استانا. 12 ءساۋىر. قازتاگ – ايگۇل تۇلەكباەۆا. رەسەيدىڭ Sollers كومپانياسى قاراعاندىدا جاپونيالىق Suzuki كولىكتەرىن قۇراستىرۋدى جوسپارلاپ وتىر، دەپ ءمالىم ەتتى يندۋستريا جانە جاڭا تەحنولوگيالار ۆيتسە-ءمينيسترى بەرىك كاماليەۆ.

«الدىمەن استانادا دەپ ويلاعانبىز ء(وندىرىستى ورنالاستىرۋدى - قازتاگ), بىراق وندا جەر تەلىمىنە قاتىستى ماسەلە تۋىندادى. 100 گا قاجەت، سوندىقتان قاراعاندىدا ورنالاستىرۋ ماسەلەسى قاراستىرىلىپ جاتىر»، - دەدى ب. كاماليەۆ دۇيسەنبى كۇنى ۇكىمەتتەگى سەلەكتورلىق كەڭەستە.

ونىڭ ايتۋىنشا، زاۋىتتىڭ قۋاتى جىلىنا 50 مىڭ اۆتوكولىكتى قۇراماق.

يندۋستريا جانە جاڭا تەحنولوگيالار ءمينيسترى اسەت يسەكەشەۆ زاۋىت جاپونيالىق Suzuki شىعارادى دەگەن بولجام ايتتى.

«ازىرگە جاپونيالىق Suzuki كومپانياسىنىڭ مودەلدەرىن شىعارۋ تۋرالى اڭگىمە بولىپ وتىر»، - دەدى ول.

بۇرىن حابارلانعانداي، رەسەيدىڭ Sollers كومپانياسى استانادا كولىك قۇراستىرۋشى كاسىپورنىن سالۋى مۇمكىن. بۇل تۋرالى قر ءبىرىنشى ۆيتسە-پرەمەرى ومىرزاق شوكەەۆ پەن رف ۇكىمەتى توراعاسىنىڭ ءبىرىنشى ورىنباسارى يگور شۋۆالوۆ باسقاراتىن قازاقستان مەن رەسەي جۇمىس توپتارىنىڭ ناۋرىز ايىندا ماسكەۋدە وتكەن كەلىسسوزدەرى بارىسىندا ايتىلدى. 

استانا. 12 ءساۋىر. قازتاگ – ايگۇل تۇلەكباەۆا. رەسەيدىڭ Sollers كومپانياسى قاراعاندىدا جاپونيالىق Suzuki كولىكتەرىن قۇراستىرۋدى جوسپارلاپ وتىر، دەپ ءمالىم ەتتى يندۋستريا جانە جاڭا تەحنولوگيالار ۆيتسە-ءمينيسترى بەرىك كاماليەۆ.

«الدىمەن استانادا دەپ ويلاعانبىز ء(وندىرىستى ورنالاستىرۋدى - قازتاگ), بىراق وندا جەر تەلىمىنە قاتىستى ماسەلە تۋىندادى. 100 گا قاجەت، سوندىقتان قاراعاندىدا ورنالاستىرۋ ماسەلەسى قاراستىرىلىپ جاتىر»، - دەدى ب. كاماليەۆ دۇيسەنبى كۇنى ۇكىمەتتەگى سەلەكتورلىق كەڭەستە.

ونىڭ ايتۋىنشا، زاۋىتتىڭ قۋاتى جىلىنا 50 مىڭ اۆتوكولىكتى قۇراماق.

يندۋستريا جانە جاڭا تەحنولوگيالار ءمينيسترى اسەت يسەكەشەۆ زاۋىت جاپونيالىق Suzuki شىعارادى دەگەن بولجام ايتتى.

«ازىرگە جاپونيالىق Suzuki كومپانياسىنىڭ مودەلدەرىن شىعارۋ تۋرالى اڭگىمە بولىپ وتىر»، - دەدى ول.

بۇرىن حابارلانعانداي، رەسەيدىڭ Sollers كومپانياسى استانادا كولىك قۇراستىرۋشى كاسىپورنىن سالۋى مۇمكىن. بۇل تۋرالى قر ءبىرىنشى ۆيتسە-پرەمەرى ومىرزاق شوكەەۆ پەن رف ۇكىمەتى توراعاسىنىڭ ءبىرىنشى ورىنباسارى يگور شۋۆالوۆ باسقاراتىن قازاقستان مەن رەسەي جۇمىس توپتارىنىڭ ناۋرىز ايىندا ماسكەۋدە وتكەن كەلىسسوزدەرى بارىسىندا ايتىلدى. 

اتالعان جوبانى جۇزەگە اسىرۋعا رەسەيدە اۆتوكولىك قۇراستىرۋشى وندىرىستىك قۋاتى بار «Sollers» رەسەيلىك كومپانياسى قىزىعۋشىلىق تانىتتى. ءبىرىنشى كەزەڭدە قازاقستاندا ۋاز اۆتوكولىكتەرىن قۇراستىرۋ ءوندىرىسىن ۇيىمداستىرۋ بولجانعان بولاتىن. سونىمەن قاتار، وندىرىسكە كەڭىرەك مودەلدىك جەلىنى ىسكە قوسۋ، سونىڭ ىشىندە شەتەلدىك ماركالاردى قۇراستىرىپ، زاۋىتتىڭ وندىرىستىك قۋاتىن جىلىنا 50 مىڭ اۆتوكولىككە دەيىن جەتكىزۋ ارقىلى جوبانى كەڭەيتۋ ماسەلەسى قاراستىرىلۋدا.

جوباعا قاجەت ينۆەستيتسيالار $200 ملن دەپ باعالانىپ وتىر.

قازاقستاندا قۇراستىرىلعان اۆتوكولىكتەردى ساتۋ نارىعى رەتىندە وزبەكستان، قىرعىزستان، تۇركمەنستان، تاجىكستان، ازەربايجان، ارمەنيا سياقتى كورشى مەملەكەتتەر قاراستىرىلىپ وتىر.

20 قاراشادا يالتادا تمد ەلدەرى ۇكىمەت باسشىلارى كەڭەسىنىڭ وتىرىسىندا Sollers جانە «ازيا اۆتو» اۆتوكومپانيالارىنىڭ باسشىلارى قازاقستاندا UAZ اۆتوكولىكتەرىن قۇراستىرۋ بويىنشا نيەتتەر حاتتاماسىنا قول قويدى. قازاقستاندىق كاسىپورىن ءوز قۋاتتارىندا UAZ Patriot كولىكتەرىن قۇراستىرۋدى جوسپارلاعان.

زاۋىت UAZ اۆتوكولىكتەرىن 2010 جىلدىڭ ەكىنشى جارتىجىلدىعىندا جىلىنا 5-6 مىڭ دەڭگەيىندە باستاۋدى جوسپارلاعان. كومپانيا وتكىزۋ نارىعى رەتىندە قازاقستاندى عانا اتاعان بولاتىن.