قىرعىزستاننىڭ بۇرىنعى پرەزيدەنتى اسقار اقاەۆ مۇندا وزىنە قاتىستى قىلمىستىق ىستەردىڭ قوزعالعانىنا قاراماستان ەلىنە كەلمەكشى. بۇل تۋرالى قازاقپارات جازدى.

بۇعان دەيىن بۇرىنعى ەل باسشىسىنىڭ اعاسى 82 جاستاعى بولات اقاەۆتىڭ كوز جۇمعانى جايلى قىرعىزستاندىق باق حابارلاعان. ەلگە كەلمەك بولعانىن «مەن اعامدى سوڭعى ساپارعا شىعارىپ سالۋعا مىندەتتىمىن»، – دەپ تۇسىندىرگەن ا.اقاەۆ.

ايتا كەتەيىك، قىرعىزستاننىڭ العاشقى پرەزيدەنتى 2005 جىلعى توڭكەرىستەن سوڭ ەلىنەن كەتىپ قالعان. اسقار اقاەۆ قازىرگى كۇندە ماسكەۋدىڭ تۇرعىنى. ول وتكەن جىلى ءوزىنىڭ ەل باسقارىپ تۇرعان كەزىندەگى قاتەلىكتەرى ءۇشىن قىرعىزستان حالقىنان كەشىرىم سۇراعان بولاتىن. قازاقستان پرەزيدەنتىمەن قۇداندالىق قاتىناسى بار اسقار اقاەۆ بيىل 10 قاراشادا جەتپىس جاسقا تولادى. ول 1990 جىلدان 2015 جىلعا دەيىن قىرعىزستان بيلىگىندە بولدى.

اباي-اقپارات