ساياساتپەن ءبارىمىز دە اينالىسامىز. «سەن ساياساتپەن اينالىسپاساڭ ساياسات سەنىمەن اينالىسادى» دەگەن افوريزم دە بار. ياعني، ءومىردىڭ ءوزى، اسىرەسە قازىرگى قوعام ساياساتپەن اينالىسپاۋىڭا قويمايدى. ءبىزدىڭ بارلىق ءومىرىمىز ساياساتتان تۇرادى. ونى كۇندەلىكتى ومىردەن انىق كورۋگە بولادى. ساياساتقا ارقيلى باعا بەرۋگە بولادى. ساياسات تۋرالى تالاي دانىشپاندار مەن عۇلامالار دا ءوز پىكىرلەرىن بىلدىرگەن. ولاردىڭ ارقايسىسىمەن دە كەلىسۋگە بولادى. ءتىپتى، مىسقالداپ ايتقاندارىنا دا كۇمان كەلتىرە المامىز. تومەندە سولاي ايتىلعان ايتقىشتاردىڭ افوريزمدەرىن بەرىپ وتىرمىز. وقىڭىز، مۇمكىن ءسىزدىڭ دە ساياسي ومىرىڭىزگە نەمەسە قىزمەتىڭىزگە پايداسى ءتيىپ قالار.

 ساياسات - ناقتىلى ەمەس عىلىم.

                                                                                                 وتتو فون بيسمارك

ساياسات- سوعىستى باسقا تاسىلمەن جالعاستىرۋ.

                                                                                                   ۆو نگۋەن زياپ

ساياسات - كىم الادى، نە الادى، قاشان الادى جانە قالاي الادىنى بىلدىرەدى.

                                                                                                   گارولد لاسۋەل

ساياسات - قوعامدىق ىستەردى جەكە ادامنىڭ مۇددەسىنە قاراي باسقارۋ ءتاسىلى.

                                                                                                 امبروز بيرس   

 ساياسات - ادامداردى الداۋ ارقىلى باسقارۋ ونەرى.

                                                                                                يسااك ديزراەلي

ساياساتتا ماڭىزدى ەمەس نارسە جوق.

                                                                                       بەندجامين ديزراەلي 

ساياسات - جوقتى بار ەتۋ ونەرى.

                                                                                      وتتو فون بيسمارك

ساياسات - تولىققاندى اقپارات جانە ۋاقىت جەتپەگەن جاعدايدا ماڭىزدى شەشىم قابىلداي ءبىلۋ ونەرى.

                                                                                         كلەمەنت ەتتەلي 

بيلىك كوپ بولعان سايىن ونى اسىرا پايدالانۋ قاۋپى دە كوبەيە تۇسەدى

                                                                                   ەدمۋند بەرك

ەگەر اسىرا پايدالانۋ بولماسا بيلىك ءوزىنىڭ ماڭىزدىلىعىن جوعالتادى.

                                                                                       پول ۆالەري

باسقارۋ بيلىك ەتۋدى ەمەس، مىندەتتى ورىنداۋدى بىلدىرەدى.

                                                                                   پوسيدوني

بارلىق بيلىك حالىقتان شىعادى. بىراق وعان ەشقاشان قايتىپ ورالمايدى.

                                                                                   گابريەل لاۋب 

كەز كەلگەن بيلىك كەرەمەت، ال شەكسز بيلىك – شەكسىز كەرەمەت.

                                                                                    كەننەت تاينان

بيلىكتىڭ ماقساتى - بيلىك.

                                                                                    دجوردج ورۋەلل

بيلىكتەن ايىرىلعاننان كۇشتى قايعى جوق.

                                                                            شارل موريس دە تالەيرون

بيلەۋشىنى ءبىرىنشى ورىندىقتان ەكىنشى ورىندىققا، ال ودان كەيىن ەكىنشى ورىندىقتان ەڭ سوڭعى ورىندىققا اۋىستىرۋ وڭاي شارۋا ەمەس.

         يۋلي تسەزار 

ساياساتكەرلىك دەگەن – الدامپازدىق.

   سولون

ساياسات پەن مورالدىڭ بۇكىل ايىرماسى مىناۋ عانا: ءبىرىنشىسى ۇكىمەتتەر قىزمەتىن، ەكىنشىسى جەكە كىسىلەر مىنەز-قۇلقىن باعىتتاپ وتىرادى.

                                                                                                                   ي. بەنتام 

 مەنىڭ سىرتقى ساياساتتاعى باستى قاعيدام – ەل ءىشىن جاقسى باسقارۋ.

ۋ. گلادستون

ساياساتتى ءوزىنىڭ كاسىبىنە اينالدىرۋدىڭ ەكى ءتاسىلى بار: نە «ساياسات ءۇشىن» ءومىر ءسۇرۋ كەرەك، نە «ساياساتتاۋ ەسەبىنەن» جانە «ساياساتپەن» ءومىر ءسۇرۋ كەرەك.

م.ۆەبەر

ساياساتتىڭ باستى قۇرالى – زورلىق.

م.ۆەبەر

ساياسي نيەت – ماقسات، ال سوعىس تەك قۇرال، سوندىقتان قۇرالدى ەشقاشان ماقساتتان ءبولىپ الۋعا بولمايدى.

 ك. كلاۋزەۆيتس

سوعىس ءتىپتى دە دەربەس بىردەڭە ەمەس، ول ساياسي قاتىناستاردىڭ ءبىر بولىگى عانا.

ك. كلاۋزەۆيتس

ساياساتتا ىستەۋگە بولمايتىن كوپ نارسەلەردى دە ىستەۋگە تۋرا كەلەدى.

تەودور رۋزۆەلت

قوجايىن بولۋ ءۇشىن ساياساتكەر ءوزىن قىزمەتشى ەتىپ كورسەتەدى.

شارل دە گولل

ساياساتتا كەيدە ءوز وتانىڭا نەمەسە سايلاۋشىلارىڭا وپاسىزدىق جاساۋعا تۋرا كەلەدى. مەن ونىڭ ەكىنشىسىن قالايمىن.

شارل دە گولل 

ساياساتكەر قانداي دا ءبىر جاعدايدا بولماسىن «ەشقاشاندا» دەپ ايتپاۋى كەرەك.

                                                                                            ليندون دجونسون

ساياساتكەرلەردىڭ قايسىبىر 90 پايىزى باسقالاردىڭ بەدەلىنە نۇقسان كەلتىرەدى.

گ. كيسسيندجەر

ءبىز سىرتقى ساياساتتى سىرتقى قولدىڭ كۇشىمەن جۇرگىزەمىز.

                                                                                        دجوردج بۋش (كىشى)

ساياساتتىڭ وسىنداي قىمبات ءىس بولعانى سونشالىقتى، ءتىپتى سايلاۋدا جەڭىلىپ قالۋدىڭ ءوزى دە از اقشاعا تۇسپەيدى.

بوب ەدۋاردز

  مەن ساياساتپەن شۇعىلدانبايمىن. ال ءسىز بۇل ءسوزدىڭ «مەن ءومىر سۇرۋمەن شۇعىلدانبايمىن» دەپ ايتۋمەن بىردەي ەكەندىگىن بىلەسىز بە؟

جيۋل رەنار

ەگەر ءسىز ساياساتقا  ارالاسپاساڭىز، ساياسات سىزبەن ارالاسادى.

شارل مونتالامبەر

ساياساتكەر: تەك ءوز كارتاسىمەن عانا ويناعىسى كەلەتىن ويىنشى.

ۆلاديسلاۆ گجەششيك

  ساياساتكەر كەلەسى سايلاۋدى، مەملەكەتتىك قايراتكەر بولاشاق ۇرپاقتى ويلايدى.

دجەيمس فريمان كلارك

بالا قولىن كورسەتكەندە، وعان قولىن جۋ كەرەك ەكەندىگىن ايتادى. ساياساتكەر قولىن كورسەتپەيدى.

ستەفان گارچينسكي

   ساياساتكەرلەردىڭ اقىلدى بولۋى كەرەك ۋاقىتىنان ون جىلدان كەيىن اقىلدى بولاتىندىعى تاڭقالارلىق نارسە.

دەۆيد للويد دجوردج

تاريح – بۇدان ءارى تۇزەتۋگە بولمايتىن ساياسات. ساياسات - ءالى دە بولسا تۇزەتۋگە كەلەتىن تاريح.

زيگمۋند گرافف

  ساياساتكەر – تولقىندى ءوزى كوتەرىپ، ءبىزدى كەمەنى ول عانا ساقتاپ قالا الاتىنىنا سەندىرە الاتىن ادام.

ايۆەرن بولل 

ساياساتتا ءسىزدىڭ قالاي وينايتىنىڭىز ماڭىزدى ەمەس، ەسەپتى كىمنىڭ جۇرگىزەتىنى ەداۋىر ماڭىزدى.

اۆتورى بەلگىسىز

  قاتەلەسۋ ادامعا ءتان قاسيەت، ال قاتەلىگىن باسقاعا اۋدارۋ ساياساتكەرلەرگە ءتان قاسيەت.

اۆتورى بەلگىسىز 

دايىنداعان: بەكمىرزا سىرىمبەتۇلى، قىزىلوردا قالاسى

Abai.kz