«وڭتۇستىك كورەيانىڭ پرەزيدەنتى پاك كىن حە 16 ءساۋىر كۇنى اپاتقا ۇشىراپ، سۋعا كەتكەن «سەۆول» پارومىندا قازا بولعانداردىڭ تۋعان-تۋىستارىنان كەشىرىم سۇرادى» - دەپ جازدى قازاقپارات.  سونداي-اق وڭتۇستىك كورەيا ەلىنىڭ باسشىسى اپاتتىڭ الدىن الا الماعانى ءۇشىن حالقىنان كەشىرىم سۇراپ، بيلىكتىڭ ءتارتىبىن ارتتىرۋعا كۇش سالاتىنىن ايتقان.

بورتىندا 476 ادام بار «سەۆول» كەمەسى 16 ءساۋىر كۇنى وڭتۇستىك كورەيانىڭ وڭتۇستىك جاعالاۋىندا اپاتقا ۇشىراعان بولاتىن. كەمەدە نەگىزىنەن مۇعالىمدەر مەن وقۋشىلار بولعان.  امان قالعان  174 ادامدى قۇتقارۋشىلار قاۋىپسىز جەرگە جەتكىزدى. اپات بارىسىندا كەمە ەكيپاجى جەدەل ارەكەت ەتپەۋى سەبەپتى ەكيپاج ۇستىنەن قىلمىستىق ءىس قوزعالعان. پرەزيدەنت پاك كىن حە ەكيپاج ءىسىن كىسى ولتىرۋمەن تەڭ قىلمىس ىستەدى دەپ ايىپتاعان. اتالعان وقيعاعا بايلانىستى  ۇكىمەت اتىنا ايتىلعان سىنداردان سوڭ كەشە پرەمەر-مينيستر چون ۆون حون وتستاۆكاعا كەتەتىنىن جاريالاعان ەدى. سوڭعى اقپارات بويىنشا كەمە اپاتىنان قۇربان بولعانداردىڭ سانى 193 - كە جەتتى.