Қырғызстанның бұрынғы президенті Асқар Ақаев мұнда өзіне қатысты қылмыстық істердің қозғалғанына қарамастан еліне келмекші. Бұл туралы ҚазАқпарат жазды.

Бұған дейін бұрынғы ел басшысының ағасы 82 жастағы Болат Ақаевтың көз жұмғаны жайлы Қырғызстандық БАҚ хабарлаған. Елге келмек болғанын «Мен ағамды соңғы сапарға шығарып салуға міндеттімін», – деп түсіндірген А.Ақаев.

Айта кетейік, Қырғызстанның алғашқы президенті 2005 жылғы төңкерістен соң елінен кетіп қалған. Асқар Ақаев қазіргі күнде Мәскеудің тұрғыны. Ол өткен жылы өзінің ел басқарып тұрған кезіндегі қателіктері үшін Қырғызстан халқынан кешірім сұраған болатын. Қазақстан президентімен құдандалық қатынасы бар Асқар Ақаев биыл 10 қарашада жетпіс жасқа толады. Ол 1990 жылдан 2015 жылға дейін Қырғызстан билігінде болды.

Абай-ақпарат