونەرىن ناسيحاتتاپ، حالىق ونەرپازدارىنىڭ ورەلى ونەرىن دارىپتەيتىن «جانساراي» باعدارلاماسىن «دومبىرا دەگەن ەسكىلىكتىڭ قالدىعى» ء(وز ءسوزى) دەپ جاپقىزىپ تاستادى. ءسويتىپ ب. دۇيسەتاەۆ مىرزا وتكەن عاسىردىڭ ەلۋىنشى جىلدارى تاپ وسىلاي دەپ حالقىمىزدىڭ سيمۆولى - كيەلى دومبىراعا شابۋىل جاساعان ءجاندىلديننىڭ «ەرلىگىن» قايتالادى. وتكەن جىلدىڭ اياعىندا قازاقستان جازۋشىلار وداعىنىڭ مۇرىندىق بولۋىمەن «جالىن» باسپاسى قاراعاندىلىق جاس اقىنداردىڭ جىر جيناقتارىن جارىققا شىعارىپ، رەسپۋبليكا وقىرماندارىمەن قاۋىشتىردى. تالانتتى جاس اقىندارىمىزدىڭ شىعارماشىلىعىنا رەسپۋبليكالىق دارەجەدە نازار اۋدارىلۋى، ءتورت بىردەي جىر كىتابىنىڭ ءبىر مەزگىلدە جارىق كورۋى - بۇعان دەيىن قاراعاندى تاريحىندا بولماعان مادەني ماڭىزى زور وقيعا ەدى. وسى رۋحاني وقيعانىڭ تۇساۋكەسەر راسىمىنە «قازاقستان - قاراعاندى» تەلەارناسىنىڭ تىلشىلەرى ارنايى شاقىرىلدى. بۇل جولى دا تىلشىلەردىڭ جولىنا ب دۇيسەتاەۆ توسقاۋىل قويدى. «ەتو نە ۆاجنو» دەدى ول شىمىرىكپەي. بيىل قازاق ادەبيەتىنىڭ كلاسسيگى، داڭقتى جازۋشى مۇحتار ماعاۋين 70 جاسقا كەلدى. وسى مەرەيتويعا بايلانىستى وبلىستىق بالالار كىتاپحاناسىندا جازۋشى شىعارماشىلىعىنا ارنالعان مادەني كەش بولدى. مازمۇندى كەش جايلى دايىندالعان شاعىن سيۋجەت ب دۇيسەتاەۆتىڭ «يدەولوگيالىق قىراعىلىق» تانىتۋىنىڭ ارقاسىندا كەشكى جاڭالىقتارعا شىعىپ بارا جاتقان جەرىنەن «ۇستالىپ»، ەفيردەن الىنىپ تاستالدى. ب دۇيسەتاەۆتىڭ ويىنشا، جازۋشى مۇحتار ماعاۋين «ديسسيدەنت، وپپوزيتسيونەر» كورىنەدى. بىلدەي ءبىر وبلىستىق تەلەارنا باسشىسىنىڭ جازۋشى م ماعاۋيننىڭ مەرەيتويىنا بايلانىستى «ەگەمەن قازاقتان»، «قازاق ادەبيەتى» ت.ب. رەسپۋبليكالىق باق-ىندا جارىق كورگەن ماتەريالداردى وقىپ، كورىپ وتىرىپ، وسىنداي وراشولاق، سولاقاي شەشىم قابىلداۋىن قازاق جۋرناليستيكا تاريحىنداعى ماسقارا جاعداي دەمەسكە امالىمىز جوق. بۇل از دەسەڭىز، وتكەن جىلدىڭ جاز ايلارىندا قازاقتىڭ تۇڭعىش عارىشكەرى، جەرلەسىمىز توقتار اۋباكىروۆ تۋعان ەلى قارقارالىعا كەلدى. قازاق باتىرىنىڭ وسى ءىسساپارى جايىنداعى ماتەريالدى تىلشىلەرىمىز كەشكى جاڭالىقتار ارقىلى وبلىس جۇرتشىلىعىنا جەتكىزبەك بولدى. بۇل جولى دا دۇيسەتاەۆ مىرزانىڭ «قىراعى كوزى» قازاقتىڭ قىران ۇلى توقتار اۋباكىروۆتى «وپپوزيتسيونەر» بەينەسىندە كورىپ قالدى. اقىرى، قارقارالى اۋدانى تۋرالى اقپارات كۇللى قازاق ەلى قاستەر تۇتاتىن توقتار اۋباكىروۆسىز كورەرمەنگە كورسەتىلدى. ب دۇيسەتاەۆتىڭ توقتار اۋباكىروۆكە «وشىككەنى» سونداي - ەفيرگە عارىشكەر تۋرالى ءبىر اۋىز اقپارات تۇگىلى، ىشىندە توقتار باتىر بار جىلت ەتكەن ءبىر كادردىڭ ءوزىن مونتاج ستولىندا تىلشىمەن بىرگە وتىرىپ، مۇقيات قيعىزىپ، «تازالادى». وسى مىسالداردان-اق ب دۇيسەتاەۆ مىرزانىڭ يدەولوگيالىق ساۋاتى مەن وي-ءورىسىنىڭ قانشالىقتى دەڭگەيدە ەكەندىگى ايگىلەنىپ تۇرعان جوق پا؟
مەملەكەتتىك تىلدە ەفيرگە شىعاتىن باعدارلامالارعا قىرعيداي ءتيىپ، تۇگەلگە جۋىق جاۋىپ تىنعان ب دۇيسەتاەۆ ەندى قازاق ءتىلدى جۋرناليستەردى شەكتەۋگە كىرىستى. ماسەلەن بۇعان دەيىن اۆتورلىق باعدارلامالار دايىندايتىن قازاق جانە ورىس ءتىلدى رەداكتورلاردىڭ اراسىندا تەپە-تەڭدىك ورناپ كەلگەن بولسا، قازىر بۇل بالانس 5/3 بولىپ وتىر. ياعني ورىس ءتىلدى رەداكتورلاردىڭ سانى بەسەۋ بولسا، كەرىسىنشە قازاق ءتىلدى رەداكتورلاردىڭ سانى ۇشكە دەيىن قىسقارتىلىپ وتىر. ءسويتىپ، رەسپۋبليكامىزدىڭ بارلىق تەلەارنالارى ورىنداپ وتىرعان 50/50 تالابىن «قازاقستان - قاراعاندى» تەلەارناسى ورىنداي الماعاندىقتان، ب دۇيسەتاەۆ مىرزانىڭ ۇيعارۋىمەن «قازاقستان» ۇلتتىق ارناسىنىڭ توعىز بىردەي دايىن حابارى وبلىس كورەرمەندەرىنە كوشىرىلىپ كورسەتىلۋدە. مۇنداي تاجيبىريە تەلەارنادا بۇرىن دا بار ەدى. بىراق، دەرەكتى نەمەسە كوركەم فيلمدەرمەن عانا شەكتەلىپ، وبلىستىق ارنا نەگىزگى بار مۇمكىنشىلىكتى تەك ءوز ونىمدەرىن كورسەتۋگە جۇمىلدىراتىن. قازىرگى كەزدە «قازاقستان» تەلەارناسىن ءجون-جوسىقسىز قايتالاي بەرۋدىڭ ناتيجەسىندە قاراپايىم كورەرمەن ەكى تەلەارنانى ءبىر-بىرىنەن اجىراتا الماي، پۇشايمان بولۋدا.
تەلەارنا باسشىسى ب دۇيسەتاەۆتىڭ وسىنداي بەرەكەسىز، جۇيەسىز ارەكەتىنىڭ سالدارىنان «قازاقستان - قاراعاندى» تەلەارناسى «قازاقستان» ۇلتتىق ارناسىن رەترانتسيالاۋمەن عانا اينالىساتىن، مەملەكەتتىك تەلەارنا بولا تۇرا وبلىس ءۇشىن اقپاراتتىق، يدەولوگيالىق ماڭىزى تومەن، ازاماتتىق پوزيتسياسى سولقىلداق قولبالا تەلەارناعا اينالىپ وتىر. وسى ماقساتتا ب دۇيسەتاەۆ ءوزىنىڭ بىلىق-شىلىققا تولى ارەكەتتەرىنە توسقاۋىل بولا الاتىن، تەلەارنا مۇددەسى ءۇشىن قىزمەت ەتەتىن، كاسىبي شەبەرلىگى زور، بايىرعى جۋرناليستەر مەن مامانداردى تۇگەلگە جۋىعىن ءارتۇرلى لاس ايلا شارعىلاردى قولدانا وتىرىپ، «ءوز ەركىمەن» جۇمىستان كەتۋگە ءماجبۇر ەتتى. اسىرەسە، وتكەن جىلعى قاراشا ايىندا وتكەن قىسقارتۋ شارالارى كەزىندە ب دۇيسەتاەۆ وتە سۇرقيا ءىس-ارەكەتتەرگە باردى. ول ازاماتتىق پوزيتسياسى مىقتى كاسىبي جۋرناليسترگە ەكى تالاپ قويدى: نە «ازاماتتىق-قۇقىقتىق كەلىسىم شارتقا» قول قوياسىڭ، نە ءوز ەركىڭمەن قىزمەتتەن كەتەسىڭ. ناتيجەسىندە ەكى تالاپتىڭ ەكەۋى دە ايارلىقپەن جۇزەگە اسىرىلدى. ءبىرىنشى تالاپقا قول قويعاندار كوپ ۇزاماي «مەملەكەتتىك تاپسىرىس» بولماعاندىقتان، قارجى جوق دەگەن جەلەۋمەن شەتتەتىلۋمەن بولدى. ال، اتالعان جۋرناليستەر «مەملەكەتتىك تاپسىرىستى» يگەرگەن كۇننىڭ وزىندە ولارعا ەڭ تومەنگى جالاقى: رەداكتورلارعا 25 مىڭ تەڭگەگە دەيىن، باسقا قىزمەتكەرلەرگە بۇدان دا تومەن 10 -15 مىڭ تەڭگە كولەمىندە ايلىق تولەنەتىن بولدى. ماتەريالدىق جاعدايلارى كۇرت ناشارلاپ، «شومىشتەن قىسىلعان» ولار تەلەارنادان تاعى دا «ءوز ەركىمەن» كەتۋگە ءماجبۇر بولدى. ولاردىڭ ورنىندارىن جۋرناليستىك ءبىلىمى جوق، ەشقانداي جۋرناليستىك دايارلىقتان وتپەگەن، تەلەۆيزيا سالاسىندا قىزمەت ىستەمەك تۇگىلى، عۇمىرىندا جارتى بەت ماقالا جازىپ كورمەگەن ديرەكتوردىڭ تامىر تانىستارى باسۋدا. ءبىر سۇمدىعى ب دۇيسەتاەۆتىڭ تامىر-تانىستىق ارقىلى جيناعان «جۋرناليستەرى» ەشقانداي ەڭبەك تاجىريبيەلەرى جوق بولا تۇرا، ءمان-ماعىناسى جوق «باعدارلامالار» جۇرگىزىپ، باسشىلىق قىزمەتتەرگە جايعاسۋدا.
بۇگىنگى كۇندە مەملەكەتتىك تاپسىرىستىڭ باسىم بولىگىن تەلەارنانىڭ «جاڭالىقتار» - «نوۆوستي» باعدارلامالارى يگەرۋدە. سولاي بولا تۇرا، اتالعان رەداكتسياداعى جۋرناليستەردىڭ بارلىعىنا دەرلىگى (ون ەكى ءجۋرناليستىڭ توعىزى) ازاماتتىق قۇقىقتىق كەلىسىم شارتقا كوشىرىلگەندىكتەن، بارلىق الەۋمەتتىك تولەمدەر تولەنبەيتىن بولدى. ماسەلەن، جۋرناليستەر اۋىرعان جاعدايدا ەڭبەككە جارامسىزدىعى جونىندەگى وتەماقى المايدى; جىلدىق ەڭبەك دەمالىسى دەگەن اتىمەن جوق; ەڭبەك ءوتىلى جۇرمەيدى; 150 - 700 شاقىرىمعا دەيىن ىسساپارعا شىعاتىن جۋرناليستەرگە ءىسساپار اقىسى بەرىلمەيدى. ءتىپتى، كەيىنگى ۋاقىتتا الىس اۋىلدارداعى ەلدى مەكەندەرگە ىسساپارعا شىعۋ مۇلدە دوعارىلدى دەسە دە بولادى. بۇل دەگەنىڭىز - مەملەكەتتىك تاپسىرىستىڭ ماقساتتى تۇردە يگەرىلمەۋىنە بايلانىستى وبلىستىق تەلەارنا ءوز فورماتىنا ساي جۇمىس جاساي الماۋدا دەگەن ءسوز.
شىنىندا دا «ازاماتتىق-قۇقىقتىق كەلىسىم شارت» دەگەن نە ءوزى؟ الەمدىك تەلە-شوۋ-يندۋسترياسىنىڭ تاجىريبەسىنە سۇيەنسەك، ول دەگەن - دەرەكتى جانە كوركەم فيلم نەمەسە كوپشىلىككە ارنالعان شوۋ باعدارلاما جاسايتىن اۆتورلارمەن تەلەارنا باسشىسىنىڭ اراسىندا جاسالاتىن ءبىر جولعى جەكە كەلىسىم-شارت ەكەندىگى بەلگىلى. ال كۇن سايىن ەرتەدەن قارا كەشكە دەيىن جاڭالىقتار دايارلاۋمەن اينالىساتىن، جۋرناليستىك كاسىپتىڭ ەڭ اۋىر قامىتىن موينىنا ىلگەن اقپاراتتار قىزمەتىنىڭ تىلشىلەرىنە الگىندەي «ءتاسىلدى» قولدانۋ - اقىلعا سىيىمسىز. بۇل تاجىريبە - ەكسپريمەنتتىڭ زاردابىن بۇعان دەيىن سۇتتەي ۇيىپ وتىرعان تەلەارنا ۇجىمى عانا ەمەس، وبلىس كورەرمەندەرى دە تارتۋدا.
تەلەارناداعى تاعى ءبىر ۇلكەن پروبلەما كاسىبي كادرلاردىڭ تۇراقتاماۋى. سوڭعى ءۇش جىلداي ۋاقىت ىشىندە «قازاقستان-قاراعاندى» تەلەارناسىنان 70-كە جۋىق قىزمەتكەر تەلەارنا باسشىلىعىنىڭ كورسەتكەن قىسىمىنا شىداي الماعاندىقتان جۇمىستان كەتىپ تىندى. قازىر بۇل ماماندار رەسپۋبليكالىق، باسقا دا باق-دا جەمىستى ەڭبەك ەتۋدە.
كادر ساياساتىنىڭ دۇرىس جۇرگىزىلمەۋىنىڭ سالدارىنان دۇيسەتاەۆپەن ىمىرالاسا وتىرىپ، وعان مۇددەلەس بولىپ العان مەملەكەتتىك ءتىلدى مۇلدە بىلمەيتىن، ۇلتتىق رۋحتىڭ جاڭعىرۋىنا قۇلىقسىز باستىقسىماق ماماندار وزدەرىنىڭ جىمىسقى ويىن جۇزەگە اسىرىپ، مەملەكەتتىك تىلدەگى حابارلاردىڭ ۇلەسىن ازايتۋعا، ولاردىڭ ساپاسىز بولۋىنا مۇددەلىك تانىتۋدا. قازىرگى كەزدە «قازاقستان-قاراعاندى» تەلەارناسى وبلىس كولەمىندە حابار تاراتىن ارنالاردىڭ ىشىندە ەڭ ساپاسىز كورسەتىلەتىن ەفيرگە يە بولىپ وتىر. اتالمىش ارنانىڭ تەلەونىمدەرىن قاراعاندى قالاسىنىڭ ماڭايىنداعى ەلدى مەكەندەر تۇگىلى، قالا كورەرمەندەرىنىڭ ءوزى ازەر كورۋدە. كەزىندە اسا قىمبات باعاعا ساتىپ الىنعان حابار تاراتقىش قۇرىلعىلار قولدارىنىڭ جىمىسقىسى بار تەحمامانداردىڭ ارالاسۋىمەن تالان-تاراجعا ۇشىراعان ءتارىزدى. ماسەلە اقپاراتىق قاۋىپسىزدىككە تىرەلگەندىكتەن بۇل ىسپەن ۇقك اينالىسقانى دۇرىس بولار ەدى.
قادىرمەندى جاناي سەيىتجانۇلى!
قۇرمەتتى سەرىك نىعمەتۇلى!
تەلەارناعا تەز ارادا بىلىكتى، ەشقانداي ارانداتۋلارعا كونبەيتىن كوميسسيا جىبەرىپ، ورىن العان كەلەڭسىزدىكتەردى انىقتاۋىڭىزدى جانە شارا قولدانۋىڭىزدى وتىنەمىز. قازىرگى ديرەكتور بەرىك دۇيسەتاەۆتى ورنىنان الاستاتىپ، ول ماڭايىنا جيناعان كادرلاردان تەلەارنانى تەگىس تازارتۋىڭىزدى سۇرايمىز.
قاراعاندى وبلىسى ەلىمىزدىڭ ساياسي-ەكونوميكالىق، مادەني-الەۋمەتتىك الەۋەتى مول شوعىرلانعان ايماق. وسىنداي ۇلكەن ءوڭىردى دەر كەزىندە اقپاراتپەن قامتاماسىز ەتۋ مەن يدەولوگيالىق ماقساتتى ءىس-شارالاردى اتقارۋدا «قازاقستان - قاراعاندى» تەلەارناسىنىڭ ماڭىزى زور. سوندىقتان مەملەكەت مۇددەسىنە قىزمەت ەتۋگە مۇنداعى جۋرناليستەر قاۋىمى ءاردايىم دايارمىز جانە مۇددەلىمىز. ءبىز تومەندەگى قول قويۋشىلار، «قازاقستان - قاراعاندى» تەلەارناسىنا مەملەكەتشىل، كەڭ اۋقىمدا ويلايتىن، جەرگىلىكتى ىقپالدى توپتارعا تاۋەلدى ەمەس، ەڭ باستىسى جۋرناليستىك ەڭبەك جولىنان وتكەن، مادەني-رۋحاني قۇندىلىقتاردان مول حاباردار ازامات ءھام ىسكەر باسشى تاعايىنداۋلارىڭىزدى تالاپ ەتەمىز.
«قازاقستان - قاراعاندى» تەلەارناسىنىڭ ءبىر توپ جۋرناليستەرى:
تولەۋتاي ە.
مۇباراك ب.
جامپەيسوۆ ءا.
احمەتوۆا س.
مارچەنكو و.
ديۋسەكينا م.
مۋسينوۆا ب.
كاريم ن.
يبراەۆ ا.
