«رۋح پەن ءتىل» كلۋبى، «ەركىن عالامتور ءۇشىن» قوزعالىسى جانە بىرقاتار جاستار قوعامدىق ۇيىمدارىنىڭ 11 cاۋىردە «ءبىز وزگەرىستى قالايمىز» دەگەن اتپەن، جاستاردىڭ تۇڭعىش بەيبىت شەرۋىن وتكىزەمىز دەپ ەكى ايدان بەرى جارتى الەمگە جار سالىپ، جاماعاتقا جينالىڭدار دەپ ۇران تاستاپ جۇرگەنى ءمالىم ەدى. ەندى قايتسىن، وسى كەزگە دەيىن جوعارىعا جولداعان حات-ۇندەۋى، تالاپ-تىلەكتەرىنە «ءماۋ» دەپ نازار اۋدارعان ادام بولمادى. ال، الماتىداعى استانا الاڭىنا جينالا قالامىز دەگەن جاستارعا قالا اكىمدىگى رۇقسات بەرە قويمادى.  بۇعان دا كونبەيتىن سىڭاي تانىتقان جاستار وتكەن جۇمادا الماتى قالاسى اكىمشىلىگىندە بىرقاتار لاۋازىم يەلەرىمەن جۇزدەسىپ، كەلىسسوز ۇستەلىنە وتىرعان بولاتىن. وسىناۋ ميتينگتى ۇيىمداستىرۋدىڭ باسى-قاسىندا جۇرگەن بەلسەندىلەر بيلىكپەن كەلىسىمگە كەلگەنىن جاريا ەتكەندە، الا-توو الاڭىندا ايىرقالپاقتى اعايىننىڭ ادام شىعىنىنا جەتكىزگەن كوتەرىلىس لەبى بىزگە دە جەتكەن-ءدى. ءتۇپ ىرگەمىزدەگى توڭكەرىس قاۋپىنەن ەتەك-جەڭىن تەز جيعان اتقامىنەرلەر الماتى قالاسى اكىمشىلىگىنىڭ جانىندا جاستار ماسەلەلەرىن قارايتىن تۇراقتى ديالوگ الاڭىنا قۇرۋعا كەلىستى. بۇل ديالوگ الاڭى ايىنا ءبىر رەت جاستار ماسەلەلەرىنىڭ جىگىن تاراتۋمەن اينالىساتىن بولادى.

«رۋح پەن ءتىل» كلۋبى، «ەركىن عالامتور ءۇشىن» قوزعالىسى جانە بىرقاتار جاستار قوعامدىق ۇيىمدارىنىڭ 11 cاۋىردە «ءبىز وزگەرىستى قالايمىز» دەگەن اتپەن، جاستاردىڭ تۇڭعىش بەيبىت شەرۋىن وتكىزەمىز دەپ ەكى ايدان بەرى جارتى الەمگە جار سالىپ، جاماعاتقا جينالىڭدار دەپ ۇران تاستاپ جۇرگەنى ءمالىم ەدى. ەندى قايتسىن، وسى كەزگە دەيىن جوعارىعا جولداعان حات-ۇندەۋى، تالاپ-تىلەكتەرىنە «ءماۋ» دەپ نازار اۋدارعان ادام بولمادى. ال، الماتىداعى استانا الاڭىنا جينالا قالامىز دەگەن جاستارعا قالا اكىمدىگى رۇقسات بەرە قويمادى.  بۇعان دا كونبەيتىن سىڭاي تانىتقان جاستار وتكەن جۇمادا الماتى قالاسى اكىمشىلىگىندە بىرقاتار لاۋازىم يەلەرىمەن جۇزدەسىپ، كەلىسسوز ۇستەلىنە وتىرعان بولاتىن. وسىناۋ ميتينگتى ۇيىمداستىرۋدىڭ باسى-قاسىندا جۇرگەن بەلسەندىلەر بيلىكپەن كەلىسىمگە كەلگەنىن جاريا ەتكەندە، الا-توو الاڭىندا ايىرقالپاقتى اعايىننىڭ ادام شىعىنىنا جەتكىزگەن كوتەرىلىس لەبى بىزگە دە جەتكەن-ءدى. ءتۇپ ىرگەمىزدەگى توڭكەرىس قاۋپىنەن ەتەك-جەڭىن تەز جيعان اتقامىنەرلەر الماتى قالاسى اكىمشىلىگىنىڭ جانىندا جاستار ماسەلەلەرىن قارايتىن تۇراقتى ديالوگ الاڭىنا قۇرۋعا كەلىستى. بۇل ديالوگ الاڭى ايىنا ءبىر رەت جاستار ماسەلەلەرىنىڭ جىگىن تاراتۋمەن اينالىساتىن بولادى.

سودان نە كەرەك، سىرعىپ 11 ءساۋىر دە كەلدى. تاڭەرتەڭ ەل ەسكى الاڭ اتاپ كەتكەن استانا الاڭىندا پوليتسيانىڭ قاراڭ-قۇراڭى كوبەيىپ، جاندىسى مەن جانسىزى قوسىلىپ، ءبىراز ادامدى قۇرادى. ءسويتىپ جاتقاندا، سىركىرەپ تۇرعان جاۋىننان «بالالار الەمى» دۇكەنىنىڭ جانىنان پانالاپ تۇرعان 30-40 ادام الاڭنىڭ ءبىر بۇرىشىنا جينالدى. ولاردى، ارينە پوليتسيا «ىستىق قۇشاعىنا» الدى. قورشاۋدا تۇرعان جۇرتتىڭ كوبى شال-شاۋقان. ءسوز لامدەرىنە قاراعاندا، بەيبىت شەرۋگە شىققان جاستار ارانداپ قالماس ءۇشىن اقىلدارىن ايتىپ، قولداۋ كورسەتپەككە كەلگەن. سونىڭ اراسىندا ەرمەك نارىمباەۆ دەگەن قوعامدىق بەلسەندىنى جانە بىرنەشە ازاماتتى پوليتسيا ارناۋلى اۆتوبۋسقا تيەپ الىپ، جەتىسۋ اۋداندىق ىشكى ىستەر باسقارماسىنا جونەلدى. جاستار شەرۋىنىڭ وتپەي قالۋ سەبەبىن جانبولات مامايدىڭ ءوزى كەلىپ، ءتۇسىندىرسىن دەپ تۇرعان جۇرتتى قالالىق ىشكى ىستەر باسقارماسىنىڭ قىزمەتكەرلەرى مەن جانبولات مامايدىڭ وكىلىمىز دەگەن بىرنەشە جىگىت ءمان-جايدى ايتىپ ءتۇسىندىرىپ، اۋىز جيعانشا «ويباي، ءتورت ادامدى الىپ كەتتى» دەپ، جۇرت شۋ ەتە قالدى. سونىمەن، ەكى ساعاتتاي ءوزارا سويلەسكەن جۇرت پەن پوليتسيا كەلىسىمگە كەلىپ، ۇستالعاندار بوساتىلىپ، جاڭبىرلى كۇننەن جاۋراعان جۇرت ۇيلەرىنە تارقاستى.

«اباي - اقپارات»