جەكەشەلەندىرۋدىڭ ەكىنشى تولقىنى
جەكەشەلەندىرۋدىڭ ەكىنشى تولقىنى مەملەكەتتىڭ ەل ەكونوميكاسىنا قاتىسۋىن قىسقارتىپ، جاڭا سالالاردا جەكە بيزنەستىڭ دامۋىنا سەرپىن بەرەدى. بۇل تۋرالى بۇگىن 2014-2016 جىلدارعا ارنالعان جەكەشەلەندىرۋدىڭ كەشەندى جوسپارىن ىسكە اسىرۋدىڭ كۇردەلى ماسەلەلەرىن تالقىلاۋعا ارنالعان دوڭگەلەك ۇستەل بارىسىندا قر ۇلتتىق ەكونوميكا ءبىرىنشى ۆيتسە-ءمينيسترى مارات قۇسايىنوۆ مالىمدەدى.
«جەكەشەلەندىرۋدىڭ ەكىنشى تولقىنى مەملەكەتتىڭ ەل ەكونوميكاسىنا قاتىسۋىن قىسقارتىپ، جاڭا سالالاردا جەكە بيزنەستىڭ دامۋىنا سەرپىن بەرەدى. كاسىپكەرلىكتىڭ جاڭا اكتسيونەرلەرى، بىرىنشىدەن، دايىن كاسىپكەرلىككە قول جەتكىزسە، ەكىنشىدەن، ونى دامىتۋ باستامالارىن ىسكە اسىرۋ مۇمكىندىگىنە يە بولادى. ۇشىنشىدەن، ءوزىنىڭ سالالارىندا ۇلكەن تاجىريبەگە يە ۇزدىك دايىن ماماندارمەن جۇمىس ىستەيدى»، - دەيدى.
م.قۇسايىنوۆتىڭ ايتۋىنشا، جەكەشەلەندىرۋ كاسىپكەرلىكتىڭ دامۋىنا وڭ اسەر ەتپەك.
«جەكەشەلەندىرۋدىڭ كاسىپكەرلىكتى دامىتۋعا ايتارلىقتاي اسەر ەتەنىنى انىق. جەكە سەكتوردىڭ الدىنان كوپتەگەن نىساندار مەن كاسىپكەرلىك باعىتتارى اشىلادى. ولار بۇگىنگە دەيىن مەملەكەتتىڭ ارالاسۋىمەن قولجەتىمسىز بولىپ كەلگەن»، - دەيدى.
ونىڭ ايتۋىنشا، جەكە ينۆەستورلاردىڭ كەلۋى كاسىپكەرلىك قىزمەتتەرىن جاڭعىرتىپ، سوڭعى تۇتىنۋشىعا ساپالى ءونىم جەتكىزۋدە باسەكەلەسىتكتى ارتتىراتىن بولادى.
ينديرا قاۋمەتوۆا
