پاۆلودار. 12 ءساۋىر. قازتاگ – پاۆلودار وبلىستىق ءماسليحاتىنىڭ رەۆيزيالىق كوميسسياسى ءبىلىم باسقارماسىنىڭ ورتا وقۋ ورىندارىندا شەت ءتىلىن وقىتاتىن شەتەلدىك ۇستازدارعا ۋنيۆەرسيتەتتەردەن دە كوپ قارجى جۇمسايتىنىن انىقتادى.

كوميسسيانىڭ مالىمەتتەرى بويىنشا، وتكەن جىلدىڭ ءتورت ايىندا بيۋدجەتتەن كاسىپتىك ليتسەيلەر مەن مەكتەپتەرگە ون شەتەلدىك ۇستازعا ت50 ملن-عا جۋىق قارجى بولىنگەن.

«پاۆلوداردىڭ شەت ءتىلىنىڭ مۇعالىمدەرىن دايىندايتىن ءۇش جوو ءبىلىم باسقارماسىنىڭ كاسىپتىك ليتسەيلەرگە جۇمساعان قارجىسىنان از قارجى شىعىنداعان بولىپ تۇر»، – دەپ ءمالىم ەتتى وبلىستىق ءماسليحاتتىڭ سەسسياسىندا رەۆيزيالىق كوميسسيانىڭ توراعاسى اناتولي گۋسكوۆ.

ونىڭ ايتۋىنشا، 2009 جىلى اقسۋ قالاسىنداعى №19 كاسىپتىك ليتسەيدىڭ وقۋشىلارى، بولاشاق مەتاللۋرگتەر اعىلشىن ءتىلىن شەتەلدىك وقىتۋشىلاردىڭ كومەگىمەن وقىعان. شىعىن كولەمى 4 ايدا ت3 ملن قۇراعان. پاۆلوداردا № 9 كاسىپتىك ليتسەيدە جاس قۇرىلىسشىلارعا شەتەلدىكتەر ساباق بەرىپ كەلگەن، ولارعا دا وسىنشاما قارجى جۇمسالعان، دەيدى ا. گۋسكوۆ.

ونىڭ مالىمەتتەرىنە سايكەس، كوميسسيا مۇنداي فاكتىلەردى ورتا ءبىلىم بەرەتىن بىرنەشە مەكەمەدەن انىقتاعان جانە شەتەلدىك مۇعالىمدەردى جالداۋعا بىرنەشە دەلدال قاتىسقان. ول 2009 جىلدىڭ تامىز ايىندا ءبىر كاسىپكەردىڭ وقىتۋشىلارى جانە شەتەلدىكتەرمەن جۇمىس ىستەۋگە رۇقساتى بولماسا دا، ت15 ملن سومانىڭ تەندەرىندە ءۇش وقۋ ورنى بويىنشا تەندەردە جەڭىسكە جەتكەنىن مىسالعا كەلتىردى.

پاۆلودار. 12 ءساۋىر. قازتاگ – پاۆلودار وبلىستىق ءماسليحاتىنىڭ رەۆيزيالىق كوميسسياسى ءبىلىم باسقارماسىنىڭ ورتا وقۋ ورىندارىندا شەت ءتىلىن وقىتاتىن شەتەلدىك ۇستازدارعا ۋنيۆەرسيتەتتەردەن دە كوپ قارجى جۇمسايتىنىن انىقتادى.

كوميسسيانىڭ مالىمەتتەرى بويىنشا، وتكەن جىلدىڭ ءتورت ايىندا بيۋدجەتتەن كاسىپتىك ليتسەيلەر مەن مەكتەپتەرگە ون شەتەلدىك ۇستازعا ت50 ملن-عا جۋىق قارجى بولىنگەن.

«پاۆلوداردىڭ شەت ءتىلىنىڭ مۇعالىمدەرىن دايىندايتىن ءۇش جوو ءبىلىم باسقارماسىنىڭ كاسىپتىك ليتسەيلەرگە جۇمساعان قارجىسىنان از قارجى شىعىنداعان بولىپ تۇر»، – دەپ ءمالىم ەتتى وبلىستىق ءماسليحاتتىڭ سەسسياسىندا رەۆيزيالىق كوميسسيانىڭ توراعاسى اناتولي گۋسكوۆ.

ونىڭ ايتۋىنشا، 2009 جىلى اقسۋ قالاسىنداعى №19 كاسىپتىك ليتسەيدىڭ وقۋشىلارى، بولاشاق مەتاللۋرگتەر اعىلشىن ءتىلىن شەتەلدىك وقىتۋشىلاردىڭ كومەگىمەن وقىعان. شىعىن كولەمى 4 ايدا ت3 ملن قۇراعان. پاۆلوداردا № 9 كاسىپتىك ليتسەيدە جاس قۇرىلىسشىلارعا شەتەلدىكتەر ساباق بەرىپ كەلگەن، ولارعا دا وسىنشاما قارجى جۇمسالعان، دەيدى ا. گۋسكوۆ.

ونىڭ مالىمەتتەرىنە سايكەس، كوميسسيا مۇنداي فاكتىلەردى ورتا ءبىلىم بەرەتىن بىرنەشە مەكەمەدەن انىقتاعان جانە شەتەلدىك مۇعالىمدەردى جالداۋعا بىرنەشە دەلدال قاتىسقان. ول 2009 جىلدىڭ تامىز ايىندا ءبىر كاسىپكەردىڭ وقىتۋشىلارى جانە شەتەلدىكتەرمەن جۇمىس ىستەۋگە رۇقساتى بولماسا دا، ت15 ملن سومانىڭ تەندەرىندە ءۇش وقۋ ورنى بويىنشا تەندەردە جەڭىسكە جەتكەنىن مىسالعا كەلتىردى.

«ول بىرنەشە كۇننەن كەيىن اتالعان وقۋ مەكەمەلەرىندە اعىلشىن ءتىلىن وقىتۋ ءۇشىن باسقا جك-مەن كەلىسىمگە وتىرعان. دەمەك، ءار وقۋ ورنىنا ەكى دەلدالدان كەلگەن»، - دەدى ول.

ا. گۋسكوۆتىڭ ايتۋىنشا، بەس وقۋ ورنى شەتەلدىك ماماندارمەن «جاپاروۆا» جك ارقىلى كەلىسىمدەر بويىنشا، ءتورت ورتا وقۋ ورنى قوستانايلىق دەلدال ارقىلى جۇمىس ىستەۋدە. ال پاۆلودارلىق ۋنيۆەرسيتەتتەر شىعىندارعا جول بەرمەۋ ءۇشىن بەيبىتشىلىك كورپۋسى نەمەسە بريتاندىق كەڭەس ارقىلى جۇمىس ىستەيدى، كەيدە ەرىكتىلەردى دە شاقىرادى.

«ءبىزدىڭ ۋنيۆەرسيتەتتەر مەن مەكتەپتەردە ۇستاز اتىنا لايىقتى وقىتۋشىلار بار. جوو-لار كادرلار دايارلايدى، مەكتەپ وقۋشىلارى مەن ليتسەيستەردى سولار وقىتا الادى. سونشالىقتى كوپ قارجى جۇمساۋدىڭ قاجەتى قانشا ەكەنى تۇسىنىكسىز»، – دەپ ءمالىم ەتتى ا. گۋسكوۆ. ول 2009 جىلدىڭ قاراشاسىندا جەمقورلىقپەن كۇرەس جونىندەگى كوميسسيانىڭ وتىرىسىندا ءبىلىم باسقارماسى قارجىنىڭ جەتىسپەۋشىلىگىن باستى ماسەلەلەردىڭ ءبىرى رەتىندە اتاعانىن ەسكە سالدى.